radheef.info
ރަދީފު


ޅ
ނ ތާނައިގެ ހަވަނައަކުރު
ހަރުކަށިކަން
ނއނ (1) މަޑުމައިތިރިކަމުގެ އިދިކޮޅު (2) ދޫނުކުރާކަން މިސާލު: އޭނާގެ ހަރުކަށިކަން ވަރަށް ބޮޑެވެ
ހަރުކަށިވުން
މ (1) އޮބައިލެވޭގޮތާއި ލަނބައިލެވޭގޮތް ނެތުން (2) އެއްކަށިވުން (3) ރަޙުމުކުޑަވުން (4) ކަންތައްކުރުމުގައި ނިޔަނެތި ގޮތްނެތުން (5) މަޖާޒު: ގޮތްދޫނުކުރާ މީހަކަށްވުން މިސާލު: ގެންގުޅޭ މީހުނާ މެދުގައި އޭނާ ވަރަށް ހަރުކަށިވާނެއެވެ
ހަރުކުރުން
މ (1) އެއްޗެއްގައި އަނެއްކައްޗެއް ހިފެހެއްޓިފައި ހުންނާނެގޮތް ހެދުން (2) ނަނުވައު ފަދަ ތަކެތި އަނބުރާ ހަރުކަން ގެނައުން (3) ގަސްގަހުގައި އަޅާ ތަކެތި ޅަކަން ކެނޑެންދެން ގަހުގައި ބެހެއްޓުން (4) ފޮތިފަދަ ތަކެތި ތާންޖަހައި ހަރުކުރުން (5) ރުއްގަސްދިރުވައި ބެލެހެއްޓުން (6) ގަދަކަން ގެނައުން (7) މެޓާފަދަ ތަކެތި ކައްކައި ހިއްކުން (8) އޮޑިހައްޔަރުކުރުން (9) ދުވުން ބާރުކުރުން
ހަރުވަޅި
ނ )ސ ( ހަރުވާޅު
ހަރުވާޅު
ނ ފޫޅާކަކުލާ ދެމެދު ނިވާކުރަން އަޑިންލާ ފޭރާމެއް މިހުންނަނީ އަންނަ ފަށް ލައިފައި ދެފައިކުރި ވަކިން ފަހައިފައެވެ
ހަރުވާޅު ދާގަނޑު
ނ ހަރުވާޅު އުނަގަނޑުމަތީ އައްސާން އަންނަފަށު ތެރެއަށް ލައްވައިފައިވާ ފަށް
ހަރުވުން
މ (1) މޭވާދޮންވާން ކައިރިވުން (2) އެއްޗަކާ އަނެކައްޗެއް ތަތްވުން (3) ނުވެއްޓޭވަރަށް ހިފެހެއްޓިފައިހުރުން (4) ޅަކަން ކެނޑުން (5) ވައިމަތިޅަކަން ކެނޑުން (6) ހަރުބޭހުގެ ސަބަބުން ހަށިގަނޑު ރަނގަޅުވުން (7) ބުއްދިވެރިވުން (8) އެއްޗެއްގައި އަނެކަތި ތަތްވުން (9) ނ ޅައިވުމުގެ އިދިކޮޅު (10) މަޖާޒު: އުމުރަށްވުރެ ދޮށިވުން
ހަރުމަނިޔާ
ނ އަތުންވައި ވައްދައިގެން ރާގުޖަހާން ގެންގުޅޭ މިއުޒިކުގެ އާލާތެއް
ހަރުމަތީބަޑި
ނ ކުދިވަރުގެ ބޮޑުބަޑި މިބަޑި ގެންގުޅޭނީ ހަރުމަތީގައެވެ
ހަރުމަލް
ނ (1) ދިވެހިބޭހަށް ބޭނުންކުރާ އޮށެއްއަޅާ ގަހެއް (2) މިގަހުގެ އޮށް މީގެ ތަފާތު ކުލަތައް ހުރެއެވެ
ހަރުފަ
ނ ނަންނުގަތި ފާޑުގެ ސޫތްޕެއް މީގެ ކިތަންމެ ބާވަތެއް ހުރެއެވެ ބައެއް ހަރުފައިގެ ދަތުގައި ވަރަށް ގަދަ ވިހައެއް ހުރެއެވެ މީގެ ވަރަށް ބޮޑެތި އެއްޗެހިވެސް އުޅެއެވެ
ހަރުފަތަށް އެރުން
މ ހުކުރު ކުރުމުގެ ހުއްދަ ލިބުން އިހުގައި މިކަންކޮށް އުޅެނީ އުޖޫރައެއްނެތިއެވެ
ހަރުފަތުކޭން
ނ (1) ރަށްރަށުގެ ޚަތީބުން ފުރަތަމަ ހުކުރު ކުރުމަށްފަހު ރައްޔިތުންނަށް ދީއުޅުނު ކެއުމެއް (2) ހަރުފަތަށްއެރިކޭން
ހަރުފަތް
ނ (1) އަރާފައިބަން ފިލައިން ނުވަތަ ގަލުން ނުވަތަ އެނޫންވެސް އެއްޗަކުން ހަދައިފައި ހުންނަ ހަރުގަނޑު (2) ހަރުގަނޑުގައި ފައިއަޅާން ހުންނަ ފިލާ ނުވަތަ ގައު (3) ސިޑި (4) މަޖާޒު: ކަމެއްގެ މަރުޙަލާތައް
ހަރުފުށް
ނ )ޅ( ހުންޏާ ހަކުރާއި ފުށާ އަޅައިގެން ހިލައިފައި ހުންނަ ކާއެއްޗެއް
ހަރުދަނާ
ނއ (1) ރަނގަޅު އުސޫލެއްގައި ސާބިތުވެހުންނަ (2) އުޅުމުގެ ޤަވާއިދުތައް ރަނގަޅު
ހަރުދަނާކަން
ނއނ (1) ރަނގަޅު އުސޫލެއްގައި ސާބިތުވެ ހުންނަކަން (2) އުޅުމުގެ ޤަވާޢިދުތައް ރަނގަޅުކަން
ހަރުދަނާވުން
މ (1) ރަނގަޅު އުޞޫލެއްގައި ސާބިތުވެހުރުން (2) އުޅުމުގެ ޤަވާޢިދުތައް ރަނގަޅުވުން
ހަރުތޮޅި
ނ ފަނޑިޔާރުތޮޅި
ހަރުގަނޑު
ނ (1) ތަންތަނަށް އަރާން ދެދަނޑި އެއްކޮށް ގަޅިބަދެގެން ގެންގުޅޭސިޑި (2) ސިޑީގައިބަންނަ ގަޅި (3) ތަކެތި ބެހެއްޓުމަށް ފައިޖަހައިފައި ބައިބަޔަށް ފިލާއަޅައިފައި ހުންނައެތި (4) އިޑިއައްޕަން ދަމާއޮބި