radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
ރަތްބަގީޗާ
ނ ބަގީޗާގަހުގެ ބާވަތެއް މީގެ ފަތްތައް ހުންނާނީ ކަޅު ރަތްކުލައެއްގައެވެ ފަތުގައި ބޮޑެތިލައްތަކެއް ގޮތަށް ކުލަ ތަފާތު ވެލައިފައިހުރެއެވެ މިގަހުގެ މާ ވެސް ހުންނާނީ ކަޅުރަތް ކުލައެއް ގައެވެ
ރަތްބޭސް
ނ ބޭހުގެބާވަތެވެ މިބޭސްހުންނާނީ ރަތްކުލައިގައެވެ މިބޭސްބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭތަންތަނގައާއި މެށޭތަންތާނގައި ފާރުހިއްކުމަށްޓަކައި އުނގުޅައެވެ
ރަތްކަށިމާ
ނ ކަށިމަލުގެ ބާވަތެއް މިބާވަތުގެ މަލުގައި އާދައިގެ ކަށިމަލުގައި ހުންނަ ކަހަލަ މީރު ވަހެއް ނުހުންނާނެއެވެ
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރަތްކިރު އަލަ
ނ (1) ފުރެއްދެއަލައިގެ ބާވަތެއް މި ގަހުގެ ފަތުގެ ނާރުތަކާ ތަނޑުހުންނާނީ ދަނބުކުލައިގައެވެ ފަތްހުންނާނީ ފުޅާކޮށެވެ (2) ކަޅުކިރުއަލަ
ރަތްކޮތަރިރައިވެރިމަސް
ހށ ރައިވެރިމަހުގެ ބާވަތެއް މިމަހުގެ ކުލައަކީ ރިހިކުލައެވެ މިރިހިކުލައާއެކު ރަތްކުލަިއގެ ދަޅައެއް މަހުގައި ހުރެއެވެ ނިގޫފަތް ހުންނާނީ މަޑުރަތްކުލައިގައެވެ
ރަތްވިނަ
ނ ވިނައިގެބާވަތެއް މިވިނައިގެ ފަތްހުންނާނީ ކަޅު ރަތްކޮށެވެ ތަނޑިތައްވެސް ރަތްވާނެއެވެ ހެދޭނީ ވަރަށް ގިނަކުރިލައި ބޮނޑިބޮނޑިއަށް އެކުލަވާފައެވެ މިގަހުގެ އުސްމިނަކީ ގާތްގަޑަކަށް 6 އިންޗިއެވެ މިގަހުގެ ކުލަގަދަވެ ގަދައަށް ހެދޭނީ އަވިދޭ ތަނެއްގައެވެ
ރަތްވިލާދާރި
ނ ދިވެހި އަންހެނުން ލިބާސްލައިއުޅުނު ފޮތީގެ ބާވަތަކަށް ކިޔާނަމެއް މި ފޮތިހުންނާނީ ރަތްވިލާ ކުލައިގައެވެ
ރަތްމުރަނގަ
ނ )މ ( މުރަނގައިގެ ބާވަތެއް މީގެފަތަުގެ ތަނޑުތައް ހުންނާނީ ރަތްކުލައިގައެވެ
ރަތްފުރެއްދެއަލި
ނ ފުރެއްދެއަލައިގެ ތެރޭގައި ހިމެނޭ ބާވަތެއް މިއަލަގަހުގެ ފަތުގެ ތަނޑާއި ނާރުތައް ހުންނާނީ ރަތްކުލައެއްގައެވެ އަލަގަނޑުގެ ބޭރާއި އެތެރޭގައި ރަތްކުލައެއް ހުންނާނެއެވެ މީގެ ގިނައަލައިގައި ކަހާގޮތް ހުރެއެވެ
ރަތްފޭލި
ނ ފިރހެނުންގެ ބޮލުފޭލި - މިފޭލީގެމެދު ހުންނާނީ ރަތްކޮށެވެ
ރަތްދަތިމަސް
ނ ފަރުމަހުގެ ބާވަތެއް މިމަހުގެ ކޮތަރި އާއި ބޯކޮޅުގައި ހުންނާނީ ގަދަ ރަތްކުލައެވެ
ރަތްތިކިފާނަ
ނ ފާނައިގެ ބާވަތެއް މިމަހުގައި ގަދަރަތްކުލައިގެ ތިކިތަކެއް ހުރެއެވެ މަހުގެ ކުލައަކީ ރަތްކުލައެވެ ބަނޑުދަށް ފަރާތު ކޮތަރިބަޔާ ނިގޫފަތުގެ ކޮޅު ހުންނާނީ ވަށްކޮށެވެ މިމަހުގެ ނިގޫފަތުގައި ރަތްމުށިކުލައިގެ ފުރާރޮނގެއް ހުރެއެވެ
ރަތްލަފު
ނ އުފަންވާއިރު ބައެއްކުދިންގެ ހަމުގައި ހުންނަ ރަތްތަންތަންކޮޅު މިފުރަތަމަ ހުންނާނީ ލޭބޮތްކެއްގެ ސިފައިގަވެ ބޮޑުވިވީހެން ބޮޑަށް ފެތުރޭނެއެވެ މިތަންކޮއްޓާލައިފިނަމަ މާނާނުކުރެވޭ ވަރަށް ލޭ އަންނާނެއެވެ
ރަތްލާޖެހި
ނއ މަޖާޒު: (1) އެންމެންދަންނަ. (2) މަޝްހޫރު. މިބަސްބޭނުންކުރަނީ މީހުންނާ ނިސްބަތްކޮށެވެ
ރަތްސަންގު
ނ ފޫއެނބުރީގެ ބާވަތެއް މިހުންނާނީ ރަތްކުލައެއްގައެވެ
ރަސްފޫ އެނބުރި
ނ ފޫއެނބުރީގެ ބާވަތެއް. މިވައްތަރުގެ ފޫއެނބުރި ހުންނާނީ ކުރުފަލަކޮށެވެ. ބުރަކަށި ފަރާތުގައި އުންއުން ހުންނާނެއެވެ. ކުލައަކީ ކިރުޅި ކުލައެވެ ތުންފަތް ފަރާތުގެ ފުލުގައި ކުޑަކުޑަ އުމެއް ހުންނާނެއެވެ
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރާހި
ނ (1) އިރު ހިނގާ 21 ބުރުޖު އިރުމަހުގެ އަހަރެއްވަށާ ޖެހޭއިރު އިރު މި 21 ބުރުޖު ކަޑައްތު ކުރާނެއެވެ މީގެ އެކިއެކި ބުރުޖު ހުންނާނީ އެކިއެކި ސިފަޔަށް ތަރިއެތުރިފައެވެ މިސާލު: )ހ( ހަމްލަރާހި )ށ( މޭސަރާހި
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