radheef.info
ރަދީފު


ބުރި
ނ (1) ފުރަގަސްފަރާތު ދޮރު (2) ދިގުއެއްޗެއްގެ ބައެއް (3) ހުރަހަށް ބުރިކޮށްލި އެއްޗެއްގެ އެއްބައި (4) ޢިމާރާތެއްގައި އެއްބައިގެ މައްޗަށް އަނެއްބައި ހުންނަގޮތަށް އިތުރު ކޮށްފައި ހުންނަ ބައި
ކަތިލުން
މ (1) ތޫނުއެއްޗަކުން ވައިނޮޅި ބުރިކޮށްލުން (2) މަޖާޒު: އެލަންގަލަން ކުޅޭ ކުދިންކުރެ އިލޮށި ހިފައިގެން ހުންނަ ކުއްޖާ އެހެން ކުއްޖެއްގެ ގައިގައި އިލޮށި ޖެއްސުން
ކަތުރުމަސް
ނ ކަނޑުގައިއުޅޭ ބިޔަމަހެއް މިމަހުގެ ތުންގަޑުދިގުވެފައި ފަތިވާނެއެވެ ތުންގަޑުވައްތަރުވާނީ ހިބަރުގެ ތުނބާއެވެ މިމަހުގެ ތުންގަޑުގައިޖެހުނު ކޮންމެއެއްޗެއް ބުރިކޮށްލާނެއެވެ
ކަޑަ
ނ (1) އެކިއެކި ބޭނުމުގައި ބިމަށްޖަހާ ކުރުދަނޑިބުރި )މިހުންނާނީ އެއްކޮޅު ފޭއްސައިފައެވެ ( (2) އަންހެނުންގައި ހުންނާންވީ ބަނިޔާދަންކަމުގެ އިދިކޮޅު (3) އޮޑިދޯނިފަހަރު ފައްސިޔަ ބޮޑުވެގެންގޮސް ދެފުށުވައި އެޅޭގޮތްވުމަށް ކިޔާނަން
ކާފަ
ނ (1) ބައްޕަގެ ނުވަތަ މަންމަގެ ބައްޕަ (2) ބޮލުގެ އިސްތަށި ފެޅުމުގައި އެނބުރިފައި ހުންނަތަން
ކާލިގަނޑު
ނ (1) ކޯއްޓޭގެ ދެބުރިދޭތެރޭގައި ހުންނަ ބުރަފަތި. (2) އެކިގޮތްގޮތަށް ބުރަފަތިކޮށް އަޅާ ރޮނގު. (3) ރާރުކާއި ބިލެތްހަރުފަދަ އެއްޗެހީގައި ބަނދެފައި ހުންނަ ގަޅި ގަނޑު
ކިރިކެޓު
ނ ދަނޑުގައިކުޅޭ ކުޅިވަރެއް މިކުޅިވަރުގައި ބައިވެރިވާނީ ދެޓީމެވެ ޓީމެއްގައި 11 ކުޅުންތެރީންނެވެ އެއްބަޔަކު ބޯޅަ ހޮވަން ތިބޭއިރު އަނެއްބައިގެ ދެކުޅުންތެރީން ކުޅެން އަރާތިބެއެވެ ބިމަށް ޖަހާފައި ހުންނަ ތިންދަނޑީބުރީގެ ކުރިމަތީގައި ކުޅޭމީހާ އޮވެގެން ހޮވާޓީމުގެ މީހަކު އެއްލާބޯޅައިގައި ފިލާގަނޑަކުންޖަހައި ލަނޑު ހަދައެވެ ނުވަތަ ދުވެގެން ލަނޑު ހަދައެވެ ދަނޑިބުރިތައް ޖަހައިފައި ހުންނަނީ މެދުރިއަޅައިފައި އޮންނަ ތަނެއްގައި ދެކޮޅުގައެވެ
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކިބަ
ނ (1) ކައްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާ އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި (3) ފަރާތް މިސާލު: ހަކިބައިން ހުސް (4) ދުފާފޯކުގެ އެކައްޗަށް ނިސްބަތްކޮށް ބުނާގޮތް މިސާލު: ފޯއްކިބަ
