radheef.info
ރަދީފު


ބަދަ
ނ (1) މައިކަށީގައި ވަކިވަކިން ވަށްކޮށް ހުންނަ ކަށިތައް (2) އިނގިލިތަކުގެ ހުޅުހުޅާއި ދެހުޅު ދޭތެރޭގައިވާތަން (3) އުއްދަނޑިއާއި އޮނުފަދަ ގަސްގަހުގެ ދެފަތްވަޅު ދޭތެރެ އާއި މިފަދަ ގަސްގަހުގެ ފަތްފެޅިތަން
ކުންނު
ނ ބޮޑެތި ގަލުން ނުވަތަ ފަރުބަދައިން ބޭރަށް ނުކުމެފައި ހުންނަ މުލި
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުފުރުބޮނޑި
ނ (1) ގަބުޅި ހުނި ދިވެހި ހަކުރު އަޅައިގެން ހިލައި ހިކެންފެށީމާ ހިއްތަލަފުށްއަޅައި ރަނގަޅަށް ހިލުނީމާ ކުރުއްޕަތަށް އަޅައި ބަދަބަދައަށް ވާގޮތަށް ބަނދެ ފެނުކައްކާފައި ދުމަށްޓަށްލައި ހިއްކައިފައި ހުންނަ ބޮނޑި (2) މަޖާޒު: ފާޑެއްނެތި ބަނދެފައި އޮންނަ ފޮތިބޮނޑި
ކުދުފުއްލާ
ނ )ސ ( ފޫއެނބުރީގެ ބާވަތެއް މިއީ ހިމަކޮށް ގާތްގަނޑަކަށް 6 އިންޗި 4 އިންޗި ހާދިގު ކޮށް ބަދަބަދައަށް ހުންނަ ފޫއެނބުރިއެވެ މީގައި ރީތި ކުރެހުމެއް ހުރެއެވެ އެކި ތަންތަނުގައި ހުންނަނީ އެކިކުލައެވެ
ކުލަބު
ނ (1) ޚާއްޞަ މަޤުޞަދަކަށްޓަކައި އެކުވެރިވެފައިވާ ޖަމާޢަތް (2) ޖަމާޢަތެއްގެ މީހުން ކުޅިވަރުކުޅެ ޚިޔާލުބަދަލުކޮށް ހަދާން ބައްދަލުކުރާ ގެ
ކުލަފާނަ
ނ ފާނައިގެ ބާވަތެއް. މިމަހުގެ ކުލައަކީ މުށިކުލައެވެ. މުޅިމަހުގައި ކަޅުކުލައިގެ ތިކިތަކެއް ހުރެއެވެ. ދެއަރިމަތީގައި ކަޅުކުލައިގެ ލައްތަކެއްހުރެއެވެ. މިއީ ވަރަށް ތަފާތު ކުލަކުލައަށް ކުލަ ބަދަލުކުރާ މަހެކެވެ
ކޮނޑު
ނ (1) ކޮނޑުހުޅުންފެށިގެން ކަނދުރާއާ ދެމެދު (2) ލިބާހުގެ އަތާއި ބަދަނާއި ގުޅުނުތަން (3) ބޯވަޅުއެޅި ލިބާހުގެ ކޮނޑުމައްޗަށް ވާހިސާބުން ކަފައިލައިފައި އޮންނަތަން (4) ގުޑިއާއި ތެލަނގަފަދަ އެއްލާ ތަކެތީގެ ލަނބާދުނީގައި ބޮލު ރޮދީން ބޭރަށް އޮންނަ ތަން (5) ބައެއް މަހާނަގަލުގެ ދެފަރާތުން ކަނޑައިފައި ހުންނަ ކައްވާދު (6) ފިރިހެން މަހާނަގަލުގެ ބޮލުގެ ދެފަރާތުގައި އޮންނަ ވަނާގެ މަތި (7) ހެދުން އަޅުވަން ބައިމަތީގެ ބައްޓަމަށް ހަދައިފައި ހުންނަ އެއްޗެއް
ކޮނޑުކެނޑުން
މ (1) ބަދަނުން ލިބާހުގެ އަތްގުޅާތަން ކެފުން (2) ޏ މަތިވަޑާންގަނޑުގެ ފައިދޮށުގެ ވަހަށް ލައްވާ ކޮޅުން ކެނޑުން
