radheef.info
ރަދީފު


ރޮނގު
ނ (1) ކޫރު (2) ފޮތެއްގައި ނުވަތަ އެއްޗެއްގައި ދަމާ ފަށް (3) ސީދަލަށް ނުވަތަ ބައްޓަމަކަށް ހިމަދިގުކޮށް ދަމާފަށް (4) ފަންނު (5) މަގު
މާގަނޑުފާނަ
ނ ރަން ރީނދޫކުލައިގެ ރޮނގުތަކެއް ހުންނަ ފާނައެއް
މުށި
ނ (1) ރަތްކުލައާއި އަޅިކުލައާ އެއްވީމާ ނިކުންނަ ކުލަތައް (2) އަތްކަންކުރާ މީހުން ރަންރިހިތަޅަން ގެންގުޅޭއެތި (3) ބިންމަތީގައި ގޮޅި ގޮޅިއަށް ރޮނގު )މުށިގެ( އަޅައިގެން ކުޑަކުދިން ކުޅޭ ކުޅިވަރެއް (4) ތަވައާއި ފުފޭފަދަ އެއްޗެހި ހެދުމަށް ކޯރު ކިސަޑުން ހަދާއެއްޗެއް (5) ގަސްއިންދުމަށް ހަދައިފައި ހުންނަ އެއްޗެހި (6) އެއްޗެހި ދޮންނަން ހަދައިފައި ހުންނަ މުށިގަނޑު
މުށިގެ
ނ ބިންމަތީގައި ރޮނގު އަޅައިގެން މުށިކުޅެން ކުރަހާގެ
މުރަކަމަސް
ނ މުރަކައިގެ ތެރޭގައި ބައިބަޔަށް އުޅޭ މަހެއް. މިބާވަތުގެ މަސްމަހުގެ ދެއަރި މަތީގައި މަހުގެ ހުރަހަށް ފުޅާ ތިންރޮނގު ނުވަތަ ކަޅު ތިންރޮނގު ނުވަތަ ގަދަމުށި ކުލައިގެ ތިންރޮނގު ހުރެއެވެ މަހުގެ ނަގޫ ހުންނަނީ އަލިކުލައިގައެވެ ކަންފަތްގަނޑު ހުދުކުލައިގައެވެ ކަންފަތްގަނޑުގެ ބުޑު ހުންނަނީ ކަޅުކުލައިގައެވެ
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މޯހިރު
ނ ކަނޑުދަތުރުކުރާ އުޅަނދުފަހަރު ދުވެފައި ދާއިރު އޮއިފަށެއް އޮންނަހެން ފަހަތުން ފެންނަން އޮންނަ ރޮނގު
ފަނިދުވާރޮނގު
ނ ފަސްގަނޑުގެތެރޭގައި ފަނިދަތުރުކޮށްފައި ހުންނަ ރޮނގު
ފަންތޮށިމުގުރާން
ނ މުގުރާމުގެ ބާވަތެއް މިހުންނަނީ ރަތްމުށިކުލައިގެ ދިގު ރޮނގު ތަކެއް ދަމައިފައެވެ
ޑަކުޓަރު
ނ (1) ބަލިމީހުނަށް ފަރުވާކުރުމަށް ފާސް ނަގައިފައިވާ މީހާ (2) އިލްމީ ރޮނގުން ޕީ.އެޗް.ޑީ. އާ ހަމައަށް ކިޔަވައި ފާސް ނަގައިފައިވާ މީހާ (3) ޝަރަފުވެރި ލަގަބެއްގެ ގޮތުން ޕީ.އެޗް.ޑީ. ލިބިފައިވާ މީހާ
ފަރުގާލު
ނ ވަށްކޮށް ރޮނގު އެޅުމަށާއި ދެދޭތެރޭގެ ދުރުމިން ބެލުމަށް ދެފައިކަށި ދުރުކޮށް ކައިރިކުރެވޭގޮތަށް ހަދައިފައި ހުންނަ އާލާތެއް
ފަރުގާލުބުރު
ނ (1) ފަރުގާލުން އަޅާވަށް ރޮނގު (2) ވަށްކޮށް އަޅާރޮނގު
ފުންމިން
ނ (1) އަޑިއަށް ހުންނަވަރު. (2) އެތެރެއަށް ހުންނަވަރު. (3) ކަމަކާމެދު ނޫނީ އެއްޗަކާމެދު ޢިލްމީ ރޮނގުން ދިރާސާ ކުރެވިފައިވާ މިންވަރު
