radheef.info
ރަދީފު


ހީ
ނ (1) ޝައްކު (2) ކަށަވަރުކަމެއްނެތި ހިތަށްއަރާ އެއްޗެހި (3) ފިނިކަމުން ހަށިގަނޑަށް ލިބޭ އުނދަގޫ
ކޯދުލާއެރުން
މ (1) ފުން ފާރުގަނޑުގެ އެތެރޭން މަސްލަމުން ފުރެމުން އައުން. (2) ހަކުރު އަޅާފައި ހުންނަ އެއްޗެހީގެ އަޑީގައި އުފެދޭ ކަރު ބޮޑުވަމުން މައްޗަށް އަރަމުން އައުން (3) ބިންފަޅައިގެން މައްޗަށް އެރުން
އައްޓަމަސް
ނ ކަނޑުގައި އުޅޭ ބާވަތެއްގެ މަހެއް މީގެ ތަލަމަތީ ރާޅުކޮށް އޮންނަ ތަނެއް އެހެނިހެން އެއްޗެހީގައި ވަރަށް ގަދައަށް ތަތްކޮށްލައެވެ
އައްޔާމެން
ނ ދެކުނު އިންޑިޔާގެ ކަނޑު ކައިރީ ރަށްރަށުގައި އުޅޭ ކުލީމީހުންނާއި ދެރަވަރު މީހުންނަށް ދިވެހީން ކިޔާގޮތް
އަވަރު
ނއ ލޮލުގެ ކަޅިއަށް ވެފައި ހުންނަގޮތެއް. މިހެންވީމާ ވާގޮތަކީ ދެލޮލުގެ ކަޅި އެއްގޮތަށް ނުހިނގުމެވެ ވީމާ ކޮންމެ އެއްޗެއް ބަލާނަމަވެސް ހީވާނީ އެނޫން އެހެން ދިމާއެއް ބަލާހެނެވެ މިއީ ބައެއް ކުދިން އުފަންވާއިރު ވެފައި ހުންނަ ގޮތެކެވެ
ވޯލްޓޭޖް
ނ ކަރަންޓްގެ ބާރުން ބޭނުންކުރާ އެއްޗެހީގައި ވޯލްޓް ވަޒަން ކުރާން ދައްކާމިންވަރު
ހޮއި
ނ (1) އެއްޗެހީގެ އެތެރޭގައި ހެދިފައިވާ ހުސްތަން. (2) އޮނާއި ކަށިކެޔޮ ހޮޅުފަދަ ތަކެތީގެ އެތެރޭގައި އޮންނަ ހުސްތަން
ނަންނަމުރާހި
ނ ފަންޑިތައިގައި ބޭނުންކުރާ މީހާގެ ނަމާއި އޭނާގެ މައިންބަފައިންގެ ނަމާއި ރާހީގެނަން
ނަކަތްރާހި
ނ ނަކަތާއި ރާހީން ވީދުވަސް ބަލާން ޖަހާ ހިސާބު
ނަކަތްރާހިޖެހުން
މ ނަކަތާއި ރާހީން ވީދުވަސްބަލާން ހިސާބުޖެހުން
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަސުރުވެރި
ނއ ހެޔޮކަންތަކަށް މާތްﷲގެ ހަޟުރަތުން އެހީއާއި ވާގިލިބިފައިވާ
ނަސުރުވެރިކަން
ނއނ ހެޔޮކަންތަކަށް މާތްﷲގެ ޙަޞުރަތުން އެހީއާއިވާގި ލިބިފައިވާކަން
ނަޣާރާ
ނ ތަބުލާއެއްފާޑަށް އެއްކޮޅުގައި ހަންއަޅައިފައި އޮންނަ ބޮޑުބެރެއް މިޖަހަނީ ހަތްކޮޅުނަގާ ދުވަހު ޚަޒީނާ ޖެހީމައެވެ
ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ނާރު
ނ (1) ސިކުނޑިއާ ހަށިގަނޑުގެ އެހެންބައިތަކާ ގުޅައިދޭ މުވާސަލާތީ ވިއުގައިގައި ހިމެނޭފަށް (2) ލޭ ހިންގުމުގެ ނިޒާމްގައި ހިމެނޭ ހޮޅި (3) އަތްފައިގެ ހުދުހަމުގައި އެހަމުގެ ކުލަޔާ ތަފާތުކޮށް ހުންނަ ގުދުރަތީ ރޮނގު (4) ކާނާއާއި ފެންދައުރުކުރުމަށް ގަސްގަހާގެހީގެ ފަތުގައި ހުންނަ ފަށް (5) ގަސްގަހުގެ ފަތުގެ ބޭރުފުށުގައި އުސްކޮށް އެހުންނަ ފަށްފަށާއި މީގެ ބަނޑުފުށުގައި ހުންނަ ރޮނގު
ނާޅި
ނ (1) ގޮވާމުގެ ބާވަތްތައް މިނާން ގެންގުޅޭ ހަތަރު ލާހީގެ މިންވަރު ހުންނަ އެއްޗެއް (2) ހަތަރުލާހީގެ މިންވަރު އެއީ ގާތްގަޑަކަށް ދެރާތަލެވެ
ނުމޮށޭގުރާ ބާރަށްދައިގަންނާނެ
(މުސްކުޅިބަހެއް) މިހެން ބުނެއުޅެނީ ބަސްމަދުކޮށް ހެޔޮލަފާކޮށް ތިބޭކަމަށް ހީވާމީހުން ކުރާ މާބޮޑެތި ނުބައި ކަންތައްތަކާ މެދުގައެވެ
ނެރުމަތީބުރޮޅި
ނ (1) އޮޔާދާހާ އެއްޗެހީގައި ކޮށައިފައި ނެރުމަތީގައި އުޅޭ ކުޑަމަހެއް (2) މަޖާޒު: ފުޅަލި ނުވަތަ ދޮރޯށި ދޮށުގައި ހުރެގެން ދާހައި ފިރިހެނަކާ ހަނގާކޮށް އުޅޭ ޒުވާން އަންހެނާ
ނެވިކަން
ނ ދަތުރުކުރާ އެއްޗިހީގެ ވެރިކަން
ރަހަ
ނ (1) ދުލުގައި ހުންނަ ގްލޭންޑްތަކުގެ އެހީގައި އެއްޗަކީ ކުޅިއެއްޗެއްކަން ނުވަތަ ފޮނި އެއްޗެއްކަން ނުވަތަ ލޮނު އެއްޗެއްކަން ނުވަތަ ހުތް އެއްޗެއްކަން ނުވަތަ ހިތި އެއްޗެއްކަން ނުވަތަ އެހެންވެސް ރަހައެއްލާ އެއްޗެއްކަން އެނގުމުގެ ޙިއްޞު ނުވަތަ ބާރު (2) އެމީހެއްގައި ހުންނަ ވަކި އެއްޗަކަށް ގަބޫލުވާ ނުވަތަ ވަކި ކަހަލަ ގޮތަކަށް ހެދުން އަޅާ ސިފަ (3) ދިރޭރަހަ