radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ރަތްލާޖެހި
ނއ މަޖާޒު: (1) އެންމެންދަންނަ. (2) މަޝްހޫރު. މިބަސްބޭނުންކުރަނީ މީހުންނާ ނިސްބަތްކޮށެވެ
ރަސްހުވަނދު
ނ ދިވެހިބޭހަށް ބޭނުންކުރާ ބާވަތެއް އާންމުގޮތެއްގައި މިބޭނުންކުރަނީ ލޮލު ބޭހަށެވެ މިހުންނަނީ ކަޅުރަތް ކުލައެއްގައެވެ މީގައި މީރުވަހެއް ހުރެއެވެ
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަޖިސް
ނ އިހުގައި ގެންގުޅުނު ރެޖިސްކުންފުނީގެ މޮޅު ކުރަފަތާއި ފިޔޮހި
ރާޅު
ނ (1) ހިމުންކަމުގެ އިދިކޮޅު. (2) ކުރަކ.ި (3) ކަނޑުކަނޑާއި ކޯރުކޯރާއި ފެންފެންގަނޑުން އުފުލި ދަތުރުކުރާ ފެނުގެ ރޮނގު. (4) ހޮޅިލައިފައި ފަރުފަރަށާއި ގޮނޑުދޮށްތަކަށް ބިންދާ ފެނުގެ ހޮޅި. (5) ކަނޑުން ނުވަތަ ކޯރުން އުފެދޭ ހަލަބޮލިކަމުން ގޮނޑުދޮށާއި ހަމައަށް އައިސް ބީއްސާލާ ފެނުގެ ކޮއްޕާ ކޮއްޕުން. (6) ދަގަތްފާނާއި ކަރަންޓުގެ ދަތުރުކުރާ ހަކަތައިގެ ބައިތައް (7) ރޭޑިޔޯއިން އަޑުދުރަށް ފޮނުވަން ބޭނުންކުރާ ކަރަންޓުގެ ބާނި (8) އަޑު ދަތުރުކުރާއިރު ހުންނަ ފަށަލަ ފަށަލަ (9) ނއ އޮމާންކަމުގެ އިދިކޮޅު
ރާޅުކަން
ނއނ (1) ކުރަކިކަން (2) ކަށިކަން
ރާޅުވުން
މ ކުރަކިވުން
ރާޑި
ނ (1) އޮށްވަޅާއި ޖޯޑުބިޖޯޑާއި ބޮލިގަނޑުފަދަ ކުޅިވަރުގައި އަތް ހުސްވެގެންވާދެރަ (2) ކުރަން އުޅޭ ބައެއް ކަންތަކުގައި ކާމިޔާބު ނުވެގެންވާ ދެރަ (3) މީހަކާ ދިމާކޮށްލައިގެން އުޅެއުޅެފައި ގޮތެއް ނުވެގެންވާ ދެރަ (4) މީހަކަށް ނަސޭހަތްދީދީ ނާހައިގެން ދެން އަލުން ދޭނޭ ނަސޭހަތެއް ނެތުނީމާވާ ދެރައާއި ފޫހި
ރާޑިވުން
މ (1) އޮށްވަޅު ޖޯޑުބިޖޯޑު ބޮލިގަނޑު ފަދަކުޅިވަރުގައި އަތްހުސްވެގެން ދެރަވުން (2) ކުރަންއުޅޭ ބައެއް ކަންތަކުގައި ކާމިޔާބު ނުވެގެން ދެރަވުން
ރިހާކުރުބޮނޑި
ނ ރިހާކުރަށް އަޅައިފައި ހުންނަ މަހުގެ ގުޅަ މިއީ ކަނޑުމަހުގެ ކަށިފަތި ކަހައިގެން ނަގާމަސްގުޅަ ވަށައިގެން ކައްކައި ހިއްކައިގެން ނުވަތަ ވަޅޯކޮށްގެން ހަދައިފައި ހުންނަ އެއްޗެކެވެ
ރިހިލޮނު
ނ ކަޅާހުދުގެ ފޮޓޯގެ ކުލަ މުށިކުލައަށް ބަދަލުކުރަން ބޭނުންކުރާ ބޭހެއް
ރީނދޫބޭސް
ނ ބޭހުގެ ބާވެތެއް މިބޭސް ހުންނާނީ ރީނދޫ ކުލައިގައެވެ މިބޭސް ބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭ ތަންތާނގައާއި މެށޭތަންތާގައި ފާރުހިއްކުމަށްޓަކައި އުނގުޅައެވެ
ރެހަން
