radheef.info
ރަދީފު


ބީ
ނ (1) ގެއްލޭ ގެއްލުން. (2) ވަކިވަކިވުން. މިސާލު: އޭނާރަށުން ބީވެއްޖެއޭ އެގުރާ އަހަރެން އަތުން ބީވެހިނގައްޖެއޭ މިބަސް ބުނެއުޅެނީ އަނބުރާ ނުލިބޭ ފަދަ ގޮތެއްގައި ގެއްލުމަށެވެ (3) ކިރު ހިއްޕި (4) )ސ ( ބޮއިފި
މައިސޯބު
ނ (1) ގަޑީގެ ކަށި އަނބުރައިދޭ ސޯބު (2) މަޖާޒު: ތަނެއްގެ އެންމެ ބޮޑު މީހާ (3) ޗާބީދޭ އެއްޗެއްގެ ކެނބު ގުޅިފައިވާ ފުއްކެނޑިބުރު ނުވަތަ ނާރެސް މިބުރު ނުވަތަ ނާރެސް އެނބުރުމުގެ ސަބަބުން އެ އެއްޗެއް ހިންގައިދެއެވެ
މަލިމަ
ނ (1) ތަސްބީހަފަތި އަމުނައިފައިއޮންނަ ރޮދީގެ ދެކޮޅު މަހައި މާގަނޑު ލައިފައިއޮންނަބައި )ސަތޭކަ ހަމަވާނީ މަލިމަލައިގެންނެވެ ( (2) ރ ގިއުޅުފާޑުގެ ކަޅުމަހެއް )އުރަފަށުގައި އުޅޭ ހޮނޑަލި ފަހަތުން ފުމޭ މަހެއް
މަޙްރޫމުވުން
މ (1) ބީވުން (2) ގެއްލުން (3) ނެތިދިއުން (4) ވަކިވުން
މަޤާމްފުޅު
ނ ރަސޫލު ބޭކަލުންނާ ނަބީބޭކަލުންނާ ވަލީވެރި ބޭކަލުންގެ އަސަރުފެނިގެން ނުވަތަ އެބޭކަލުންގެ ހަނދާނުގައި ހަދައިފައިވާ ތަންތަނަށް މަތިވެރި ކުރުމުގެ ގޮތުން ކިޔާއުޅޭ ނަމެއް މިސާލު: އިބްރާހީމުގެފާނުގެ މަޤާމުފުޅު ތަބުރޭޒުގެ ފާނުގެމަގާމުފުޅު
މިޒާޖު
ނ ޠަބީޢީގޮތުން މީހެއްގައި ނުވަތަ ދިރޭ އެއްޗެއްގައި ހުންނަގޮތް
މޫޑު
ނ (1) ބަންދުކުރެވިފައި ހުންނަ ތަކެތީގެ ފުނިވަރު (2) ރިޔަލުގެ ދަންމާނު ފޫޅުގަނޑު )ލޮއިން ނުވަތަ ދަގަނޑުން ނުވަތަ ލަކުޑިން ހަދައިފައި ހުންނަ ބޮޅެއް( (3) މިޖާޒު (4) އެވަގުތަކު އެމީހެއްގެ ޠަބީޢަތު ހުރިގޮތް
މެކޭރަޙުމަތް
ނ އެދުންވެރިކަމާއެކު ބީހިއުޅޭ އުޅުން
މެޝިން
ނ (1) ތަފާތު ބައިތަކެއް ރާވައިގެން ހަދައިފައި ހުންނަ އަމިއްލައަށް ނުވަތަ ޗާބީދީގެން ނުވަތަ ކަރަންޓުން ނުވަތަ ބެޓެރީން އަދި އެނޫންވެސް ހަކަތައަކުން އަމިއްލައަށް ހިނގާ ވަކިވާޖިބެއް އަދާކޮށްދޭ އެއްޗެއް (2) މަޖާޒު: މަޚުލޫޤުން (3) ސަރުކާރު ނުވަތަ ކަމެއްހިންގާ އިދާރާ
މޭފިނިވުން
