radheef.info
ރަދީފު


ހެން
އ (1) ކަހަލަ (2) ފަދަ (3) އެއްގޮތަށް މިސާލު "ކަލޭ ބައްޕަ އުޅޭހެން އުޅޭ" (4) ވައްތަރަށް
ވޮށުކެވެލި ފަށްޓަރު
ނ ވޮށުކެވެލިހެން ގަތައިފައި ހުންނަ އުނަގަނޑުގައި އަޅާފަށްޓަރު
ވޮށް
ނ ރަންވަށްލޮއިން ހަދައިފައި ހުންނަ ބާވަތެއްގެ އެލުވާ ބައްތިއެއް. ޢާންމުގޮތެއްގައި މިހުންނާނީ ދެތަބައްލައި މަތީ ތަބަކަށް ކަފައިން އަނބުރައިފައި ހުންނަ ފުއްލައި ކާށިތެޔޮ އަޅައިގެން ދިއްލޭނެ ގޮތަށެވެ ކިތަންމެފުކެއް ދިއްލޭނެހެންވެސް ވޮށް ހަދައިފައި ހުރެއެވެ
ނަށާމައު
ނ ކަނޑާއި މޫދާއި ފަޅުގައި ދިރިއުޅޭ އެއްޗެއް މީގައި ކައްޓެއް ނުހުންނާނެއެވެ މިއީ ވަރަށް މަޑު އެއްޗެކެވެ މިހުންނާނީ މުރަކަ ގައު ފަދަ ތަކެތީގައި ހިއްޕައިލައިގެންނެވެ މީގެ ބައެއް ވައްތަރުގައި ބާރުގަދަ ވިހައެއް ހުންނާނެއެވެ މީގެ މަތީގައި ފަށްތަކެއްހެން ހުންނަ ބައި އަބަދު ހުންނާނީ ހުޅުވިލެއްޕި ވާގޮތަށް ޙަރަކާތް ކޮށްކޮށެވެ
ނަންއެނބުރުން
މ ކުރިންކީ ނަން ބަދަލުކޮށް އެހެންނަމެއް ކިއުން
ނަރުހިރު
ނ ދަތުގައި ހިރުގަނޑު ހިފައިފައި ހުންނަ ތާންގައި ތުނިކޮށް ހުަންނަ ކައިރިފަށް )ބައްޔެއް ނުޖެހެންޏާ އުމުރުން ތިރީހަކަށް އަހަރުވަންދެން މިކައިރިފަށް ހުރެއެވެ
ނަރުދެމުން
މ (1) ވިރި ކެކޭތަކެތި ނަރުފިލާއިން ދަމައިގެން ނަރެއްހެން ހިމަކުރުން (2) ބޮބިން ނަރު ވަކިކުރުން
ނަރުގަނޑު
ނ (1) އިނގިލީގައި އަޅާ ތަނޑިގަނޑު (2) އަތްފައިގައި އަޅާން ވަށްބޮޅެއްހެން ހަދައިފައި ހުންނަނަރު (3) އެކިކަހަލަ މަޢުދަނީ ނަރުގެ ވަރުވަރުގެ ބުރިވަރު
ނަކަލުނެގުން
މ (1) އަޞްލާ އެއްގޮތް އެއްޗެއް ހެދުން (2) ލިޔެފައިވާ ލިއުމެއް އެހެން އެއްޗަކަށް ނެގުން
ނަކަލުކުރުން
މ (1) އަސްލާ އެއްގޮތަށް އެއްޗެއް ހެދުން ނުވަތަ ލިއުން (2) ލިޔެފައިވާ ލިޔުމެއް އެހެން އެއްޗަކަށް ނެގުން (3) ހެދިގެން އުޅުން މިސާލު: އޭނާ އުޅެނީ އަހަރެން ނަކަލުކޮށްގެންނެވެ
ނަކަސްތެޅުން