ފެވުން
މ (1) ކުދިކޮށް ލިޔެފައި ހުންނަ އަކުރު ފަލަކުރުން (2) ހިމަކޮށް ދަމައިފައި ހުންނަ ރޮނގު ފަލަކުރުން (3) އެއްތަނެއްގައި އެކި ކުލަކުލަގޮތް ގޮތަށްލުން (4) ފޭލީގެ ކަޅުކޮށް ހުންނަ ބައިގައި އުޅުނބު ދިޔަހާކައިގެން ކުލަ ގަދަކޮށް ރީތި ކުރުން (5) ރޮނގު ނުވަތަ އަކުރު ފަދަ ތަކެތީގެ ކުލަ ގަދަ ކުރުން (6) މަޖާޒު: މީހެއްގެ ނަން ޚާއްޞަގޮތެއްގައި ފާހަގަކޮށް ލިއުން
ފޮޅުވަތް
ނ (1) ފޮތެއްގައި ނުވަތަ ކަރުދާހެއްގައި ނަމަވެސް ދަމައިފައި ހުންނަ ރޮނގު (2) ބޯޑެއް ނުވަތަ ފޮތެއް ފަދަ އެއްޗެއްގައި ހުރަހަށް ލިޔެފައިވާ ލިޔުމެއްގެ އެއް ރޮނގު
ފޮޅުވަތްދެމުން
މ ލިޔުމަށްޓަކައި ކަރުދާހާއި ފޮތް ފަދަ އެއްޗެހީގައި ހުރަހަށް ރޮނގު ދެމުން
ދަށުރޮނގު
ނ ލިޔުންތަކުގެ ވަކިބަސްބަހަށް ނުވަތަ ވަކި އިބާރާތްތަކަށް ބާރުލުމުގެ ގޮތުން ފާހަގަކުރަން ތިރީގައި ދަމައިލާ ރޮނގުބުރި ނުވަތަ ރޮނގު
ދިދަބިބީ
ނ ބިބީއާ ވައްތަރުގޮތަށް ހުންނަ ހުދުކުލައިގެ ކުޑަ ފަރުމަހެއް މިމަހުގެ އަރިމަތީގައި އަޅިކުލައިގެ ދެރޮނގު ހުންނާނެއެވެ އަދި މަތީކޮތަރިބައިގެ މެދުގައި ދިގުނަރުވައެއް ހުންނާނެއެވެ
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދެމުން
މ (1) ދިގުވުން (2) ދިގުކުރުން (3) މޮޑެފައި އޮންނަ ފުށްގަނޑެއްފަދަ އެއްޗެއް ދަނޑިގަނޑަކުން އޮބައި ފިއްތައިގެން ތުނިކުރުން މިސާލު: ރޮށިދެމުން (4) ރަންރިހިފަދަ ތަކެތި ނަރުފިލާ ގަނޑަކުން ދަމައި ހިމަކުރުން (5) ކޯރުފަދަ ތަންތާގެ ފެންގަނޑު ކޮޅުކޮޅަށް ދިޔުން (6) އޮއިވަރު އެކިދިމަދިމާއަށް ހިނގުން (7) ވާންކުރުން (8) ބުއިމަށް ދަށް ބަހުރުވައިން ބުނާގޮތް (9) ފަށަކަށް ވާންވާގޮތަށް ދެކޮޅު ތަނަކަށް ހަރުކުރުން )01( ތެޔޮފަދަ އެއްޗެއް އުނގުޅުން (11) އެތެރޭގައި ހުރި ދިޔާއެއްޗެއް ކޮންމެވެސް ވަސީލަތެއްގެ ބޭނުންކޮށްގެން ބޭރަށް ނެރުން (21) ނަނުފަދަ އެއްޗެހި ކެހުން )31( ބޭނުންވާގޮތްވުން )41( ރޮނގެއް އެޅުން ނުވަތަ ރޮނގެއްފެވުން މިސާލު: )ހ( ރޮނގުދެމުން )ށ( ރިއްސެޔޮ ފަށް ދެމުން )51( ނަހަމަ ގޮތެއްގައި އެއްޗެހިތަކެއް ބޭނުން ކުރުން
ދޮންހޮނޑެލި
ނ އެމުގެ ބާވަތެއް މިއީ ހޮނޑެލީގެ ތެރޭގައި އުޅޭ ރޮނގު ނުހުންނަ ހޮނޑެއްޔެވެ