މ (1) ކަމަކާ ހާސްވެ ކަންބޮޑުވެގެން އުޅެނިކޮށް އެކަމެއް ހަމަޖެހޭގޮތްވުމުން ބުނެއުޅޭ ބަހެއް މިސާލު: އަހަރެންގެ މޭ ފިނިވީ ދަރިފުޅު ގަހު ކުރީން ތިރިޔަށް ފޭބީމައެވެ (2) ކަމަކާ ޖެހިލުންވުން
މޮޅިހަރުބީ
ނ ރަދުން ޢިއްޒަތުގައި ތަނަކަށް ވަޑައިގަތުމަށްފަހު ގަނޑުވަރަށް އެނބުރި ވަޑައިގަންނަވާއިރު ފުމޭ ހަރުބީއެއް )މިހަރުބީއަށް މޮޅިހަރުބީއޭ ކިޔަނީ ހިތާމަވެރި ރާގަކަށް ޖަހާހަރުބީއެއް ކަމުގައިވާތީއެވެ
ފަހުތިބީން
)ނ ( (1) ފަހުން ތިބޭނެ މީހުން މިސާލު: އަހަންނަށް މިގަހުގެ މޭވާ ނުލިބުނަސް ފަހުތިބީންނަށް ލިބޭނެއެވެ (2) ފަހުން އަންނާނެ މީހުން (3) ނަމާދުގެ ޖަމާޢަތުގައި އިމާމާ އާއި ތަބާވެގެން ތިބޭމީހުން
ސަމާސާބުނުން
މ މަޖާޒު: ދެ ޖިންސުގެ ދެމީހަކު ލޯބީގެ ގުޅުމެއް ހިންގުން
ސޯނާ
ނ (1) ގަޑީގެ ރަނގަބީލުގެ އަޑު (2) ގަޑިން އިވޭ ސަމާލު ކުރުވުމުގެ އަޑު
ސޯނާގަޑި
ނ ގަޑީގެ ބާވަތެއް މިއީ ވަކިވަގުތަކަށް ރަނގަބީލު ވާގޮތަށް ހަމަކުރެވޭ ގަޑިއެކެވެ
ޑަނޑޫރާ
ނ އެލުވައިފައި ހުންނަ ބޮޑެތި ރަނގަބީލު
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
ފަތްމިނިބިބީ
ނ ބިބީ ޢާއިލާގެ މަސްތަކުގެ ތެރެއިން ވަރަށް ރީތި މަހެއް މި މަހުގެ ކުލައަކީ ގަދަ ރީނދޫކުލައެވެ
ފަސްކުޅަނދުމަދުވުން
)މިސާލުބަހެއް( ސިކުނޑީގައި އުނިކަމެއް ހުރުމުން ނުވަތަ ކަމަކަށް ބީރައްޓެހިވުމުން ބުނެއުޅޭ ބަހެއް
ފާންތެޔޮ
ނ (1) ބޯކިރު ނުވަތަ ކާށިތެޔޮ އަވީގައި ބެހެއްޓުމުން މައްޗަށް އަރާ ސާފުކޮށް ހުންނަ ތެޔޮ (2) ބޮޑުމަހާއި މިޔަރު ފަދަ ތަކެތީގެ މޭގަނޑާއި ހަން ނުވަތަ ބައެއް ޖަނަވާރުގެ ސަރުބީ އަވީގައި ހުރުމުން ނުކުންނަ ސާފުކޮށް ހުންނަ ތެޔޮ
ދެންދެން
އ (1) ކަމަކަށް ތައްޔާރުވެގެން ހުންނަމީހަކަށް ނުވަތަ ބަޔަކަށް އެކަން ފަށައި ގަތުމަށް ގޮވާލާގޮތެއް (2) ލޯބީގެ އަސަރު ނުވަތަ ނަފުރަތުގެ އަސަރުފާޅު ކުރުމުގެ ގޮތުން ބުނެއުޅޭ ބަހެއް (3) ދީފުމަށް ދާންދެން