radheef.info
ރަދީފު


ރުކުރާ
ނ (1) ރާވެރިން ރުކުގެ ވެރިޔާއަށްދޭ ރާ (2) ރުކުން ބާލާ ރާ
ވައިކޮޅުވުން
މ (1) ރިޔަލުގައި ދަތުރުކުރާ އެއްޗިހި ވަޔަށް ނެގިގެންގޮސް ރިޔަލުގެ ދެފަރާތުން ވައިހުސްވުން (2) ނެގިމަޑުވުން
ވައިވަރު
ނ (1) ރިޔަލުދަތުރުގައި ދާންވީތަނަށް އެއްއަތު ދެވޭގޮތަށް ލިބޭވައި (2) ވައިގެ ބާރުމިނާއި އަވަސްމިން ދައްކައިދޭ ނުވަތަ ބަލައިދޭ އާލާތެއް )އެނިމޯމީޓަރ( (3) ތޮށަލިން ހިޔާ ކުރާ ތަންތާނގެ ފަންތައް ވަޔާ ނެގުނަ ނުދިނުމަށްޓަކައި ބަނޑަވަރު އަޅާގޮތަށް ގުޅައިގެން ފުރާޅުގެ ދެ ފަރާތަށް ދާގޮތަށް ހަރުކުރާ ދެ ފަން
ވައިވަރުކުރުން
މ ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭހައި ވަރަށް ދަތުރުކޮށް ވައިމައްޗަށް އެރުން
ވައިވަރުވުން
މ (1) ރިޔަލު ދަތުރުގައި ދާންވީތަނަށް އެއްއަތު ދެވޭގޮތަށް ވައި ލިބުން (2) ހޭރިޔާ ދަތުރުކުރާއިރު ދާންވީތަނަށް އެއްއަތުދެވޭ ވަރަށް ދަތުރުކޮށް ވައިމައްޗަށް ދެވުން
ވައްގަނޑު
ނ (1) އިހާގޮނޑީން ފަޅައިފައި ހުންނަ ތަންތަން. ގޮބޮޅިޔާއި އެތުމައުގެންފައި ހުންނަނީ މީގައެވެ. (2) ފުރާދުއްވާ ތަކެތީގެ ދެ ބަނޑުފިލާ އެއްކުރާން އަޅާ ދެފައިކައްޓަށް ހުންނަ އެއްޗެހި އެއީ މިގޮތަށް ދެފައިކައްޓަށް ހަރުކުރާން ހުންނަ ކޮންމެ އެއްޗެކެވެ (3) އުރަމަތީގެ ކުރީގައި ހުންނަ ކިރު ނުކުންނަ ތަންކޮޅު (4) ކިރު ހުންނަ ޖަނަވާރުގެ ކިރު ހުންނަ ގުނަވަން (5) ކުރާ ފަދަ އެއްޗެހީގައި ފެން އޮހޭން ހުންނަ ތަން (6) ބިލެތު ދާމުލުން ފަޅައިފައި ހުންނަގޮފި
ވަދު
ނ (1) ބުޅީގައި އެންމަހުގެ ސިފައަށް ބަންނަ ނުވަތަ ހަރު ކުރާ ފަތްބޮނޑި ނުވަތަ އެފަދަ އެއްޗެއް (2) ފައިވާން ނުވަތަ މަރަވަޅީގައި ފައިތިލަ ލެއްވުމަށް ހަރުކުރާ ފަށް
ވަތަށްގޮނޑިލުން
މ (1) ކުރުކުރާއި އަލަ ފަދަ ތަކެތި ބިމުއަޑިއަށް ފައިބާ ހެދެމުން ބޮޑުވަމުން ދިޔުން (2) މަޖާޒު: ކުދިންގެ އުމުރާ އެއްވަރަށް ބޮޑުނުވެތިބޭ ތިބުން
ވަތެލި
ނ ކުނބު ނަގާފައި ހުންނައިރު އޭގެ ފޫ ފަރާތަކަށް ނުދާގޮތަށް ބަނޑު އޮޑިފަހަރާ ބަނގަލާ ބޯޓު ފަހަރުގައި ހަރުކުރާ ލަކުޑި ގަނޑެއް
ވަތްކެނޑުން
މ (1) ގުޅުންކެނޑުން. (2) ސާންތި ގޮށި ބަތްޕޮޅި ފަދަ ތަކެތި ވިޔާ އިރު ތައްޔާރުކުރާ އޭގެ ވަތް ނުވަތަ ފަށް އިރުން (3) އަގު މާފުކުރުން
ވަގުއަންނަފަށް
ނ ހަރުވާޅު ފަދަ އެއްޗެއް ކުރުވެގެން ދިގުކުރުމަށްޓަކައި އޭގެ އަންނަފަށުގެ ދަށް ފަރާތަށް އިތުރުކުރާބައި
ވަގުފަސްބައި