ނ (1) ކަނޑޫތޮށިން ހަދާ އޮލަ ދިޔަވަރެއް މިބޭނުންކުރަނީ ކެޔޮޅުކަމުގެންދާ ނަނުގެ ކުލަ ބަދަލުކޮށް ގަދަކުރާށެވެ (2) )ޏ ސ ( ރެހާން
ރެފުރީ
ނ ފުޓްބޯޅައާއި ރަގްބީއާއި އަދިވެސް މިފަދަ ބައެއް ކުޅިވަރުގައި އިންސާފު ކުރަން ހުންނަ މީހާ
ރޮނގުތެޔޮމަސް
ނ ފަރުމަހުގެ ބާވަތެއް މިއީ މަސްގަނޑުގެ ތެޔޮކަންގަދަ ފަރުމަހުގެ ބާވަތެކެވެ އުމުރުން ގިނަ ދުވަސްވީވަރަކަށް ކުލަގަދަވަމުންގޮސް ކަޅުކުލައަށް ބަދަލުވާ ގަދަމުށި ކުލައިގެ މަހެކެވެ މިމަހުގެ ނިގޫފަތް ކުޑަވާނެއެވެ ނިގޫކޮޅުގެ ދެފަރާތުގައި ކުޑަދެކުރަގަނޑާއި ބޮޑު ކުރަގަނޑެއް ހުރެއެވެ
ރޮންދާ
ނ ވަޑާންކުރަން ގެންގުޅޭ އާލަތެއް މިއީ ލަކުޑިމަށައި އޮމާންކުރަން ގެންގުޅޭ އެއްޗެކެވެ
ރޮކެޓު
ނ ވަރަށް ބާރަށް ފަހަތަށް ފޮނުވައިލާ މާއްދާއެއްގެ ސަބަބުން ކުރިޔަށްދާގޮތަށް ހަދައިފައިވާ އެއްޗެއް މީގެ އެންމެ ޢާއްމު ވައްތަރުތައް ހުންނަނީ އެއަށް އަޅައިފައިވާ އަނދާ މާއްދާތަކާއި އޮކްސިޖަން އެއްކޮށް އަންދައިގެން އުފެދޭއާވި ފަހަތަށް ފޮނުވާ ލައިގެން ދުއްވާގޮތަށެވެ. މިއެންމެ ޢާއްމުގޮތެއްގައި ބޭނުންކުރަނީ ހެދިހަނދު ފަދަ އެއްޗެހި ޖައްވަށް ފޮނުވުމަށާއި ޖައްވީ އުޅަނދު ފަހަރުގެ ދަތުރުތަކުގައެވެ
ރޯނާކުރަ
ނ ލޮލުގެ ހުދުކަޅީގައި އުފެދޭ ބައްޔެއް މިބަލިޖެހުމުން ލޮލުގެ ހުދުކަޅި ހުންނާނީ ރަތްރީނދޫ ކުލައެއްގައެވެ ތަންތަންކޮޅުގައި ކުރަބޯވެ ލޭނާރު ހިލިފައި ހުންނާނެއެވެ
ބަނޑުއޮއްޓުގަނޑު
ނ (1) އެއްޗެއް ވަރުގަދަކުރަން ދަށުފުށުން އަޅާ އެތިގަނޑު (2) ތެލަނގައިގެ ލަނބާދުނީގެ ބަނޑުފުށުގައި މެދުތެރޭ އަޅާ އެތިކޮޅު
ބަންދު
ނ (1) ހައްޔަރު (2) ގަޓަރިފީފާ ފަދަތަކެތި ބަންދުކުރަންއަޅާ ހަނިދިގުކޮށް ހުންނަ ތުނި ދަގަނޑުފަތް ނުވަތަ ފޮތިގަނޑު (3) ޕާރުސަލްކުރާ ކުރުން (4) އިނގިލީގައި އަޅާން ރަންރިހިފަދަ ތަކެތީން ހަދައިފައި ހުންނަ ފަތި އަނގޮޓި (5) ފޮތްފޮތުގެ ގަނޑުތައް ހުޅުވުނަ ނުދިނުމަށާއި ރައްދުވާ ފަރާތުގެ ނަން ޖެހުމަށް ފޮތުގެ ވަށައިގެން އަޅާ ކަރުދާހުގެ ފަށް (6) ހެދުމާއި ޔުނީފޯމުގައި ކަމަރެއްގެ ގޮތުގައި ބޭނުންކުރާ ފޮތިފަށް (7) ރައްކާކުރާން ބޭނުންވާ ތަކެތި ލައިފައި ހުންނަ ތަންތަނުގެ ދޮރުގައި ހުރަހަށް ނުވަތަ ކައްޗަށް އަޅައިފައި ހުންނަ ދަގަނޑު (8) "ހުޅުވިފައި" މިބަހުގެ އިދިކޮޅު (9) ނިޝާނެއްގެ ގޮތުން އަތުގައި ނުވަތަ ބޮލުގައި އަޅާން ހަދައިފައި ހުންނަ ފީތާފަށް )01( މަނާވާވުން