ކޮނޑުފަތި
ނ (1) ލިބާހުގެ ދެބަދަން ގުޅުވާފަތި (2) އަތާއި ބަދަނާއި ގުޅުވާފަތި
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮންޓްރެކްޓް
ނ (1) ކުރާވަކިކަމެއްގެ ބަދަލުގައި އަގެއް ނުވަތަ ޚިދުމަތެއް ދިނުމަށް ދެފަރާތެއްގެ ދެމެދުގައި ލިޔެ ސޮއިކުރާ އެއްބަސްވުން (2) ދެމީހެއްގެ ދެމެދުގައި ނުވަތަ ދެމީހުންނަށްވުރެ ގިނަ ބައެއްގެ މެދުގައި އެއްބަސްވެވޭ އެއްބަސްވުމެއް މިއެއްބަސްވުމަކީ ގާނޫނު ޤަބޫލުކުރާ ނުވަތަ ޤާނޫނު ބާރުދޭ އެއްބަސްވުމަކަށް ވާންވާނެއެވެ
ކޮންޓްރެކްޓްކުރުން
މ (1) ކުރާވަކި ކަމެއްގެ ބަދަލުގައި އަގެއް ނުވަތަ ޚިދުމަތެއް ދިނުމަށް ދެފަރާތެއްގެ ދެމެދުގައި އެއްބަސްވުމެއް ލިޔެ ސޮއިކޮށް އެއްބަސްވުން (2) ދެމީހެއްގެ ދެމެދުގައި ނުވަތަ ދެމީހުންނަށްވުރެ ގިނަބައެއްގެ މެދުގައި އެއްބަސްވުން )މިއެއްބަސްވުމަކީ ޤާނޫނު ޤަބޫލުކުރާ ނުވަތަ ޤާނޫނު ބާރުދޭ އެއްބަސްވުމަކަށް ވާންވާނެއެވެ
ކޮޅިތިލަ
ނ މުށްލައްޕައިލީމާ ކުޑަވައި އިނގިލީގެ މެދު ބަދައިގެ ބޭރު ކައިރީން ބޮޑުވައި އިނގިލީގެ ކޮޅާއި ދެމެދުގެ މިން
ކޮޅުގައު
ނ ބޯދިހިފާ މެދުރީގައި ބަރީގެ ބަދަލުގައި އައްސާން ހަދައިފައި އޮންނަ ގައު
ކޯހުގާފު
ނ (1) ގާފު ފަރުބަދަ. މިއީ މެދުތެރޭ އޭޝިޔާގައި ހުންނަ ފަރުބަދައެކެވެ. (2) އިހުގައި މީހުން ޚިޔާލުގައި މީހަކަށް ނުދެވޭ ހިސާބު ދުރު
އަހިމުލެކޯސީނު ސުކުން
އަކުރު ފިލިތާނައެއްގެ ފިލިޖެހުމުގެ ގޮތެއް އެގޮތަކީމީގެ އަކުރު ތައް އެއަކުރުގައި އެހެރަ ފިލީގެ ބަދަލުގައި ބޭނުންކުރުމެވެ މިސާލު: "އ" އެއީ އަބަފިއްޔެވެ "ހ" އެއީ އިބިފިއްޔެވެ
އަނގޫބަދަ
ނ އަތުގެ އިނގިލީގެ ކުރީބަދަ
އަރަބިހެދުން
ނ ދިގުލިބާހާއި ދިގުހަރުވާޅާއި ޖުއްބާއާއިއެކު ޢިޤާލު ނުވަތަ ފަގުޑި ބޭނުންކުރާ ހެދުން ޢިޤާލަކީ ބަދަވީން ބޮލުގައި އަޅާ ރުމާލާއި އޭގެ މަތީން އޮޅައިފައިން އޮންނަ އެއްޗެކެވެ
އަރަފާތު
ނ މައްކާއިން ބާރަ މޭލު ދުރުގައިވާ މުޤައްދަސް މައިދާނެއް މިއީ ތިރި ފަރުބަދައެކެވެ މިތާނގައި އިރުކޮޅަކު ތިބުމީ ޙައްޖުގެ ރުކުނެކެވެ