ނ ލިބާސްކުރުވެގެން ފަސްބައިގެ ދަށްފަރާތަށް އިތުރުކުރާބައި
ވަގުތުގާ
ނ އިރުދައުރުވަމުންދާ މިންވަރު އޭގެ ހިޔަނިން ހޯދުމަށް ހިސާބުން ހަމަޖައްސައިގެން ތައްޔާރުކުރާ ގަލެއް. މިގާހުންނާނީ މެދުގައި މަޢުދަނީ ތިލަ ކުނބެއްޖަހައި އޭގެ ހިޔަނިން ވަގުތު ފާހަގަކޮށް ގަލުގައި ފާހަގަ ލާފައެވެ މިގާ ބަހައްޓާފައި ހުންނާނީ މުޅިން ހާމަ ބިމެއްގައެވެ
ވަޤްފުކޭން
ނ ވަޤުފު ޞަލަވާތް ކިޔެވުމަށްޓަކައި އަހަރަކު އެއްފަހަރު ވަޤުފު މުދަލުން ތައްޔާރުކުރާ ކެއުން
ވާރުއޮޑީމީހުން
ނ ވާރަށްނެގޭ ތަކެތި ހިފައިގެން ދަތުރުކުރާން ވާރުދޭ ދިހަބައި ހަރުންކުރެ ކޮންމެ ބައިހަރަކުން އަހަރަކު މީހެއްމަގުން ތިބޭންޖެހޭ މީހުން. މިމީހުންނަށް އޮންނާނީ މަހަކު ދެލާރިއާއި ކޮއްތެވެ. މިލާރިއަކީ އިހުގެ ދިގުލާރިއެވެ. ވާރުނުނެގޭ ރަށްރަށުން މީހުން ކުރާން ޖެހޭނީ އެކަމަށްޓަކައި އެރަށެއްގެ ވާރު މާފުވެވުނު ފަރާތެއްގެ މަސައްކަތެވެ ގޮއި އޮޑި ދުއްވާ ރަށްރަށުގައި މިމީހުން ތިބޭނީ ގޮއިއޮޑީ މީހުންކަމުގައެވެ
ވެން
ނ (1) ހަރުފައިގެ ސިފައިގައި އޮންނަ މޫދުގައި ދިރިއުޅޭ މަހެއް. މީގެ ބިޔަ އެއްޗެތި އުޅެނީ އުރަފަށުގައެވެ. މިސާލު: ކަޅުވެން ކިރުޅިޔަވެން. (2) ފޭރާންކުރާއިރު އުއިފަށް ބާރުކުރާން ގެންގުޅޭ ފަތިގަނޑ.ު (3) ގުޑިއެރުވުމުގެ ތެރޭގައި ވެނުގެ ސިފައިގައި ހަދައިގެން އަރުވާ ގުޑިއެއް
ވެންޖެހުން
މ ފޭރާން ކުރާއިރު އުއިގަނޑު ބާރުކުރާން ފަތިގަޑުން )ވެނުން( ހިފާހިފުން
ވެލިފަށް
ނ (1) މަށިވެލީގެ ރޮނގު. (2) ރަށަކުން ފެންމައްޗަށް ހިކިފައިވާ ވެލީގެ ހުދުފަށް. (3) ކަނޑާއި ގަސްކަރައާއި ދޭތެރޭން ރަށަކުން ފެންނަ ވެލީގެ ހުދުފަށް (4) ކަނޑު ދަތުރުކުރާއިރު ރަށެއްގެ ވެލި ފެންނަ ހިސާބު
މަހިތާން
ނ ވިޔާއުއި ތައްޔާރުކުރާއިރު އުއިގަނޑު ހަރުކުރަން ލާތާން
މަޅިފަތި
ނ ދޫނި ހިފުމަށްޓަކައި ބޮނބިނަރު ނުވަތަ އެވަރުގެ ހިމަފަށްތަކަކުން ވަކިވަކި މަޅިތަކެއް ހަދައި އޮށީގައި ނުވަތަ އެފަދަ އެއްޗެއްގައި ހަރުކޮށްގެން ތައްޔާރުކުރާ އެއްޗެއް
މަޅިގަނޑު
ނ (1) އެއްޗެހި އެލުވައިފައި ބެހެއްޓުމަށްޓަކައި ނުވަތަ ތަންޑުގަނޑު ފަދަ އެއްޗެހި ލެއްވުމަށްޓަކައި އެއްވަރެއްގައި ގިނަދުވަހު ހުންނާނޭހެން ހަރުކުރާ ނުވަތަ އެކުލަވާމަޅި. (2) އަމިއްލައަށް ފުޅަލި ހުޅުވިގެން ދިޔަނުދިނުމަށްޓަކައި އަޅުވަން ހުންނަ މަޅި. މިމަޅި ފިލާ ދަގަނޑު ރޯނު އަދި މިނޫންވެސް އެއްޗެހިން ހަދައިފައި ހުރެއެވެ