)މުސްކުޅިބަހެއް( ނުބައިމީހަކު ރަނގަޅޭ ކިޔައިގެން ކިތަންމެ ވަރަކަށް ވާހަކަދެއްކިޔަސް އެއީ ރަނގަޅު މީހެއް ނޫންކަން އޭނާ ރަނގަޅެއް ނުވާނެކަން އެންގުމުގެ ގޮތުން ބުނެއުޅޭ ބަހެއް ކިތަންމެވަރަކަށް ދޮންކުރިއަސް ދުނބުރިއެއް އަނބަކަށް ނުވާނެއެވެ
ކީހުން
މ (1) ކީހަކުން އެއްޗެއް ފެޅުން ނުވަތަ ބުރިކުރުން (2) ވަޅިން އެޅުން
(3) ކޫސް ބަލާ! ކީސް
ނ (1) އެއްކައިރީގައި ފުށްކަނޑައިގެން އެއްޗެހި ފަޅާށާއި ބުރިކުރާން ގެންގުޅޭ ވަޑާމުގެ އާލަތެއް (2) ކިޔަސް
ކުނބުކޮޅު
ނ (1) ހަންޖާލައްވާ ފުރޮޅުހަރުކުރާން ކުނބުކޮޅުގައި ހުންނަ ބުރިވަރު (2) ނާފަހަރުގެ ފަރުމާނުތަކުގެ ވާވެލާވެލި
ކުނޑިޖެހުން
މ (1) އަތްކަންކުރާމީހުން ވިރިކެކޭ އެއްޗެހި ބައްދާއިރު އެބައްދަންވީތަނެއްގައި އެކަމަށް ތައްޔާރުކޮށްފައިހުންނަ ކުނޑީގެ އެތިކޮޅެއް ތަތްކޮށްލުން (2) ނީ ހަނޑުލާއި ބުރިހަނޑޫ ވަކިނުކޮށް ކުނޑިތައްދާވަރަށް ކިރިޔަ ކިރިޔާ ހަނޑޫ ފޮޅުން (3) ސ މޫނުގައި ފުށްޖެހުން
ކުންދާން
ނ ނައުފަހަރުގެ ކުނބު ދިގުކުރާން ކުނބުގެ މައްޗަށް ގުޅުވަމުން ނަގާ ބުރިބުރި
ކުރަފަތް
ނ (1) އިސްތަށި ބާލަން ގެންގުޅޭ އާލާތެއް މިއީ މިޔަ ތޫނުކޮށް ކެފޭގޮތަށް ހުންނަ އެއްޗެކެވެ (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރިއެއް
ކުރަފަތްބުރި
ނ (1) ސަތަރު ކުރަހާ ގުޑީގެ ފިންދުނީގެ ކޮޅުގައި ޖަހާ ފަތެއް (2) ދޯނިފަހަރުގެ ދިރުނބާކޮޅުން ދެފަރާތުގެ މަތިކަނުގައި ކިއްސަރުލާފައި ހުންނަ ފަށްބުރި
ކުރިޖެހުން
މ ކައްޓަލަ ވެޔޮ ބުރިބުރިކޮށްގެން އިންދުން
ކުރުކަނި
ނ ފަތްފޮށީ ވަކަރު މައްޗަށް އިންދައިފައި ހުންނަ ކުރުވަކަރު ބުރިއެއް
ކުބާ
ނ )ޏ ( (1) ކާއްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާއި އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި
ކުޅުގަނދު
ނ ބޭހަށް ގެންގުޅޭ މުލެއް މިހުންނަނީ ދަނޑިތަކެއްހެން ބުރިބުރިއަށެވެ މީގެ ކުލައަކީ ހުދުކުލައެވެ