radheef.info
ރަދީފު


ދަރުބާރުކުރެއްވުން
މ ރަސްގެފާނު ކަންކަމާމެދު ބޮޑުންނާ މަޝްވަރާ ކުރެއްވުން
ދައުރުކުރުން
މ ދައުރުވުން
ދަތުރުކުރުން
މ (1) ތިމާހުރިތަންނޫން އެހެން ތަނަކަށް ކަނޑުމަގުން ނުވަތަ އެއްގަމުމަގުން އައިސްގޮސްވުން (2) މީހަކު ނުވަތަ އެއްޗެއް އެއްތަނުން އަނެއް ތަނަށް ދިއުން މިސާލު: )ހ( އަލިދަތުރުކުރުން )ށ( އަޑުދަތުރުކުރުން (3) މަޖާޒު: ހިނގަމުން ނުވަތަ ދައުރުވަމުން ދިއުން މިސާލު: )ހ( ދުނިޔެ ދަތުރުކުރަމުންދާއިރު )ށ( ޚިޔާލު ދަތުރުކުރުން
ދިޔަހެޔޮވަރުކުރުން
މ ކައްކާ އެއްޗެއްގައި ހުންނަންވީ ވަރަށް ދިޔަވަރުއެޅުން
ދިޔަވަރުހެޔޮވަރުކުރުން
މ ކައްކާއެއްޗެއްގައި ދިޔަވަރު ހުންނަންވީވަރަށް ދިޔަވަރު އެޅުން
ދުރުކުރުން
މ (1) ވަކިކުރުން (2) އެއްފަރާތްކުރުން (3) ފޭކުރުން (4) ކައިރި ކުރުމުގެ އިދިކޮޅު
ދުވަސްކުރުކުރުން
މ ފޫހިފިލާ ކަންތައްތަކެއް ކުރުމުގައި ދުވަސް ހޭދަކުރުން
ދެމިއޮތުމުގެ ޢާލަމަށްދަތުރުކުރުން
ގބ މަރުވުން
ތަންހަރުކުރުން
މ އެކިއެކި ކަންތަކަށް ހުއްޓުން އަރުވައިލުން
ތަންދޮރުކުޑަވުން
މ (1) ހާސްވެފިކުރު ބޮޑުވެގެން އުޅުން (2) ހަމަހޭނެތޭވަރުވުން (3) ހޭބުއްދިކުޑަވުން
ތަކުރާރުކުރުން
މ (1) ކަމެއް މަތިމައްޗަށް ކުރުން (2) ފަށްކުރުން
ތައްޔާރުކުރުން
މ (1) ކަމެއްޖެހުމުގެ ކުރިން އެކަމަކަށްޓަކައި ކަންތައްތައް ހަމަޖައްސައި ނިންމުން (2) ކަމަކަށްޓަކައި ފުރިހަމަކުރާންޖެހޭ ކަންތައް ފުރިހަމަކުރުން (3) ކަމަކަށް ފަށައިގަތުމަށް ނުވަތަ ތަނަކަށް ދިއުމަށް ކުރަންޖެހޭ ކަންތައްތައްކުރުން
ތަދުބީރުކުރުން
މ ކަމެއްގެ މައްޗަށް ފުންކޮށް ވިސްނައި ގޮތްތައް ކަނޑައެޅުން
ތަސައްވުރުކުރުން
މ ޚިޔާލަށްގެނައުން
ތަޣައްޔަރުކުރުން
މ (1) ފެންފަދަ އެއްޗެއް އެހެން އެއްޗަކާ އެއްކުރުން (2) އަސްލުގޮތް ކަނޑުވައިލުން (3) އެއްޗިހިތަކެއް އެއްކޮށްގަޑުބަޑު ކުރުން
ތަޤުރީރުކުރުން
މ ތަޤުރީރުދިނުން
ތަޢުބީރުކުރުން
ނ (1) ކަމެއްގެ ނުވަތަ އެއްޗެއްގެ މާނަކުރުން (2) ހުވަފެނެއްގެ މާނަކިޔައިދިނުން
ތަޢުޒީރުކުރުން
މ ކުށެއްގެ އަދަބެއްގެ ގޮތުން ޙައްދަކަށްވުރެ މައްޗަށް ނުދާވަރަށް ދުއްރައިން ތެޅުން
ތާހިރުކުރުން
މ (1) ސާފުކުރުން (2) ކުނިމިލައާއި ނުސާފުކަމުން ސަލާމަތްކުރުން (3) ނަޖިސް ފިލުވައިލުން
ތާރުކުހަކުރު
ނ ތާރުކު ރާއިން ކައްކާ ހަކުރު