މ ޖިމާޢުވުމުގައި ފިރިހެންމީހާއަށް އެދުންފުދުމަށްފަހުގައިވެސް ޖިމާޢުވުމުގެ ހަރަކާތް ހުއްޓާނުލައި ކުރިޔަށް ގެންދިއުމަށް މަސައްކަތްކުރުން ތިޔަކުރަނީ ތާކުންތާކު ނުޖެހޭ ކަންތަކޭ ބުނަންވެސް މިހެން ބުނެއުޅެއެވެ
ނައިބޮލި
ނ ބޮލީގެ ތެރޭގައި ހިމެނޭ ބާވަތެއް މިއީ މާކަނާ ތަޅުދަނޑިއެއްގެ ފާޑަށް އެއްކޮޅު އެތެރެއަށްލައި އޮޅިފައި ފަޅިބުރެއްގެ ސިފަޔަށް އޮންނަ ބޮއްޔެކެވެ ބޮލީގެ ބޭރު ހުދުކޮށް ހުންނައިރު އޭގެދެބައިކުޅަ އެއްބައިހާތަނުން ފެށިގެން ފަހަތަށް ހުންނަބައިގައި ހުރަސް ގަޅިތަކެއްހެން ހުދާއި ދޮންމުށި ކުލައިން ނުވަތަ ގަދަމުށި ކުލައިން ހަނދުފަޅި ބުރަށް ކަހަލަ ގޮތަކަށް ފަލަ ފަށްތަކެއްހެން ރޮނގު ހުރެއެވެ އޭގެ ތޮށިގަނޑުން ސަމުސާ ހަދައި އުޅެއެވެ
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަލަހިރު
ނ މަތީ ދަރަޖައިގެ އަންހެން ބޭފުޅުންގެ ފޭލިކޮޅު ވިޔާއިރު މެދު ހިރުގެ ދެފަރާތުގައި އަޅާ ރަންކަސަބުފަށް
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ނަގާކިއުން
މ (1) އިސްވެކިއުން (2) ބަޔަކު މީހުންގެ ބަސްކިޔުން މިސާލު: ބަޔަކު މީހުން ލަވަކިޔާއިރު މައިގަނޑު ކިޔައިދީފައި އެހެން މީހުން މައިގަނޑު ކިޔާއިރު ކަޑި ކިޔަމުން ގެންދިއުން
ނަގިލިލުން
މ (1) ފުރާދުއްވާ އެއްޗެހި ތަންތާ ހަރުކުރާން ނަގިލިވައްޓައިލުން (2) މަޖާޒު: ދެމީހަކު ހިތާވެގެން އުޅޭތީ އެކަން ފާޅުކުރުމަށްޓަކައި އެހެން ބަޔަކު ދޮން ވެލިން މަގުމަތީގައި ނަވެއް ކުރަހައި އެނަވުގެ ދެނަގިލި އެދެމީހުންގެ ދެގޭދޮށަށްލުން
ނަގުލަންދާށި
ނ (1) ކަށިޖަހާ ވިހަގަދަ ސޫތްޕެއް މިއީ ނަގުލުގެ ކޮޅުގައި ކައްޓެއް ހުންނަ ބޯކޮޅުގައި ކަކުނީގެ ދެދަތްގަނޑުހެން ހިމަ ދެ ދަތްގަނޑު ހުންނަ ސޫތްޕެކެވެ (2) ހަނދުފަޅި އަޅައިފައި ހުންނަ ގުޑީގެ މެދުގައި ޖަހާމަލެއް
ނާށިގަނޑު
ނ (1) އެކިއެކި ބޭނުމަށް ތާހިރުކޮށްގެން ގެންގުޅޭ ނާށި. (2) ކަދޫ ޖަހާމުގުރިފަދަ ތަކެތީގެ ބޭރުން އޮންނަ ހަރުތޮށިގަނޑު (3) އިންސާނާގެ ބޮލުގެ ހަރުތޮށި ގަނޑު (4) މަޖާޒު: އަންހެން ދުޅާކޮށް އުޅޭ ފިރިހެނުން
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