radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
ހިނގުން
މ (1) ދިރޭތަކެތީގެ ތެރެއިން ހަތަރެސްފައި ހުންނަ ޖަނަވާރާއި ދެފައި ހުންނަ ތަކެތި ފައިގެބޭނުންކޮށްގެން ކޮންމެވެސް ކޮޅަކަށް ދިއުން (2) އިރުހަނދާއި ތަރިތަކާއި ފަލަކުތައް އެނބުރުން (3) މެޝިނާއި އިންޖީނުގެސޯބުތައް އެނބުރި އެނބުރިހުރުން (4) ދުނިޔޭގެ ކަންތައް ވޭވެހުރުން (5) ހެލިހެލި ހުރުން މިސާލަކަށް: ގަޑީގެ ބަރު ހިނގުން (6) ޖައްވީ އުޅަނދުން ބޭރުގައި ހަވާގެ ތެރޭގައި އިންސާނުން އެއްތަނުން އަނެއްތަނަށް ދިޔުން (7) ލެޔާއި ފެންފަދަ ތަކެތި ހޮޅިހޮޅީގައި ނުވަތަ ނާރުތަކުގެ ތެރޭގައި ދައުރު ކުރުން (8) ފެންފެންގަނޑާއި ކޯރުކޯރާއި ކަނޑުގައި ފެނާއި އޮއި ދަތުރު ކުރުން (9) ޢާންމުކޮށް ގަބޫލުކުރުން )01( ހަލުއިކޮށް ވިކުން
ހިނިވަރުނަ
ނ އެންމެ މާތް މީހުން ހޭ ހިނި މިބަސް މިހާރު ބޭނުންކުރަނީ ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަކުރެއްވުން
މ އެންމެ މާތް މީހުން ހޭ ހުނުން މިބަސް މިހާރު ބޭނުންކުރަނީ ޚާއްސަކޮށް ރަސޫލުﷲ ސައްލަﷲ ޢަލައިހިވަޞައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިނިވަރުނަވުން
މ އެންމެ މާތް މީހުންގެ ހެވުން މިބަސް މިހާރު ބޭނުންކުރަނީ ޚާއްޞަކޮށް ރަސޫލުﷲ ޞައްލަﷲ ޢަލައިހިވަސައްލަމައަށް ނިސްބަތްކޮށް ލިޔާލިޔުމާއި ދައްކާ ވާހަކަ ދެއްކުމުގައެވެ
ހިންމަވައިދެއްވުން
މ އެދޭކަންތައް ފުއްދަވައި ދެއްވުން މިއީ މާތް ﷲ އަށް ނިސްބަތްކޮށް ވާހަކަދައްކާއިރު ބޭނުންކުރާ ބަހެކެވެ
ހިންތާހެދުން
މ (1) މަކަރުހެދުން (2) ޙީލަތް ހެދުން (3) އިޔަހޫދިހެދުން (4) ކެހިދިނުން
ހިރިކުއްޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިފަތް ހުންނާނީ ތަނޑެއްނެތި ގަހުން ފަޅައިފައެވެ. މިފަތުގެ ސިފަ ހުންނަނީ ކުއްޅަ ފިލާފަތާ ވައްތަރު ގޮތަކަށެވެ. މާހުންނަނީ މަލުގެ ބުޑު ފެހިކޮށް ފިޔަތަކަށް ފެށޭ ހިސާބު މަޑުފިޔާތޮށި ކުލައަކުން ފެށިގެން ކުލަގަދަވަމުންގޮސް މަލުގެ ކުރީކޮޅު ވައިލެޓު ކުލައިގައެވެ ފިޔަތައް ހުންނާނީ ނަރުތަކެއްހެއް ހިމަކޮށެވެ
ހިރިފާޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިއީ ކުއްޅަފިލާ ވައްތަރަށް ހުންނަ ވަރަށް ކުޑަކުޑަ ހުދުމަލެއް އަޅާ ގަހެކެވެ ބޮޑުމިންވާނީ ގާތްގަނޑަކަށް ދެހިންޗި ހާވަރެވެ ފަތްވެސް ހުންނާނީ ކުއްޅަފިލާ ފަތް ހުންނަ ގޮތަށް އެއަށްވުރެ ކުދިކޮށެވެ
ހިރިދަކަނދާ
ނ ބޭސްވެރިކަމުގައި ބޭނުންކުރާ ފަތްޕިލާވެއްޔެއް މިއީ ބަދަބަދައަށް ހުންނަ ފަތްދިގު ވިނައެކެވެ
ހިރިގައު
ނ މުރަކައިގެ ބާވަތެއް. މިއީ ގޮފިނުވާގޮތަށް އެކަތިގަނޑަކަށް ހެދިފައި ހުންނަ އެއްޗެކެވެ. މިއީ ރާއްޖޭގައި އުފެދޭކަމަށް ބުނެވޭ އެންމެ މޮޅު ގަލެވެ. އިހުގެ ދިވެހިން ވަޅުވަޅާއި ޢިމާރާތްފަދަ ތަންތަނާއި މަހާނަގާފަދަ ތަކެތި ހެދުމަށް މިގާ ބޭނުންކުރިއެވެ ހިރިގަލުގައި ބިންވަޅުނަގައި ކުރެހުމަކީ ދިވެހީންގެ ވަރަށް ޚާއްޞަ ފަންނީ މަސައްކަތެކެވެ
ހިރުނދު
ނ (1) ހިރުނދުގަހުގެ ވަކި (2) ގޮފިގިނަކޮށް ފެތުރިހެދޭ ހިޔާބޮޑުގަހެއް (3) ރާއްޖޭގައި ހެދޭ ލަކުޑީގެ ތެރެއިން އެންމެ މޮޅު އެއްލަކުޑި މިއީ އޮޑިދޯނި ފަހަރު ބަނުމަށާއި ފަރުނީޗަރު ޖެހުމަށް ބޭނުންކުރާ ކީލި ހިމުން ލަކުޑިއެކެވެ
ހިރުބޮލި
ނ (1) ބޮންތިއާއި އަސާގެ މަތީކޮޅުގައި ހުންނަގޮބު (2) ކަސަބުބޯ ވަޅުގައި ކާއްތާ އޮމާންކޮށް އޮފުއެރުވުމަށް ބޭނުންކުރާ ދޮންކުލައިގެ ބޮއްޔެއް
ހިބަ
ނ (1) ހަމަ ހިލޭ ދިން އެއްޗެއް (2) ހިލޭ ދޭދިނުން (3) މާވިހަގަދަ ކައްޓެއްހުންނަ ލަނޑާ ޒާތުގެ މަހެއް (4) (ހ) ކުރަފިޒާތުގެ ބޮޑު ދިރޭއެއްޗެއް، މި ގިނައިން އުޅެނީ ކުނިގޮނޑުގެ ތެރޭގައެވެ
ހިބަރުނަނު
ނ ހިބަރު ބޭނުމަށް މަސްވެރިން ބޭނުންކުރާ ނަނު
ހިބަކޮށްދިނުން
މ ތިމާގެ މިލްކުގައިވާ އެއްޗެއް ތިމާގެ މިލްކުން ކަނޑައި ހަމަހިލޭ އަނެކަކަށް ދިނުން
ހިބައިންދިނުން
މ ހިބަކޮށްދިނުން
ހިބޮށި
ނ )ސ ( ލޮނާއި ހަކުރުއަޅާން ބޭނުންކުރާ ޅަކުރުނބާގެ ނާށި
ހިކަނދިފޭލި
ނ އަނުމަށާއި ބޮލުގައި އޮޅުން ނޫންކަންތަކަށް ބޭނުންކުރާ ފޭރާންދެރަ ފޭއްޔެއް މިފޭލީގެ ކުލައަކީ އަޅިކުލައެވެ
ހިކިބިލަމަގު
ނ (1) ހިކިފައިހުންނަ ބިލަމަގު (2) މަޖާޒު: ފުރިހަމަ ބައްޓަން ނުލިބޭ ވަރަށް ހިކިކޮށްތިބޭ އަންހެނުން
ހިކިދޮވުން
މ ފެނުގެ ބޭނުންނުކޮށް ކެމިކަލް ބޭނުންކޮށްގެން ފޭރާން ފަދަތަކެތި ސާފުކުރުން