radheef.info
ރަދީފު


ހަކި
ނ (1) ބިލެތްފަދަ ވެޔޮވެލުގެ ފަތްވަޅުން ނުކުމެ ތަންތާނގައި ހިއްޕާ މޫތައް. (2) އޮޑިދޯނިފަހަރުގެ ދެ އިހިގަނޑު ދޭތެރޭގައްޔާއި ބުޑުވަކާ އިހިގަނޑާ ދޭތެރޭގައި ޖަހައިފައި ހުންނަތޭރި (3) ގިނަދުވަހު މޫދުގައި އޮންނަ ލަކުޑި ފަދަ އެއްޗެހީން ފަޅާ ރިނދަ (4) އުދަރެހުގައި ފަށަލަ ފަށަލައަށް ޖަހާ ވިލާބުޑު (5) )ސ ( ބިލެތް އަރުވައިފައި ހުންނަ ރުއްރުކުގައި ވާލައްވާން ބަންނަ ކަފިގަނޑު (6) )ހ ( އެނދު އުނދޯލިފަދަ ތަކެތީގެ ފަޑީގައި ލިޔެފައި ޖަހާ ތޭރި
ފެކުސްމެޝިން
ނ (1) ލިޔުމެއް ކުރެހުމެއް ނުވަތަ ފޮޓޯއެއް ފަދަ އެއްޗެއް ނަރެއްގެ ޒަރީޢާއިން ނުވަތަ ރޭޑިޔޯ ސިގްނަލްގެ ގޮތުގައި ފޮނުވާލުމުން އަޞްލާއެއްގޮތަށް އަނެއްކޮޅަށް ކޮޕީކޮށްދޭ މެޝިން (2) މިގޮތަށް ތަކެތި ފޮނުވައި ދޭ މެޝިން
ކަނބުލޮ
ނ (1) އަންހެނުންނަށް ކިޔައިއުޅޭ ނަމެއް (2) އަންހެން ދަރީންނަށް ލޯބީންކިޔާނަމެއް
ރޮންދާލުން
މ ރޮންދާއިން މަށައި އޮމާން ކުރުން
ކަޅުބިޑި
ނ )މަލިކު( ސުއްޓާ
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ދިގިކަން
ނއނ )ޏ ( ދިގުކަން
ނީލޯފަރު
ނ (1) ފެންފެންގަނޑުގައި ހެދޭ ވެލެއް އޭގެފަތާއި މަލާއި ފޮޅެނީ ފެންމަތީގައެވެ (2) ލޮޓަސް (3) ލައިނޫފަރު
ކުނބުކޮށި
ނ އޮޑިދޯނިފަހަރުގެ ކުނބު ނެގުމަށްޓަކައި ކުނބުވަތުގެ ދެތަލުގެ ދޭތެރޭ މެދުގައި ކުނބު އިންނަފަތާއެކު ތިން ފަރާތުގައި ފިލާޖަހައިގެން ހަދައިފައި ހުންނަކޮށި. މިއީ ކުނބުގެ ފޫ ވަނޮޅަށް ފައްތައި ކުނބުނަގާއިރު ފަރާތް ފަރާތަށް ކަސިޔާރުވެގެން ދިޔަ ނުދިއުމަށްޓަކައި ހަދައިފައި ހުންނަ އެއްޗެކެވެ
ބޮޑުފެހި
ނ އިހުގައި ބޯވަޅު އެޅި ލިބާސް ލައިއުޅުނު ފޭރާމެއް މިއީ ކަޅު ފެހިކުލައިގެ ފޮއްޗެއްގައި ހިމަރޮނގު ބަޔެއްގެ މެދުތެރޭގައި އެއަށްވުރެ ކުޑަތަންކޮޅެއް ފުޅާ ރޮނގެއްހެން ހުންނަ ފޮއްޗެކެވެ ރޮނގުބައި ހުންނާނީ ކަޅުފެއްސަށްވުރެ އަޅި ފެހިކުލައެއްގައެވެ މިގޮތަށް ރޮނގު ހުންނަ ރަތްކުލައިގެ ފޮތިވެސް ހުރެއެވެ އެއަށް ކިޔަނީ ބޮޑުފެހީގެ ރަތެވެ
ކުޅިތުޅާ
ނ ފަތްޕިލާވެލީގެ ބާވަތެއް މިއީ ގަނދަކޯޅިއާ ވައްތަރުގޮތަކަށް ހެދޭ ގަހެކެވެ މިގަހުގެ ފަތުގައި ކުޅިރަހައެއް ހުރެއެވެ މިފަތަކީ ބޭހަށް ބޭނުންކުރާ އެއްޗެކެވެ
ގަބުރަ
ނ )ސ ( ގަބުރު
މުރަކަކުރި
ނ ފުށުންހަދާ ހެދިކާ އެއްޗެއް މިހުންނަނީ މުރަކައިގެ އެތިކޮޅެއްހެންނެވެ
އުއްދުން
މ (1) ޅަކުދީންނަށް ކިރު ޖެއްސުން. (2) މީހަކުލައްވާ ކައްކާތަވައެއްފަދަ އެއްޗެއް އުނދުން މައްޗަށްލުން
ފައްވާރު
ނ ފެން އަރުވާ ވަޑާން
ސަފަރުމަސް
ނ ޞަފަރު
ކުރިމެރުން
މ (1) މީހަކު ކިޔަމުންދާ ވާހަކައެއްގެ އަންނާން އޮތްތަނުން ތަންތަންކޮޅު އެހެން މީހަކު ކިޔައިދިނުން (2) މީހަކު ނުވަތަ ބަޔަކު ކުރާން އުޅޭ ކަމެއް ވިޔަނުދިނުން
ފޯނުކޯލު
ނ ތެލިފޯނުން މީހަކާ ވާހަކަދެއްކުމަށް ގުޅާގުޅުން
ރާޅާތެޅުން
މ ގޮނޑުދޮށުގައި ނުވަތަ ތޮށިމަތީގައި ނުވަތަ ކަނޑުތެރޭގައި އޮތް އެއްޗެއް ރާޅާ ޖަހަޖަހާ އޮތުން
ކަންހިމެނުން
މ (1) ކަންހިމުން (2) ކަންތައްތަކެއްގެ ޢަދަދު ބެލުން