radheef.info
ރަދީފު


ހިންމުން
މ (1) ތަރާފަތުގައި ގަނޑުލުން (2) ކައްކަން ގެންގުޅޭ ވިރިކެކޭ ތަކެތީގައި ހެދޭ ލޯވަޅު ބެއްދުން
ހިންދުދިދަމަސް
ނ ދިދަމަހުގެ ބާވަތެއް މިއީ ފަޅުފަޅާއި ފަރުފަރުގައި އުޅޭ މަހެކެވެ މިމަހުގެ ތަލަމައްޗާއި ލޮލުގެ މަތީފަރާތުން ކޮޅަށް އޫކޮށް އުފުލިފައި ހުންނަ އުފުލުންތަކެއް ހުރެއެވެ މަހުގައި ހުންނަނީ ހުދުކުލައާއި މުށިކުލައެވެ
ހިރިމަގޫ
ނ ބޭސްވެރިކަމަށް ގެންގުޅޭ ފަތްޕިލާވެއްޔެއް މީގެ ފަތް ހުންނާނީ ފުސްކުލައިގައި މަގޫފަތުގެ ބައްޓަމުގައި ކުދިކޮށެވެ
ހިރުނދުދޫނި
ނ ހިރުނދުގަހުގައި އުޅޭ ސޫތްޕެއް މީގައި ހުންނާނީ ކަޅުތިކިތަކެއް ޖަހައިފައެވެ މި އެންމެ ވައްތަރުވާނީ މާމަކުނަކާއެވެ މީގައި ހަފައި ހުރެއެވެ ފައިގެމަތީ ބަޔާއި ފިޔަހުންނާނީ ރަތްރީނދޫ ކުލައިގައެވެ
ހިރުކެނޑި
ނ ލިޔެލާ ޖަހާމީހުން ދެފަށްޖަހާއިރު އެލާޖަހާ އެތީގައި ރޮނގުޖަހާން ގެންގުޅޭ ކުރެދިކަށި
ހިރުކޭތަލަ
ނ (1) ހިއްތަލަފާޑަށް ބިމަށް ފައިބާ ކާބާވަތުގެ ގޮނޑިއެއް މީގެ ގަހަކީ ހިއްތަލަގަސް ފާޑުގެ އެއަށްވުރެ ބޮޑު ގަހެކެވެ މީގެ މާގަނޑު ފޮޅޭއިރު ވަރަށް ނުބައިވަސް ދުވާނެއެވެ (2) އިރުކޭތަލަ
ހިބަހިކާ
ނ ހިކައިގެ ބާވަތެއް. މިއީ މެދުފަޅުމަތީގައި އުޅޭ. 2 އިންޗި ބައިގެ ބޮޑު މިނުގެ ހުދުކުލައިގެ މަހެކެވެ މިއީ ވަރަށް ވިހަގަދަ އެއްޗެކެވެ
ހިބަންމަސް
ނ (1) މާވިހަގަދަ ކައްޓެއް ހުންނަ ލަނޑާ ޒާތުގެ މަހެއް (2) ފަސްގަނޑުގައި އުޅޭ ވަޅުޖަހާ މަހެއް
ހިބަރު
ނ ކަނޑުގައިއުޅޭ ބޮޑެތިމަހުގެ ބާވަތެއް. މީގެ ކިތަންމެ ވައްތަރެއް ހުރެއެވެ. މީގެ އެންމެ ޚާއްޞަ ސިފައަކީ މަތީތުން ދިގުކޮށް ހުރުމެވެ
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިކަނދިމީދަލުގެވެސް އަބުރެއް އޮންނާނެ
(މިސާލުބަހެއް) އެންމެދެރަ މީހާގެވެސް އަބުރެއް އޮންނާނެއޭ ބުނުމަށް ބުނެއުޅޭބަހެއް.
ހިކަރި
ނ )ސ ( (1) ތެމިގެންވާފޯ މިސާލު: "ތެމިހިކަރިވެގެ" މިބަހީތެމިފޯވެއްޖެ (2) އޮށްވަޅު ކުޅޭއިރު އެއްފަރާތުގެ ހުރިހާ ވަޅެއް ކަނުވާ ކަނުވުން
ހިކަރިވުން
މ )ސ ( (1) ތެމިފޯވުން (2) އޮށްވަޅު ކުޅޭއިރު ކުޅުންތެރިޔަކަށް ވަޅަކަށް ލާންޖެހޭ ވަރަށް ފުއް ނުލިބި ބަލިވުން
ހިކަދެއު
ނ )ސ ( ފަޅުމަތީން އެންދަމަން ގެންގުޅޭދައު
ހިކާ
ނ ފަޅުތެރޭގައި އުޅޭ ކުޑަވަރެއްގެ މަހެއް. މީގެ ކިތަންމެ ބާވަތެއް ހުރެއެވެ. މިއީ ބޮނޑިމަސް ކޮށްހުންނަ ފެހިކުލައިގެ މަހެކެވެ. ބޮޑުމިނަކީ ދެއިންޗިބައި ތިން އިންޗިއެވެ
ހިކާދުރުކުރި
ނ (1) އެންދަމާއިރު ހިކާތައް އައިސް އުނދަގޫ ކުރަން ފެށީމާ އެހިކާތައް ދުރުކުރަން ދުރަށްޖަހާ ފިލިގަނޑު މަޖާޒު: (2) ގޭގެއަށް ވަދެއުޅޭ ބޭނުމެއްނެތް މީހުން އަވަހަށް ފޮނުވައި ލުމަށްޓަކައި ދީއުޅޭ ކާބޯއެތިކޮޅު (3) ހިތުގައި އަގުނެތް މީހުންނަށް ދީއުޅޭ ކާބޯއެތިކޮޅު
)ހަރުބަހެއް( ތާކުންތާކުނުޖެހޭ ކަންތައް ނުކުރުމަށް ނަސޭހަތްތެރިވުމުގެ ގޮތުން ބުނެއުޅޭ ބަހެއް ހިކިފަސްތާ ބަކަނާޅާށެވެ
ހިއްތަން
ނ މޫދުގައި އުޅޭ ހަންދަޒާތުގެ ބޮޑު އެއްޗެއްގެ ނިޔަފަތި މިއީ ބޭހަށް ގެންގުޅޭ އެއްޗެކެވެ އޮންނާނީ ބޮޑުކޮށް ސަނދަރަބޮއްޔެއްހެނެވެ
ހިއްލައިލުން
މ (1) އެއްޗެއްގެ އެއްކޮޅު ނުވަތަ އެއްފަރާތް ކުޑަކޮށް އުފުލައިލުން (2) ވޮލީކުޅޭއިރު ޝޮޓްޖެހުމަށްޓަކައި ބޯޅަ އުފުލައިލުން
ހިއްލުން
މ (1) ނެގުން. (2) އުފުލުން. މިސާލު: )ހ( މިގާ ހިއްލާލަދީބަލަ! )ށ( ހެދުން ނުހިއްލާ! (3) ނޭވަޔަށް އުނދަގޫވުން. (4) ރިޔާނަގައިގެން ދުއްވާ އެއްޗެހި ވަޔަށް ނެގުން. (5) ވޮލީ ކުޅޭއިރު ސޮޓްޖެހުމަށް ބޯޅަ އުފުއްލައި ދިނުން. (6) ހުޅުވުން (7) މަޖާޒު: ކޮޅުވުން