radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ހުރަވީ
ނ )ބދ ( ކަޅި
ހުރަސް
ނ (1) ހަނިދިގު އެއްޗެހީގެ ފުޅާމިން (2) ގޭގެ މަތިވަޑާން ގަނޑުގައި ހުރަހަށް އަޅާ ވަކަރު (3) ދަނޑިކޮށީ ކުޅިޖެހުމުގައި ޖަހާއެތިފަހަރެއް (4) ކުރިޔަށް ދާދިއުން މަނާކުރާ ކޮންމެ އެއްޗެއް (5) ފެންނަ ފެނުން މަނާކުރާއެތި (6) ދެއެއްޗެއް ޖެހުނަ ނުދިނުމަށް އެދެމެދަށްވަންނަދާފަރާ (7) ސުންނި އުރަ
ހުރަސްރެހަ
ނ ފަނުން ނުވަތަ ފަތިން ވިޔާއެއްޗެހީގައި ހުރަހަށް ހުންނަ ދުޅަ
ހުރަސްކުނާ
ނ ކުޑައަށީ އިރުމަތީކޮޅުގައި ހުރަހަށް އަޅައިފައި އޮންނަކުނާ ދިވެހިގޮތަށް އަޅައިފައި ހުންނަ ގޭގޭގެ އެންމެ ޢިއްޒަތްތެރި ތަނަކީމިއެވެ
ހުރަސްކުރުން
މ (1) ކަޑައްތުކުރުން (2) ކުރިކެނޑުން (3) ދިގަށް އޮތް އެއްޗެއް ހުރަހަށް އަނބުރާލުން (4) އެއްފަރާތުން އަނެއް ފަރާތަށް ދިއުން
ހުރަސްއެޅުން
މ (1) ކުރިބެއްދުން (2) މަގުބެއްދުން (3) ހުރަސްވަކަރު ބޭއްވުން (4) މަޖާޒު: އަނެކަކު ކުރާން އުޅޭކަމެއް ވިޔަނުދިނުން
ހުރަސްއޮޅި
ނ ކަފިއޮޅި )އޮޑިދޯނި ފަހަރުގައި އިހިއިންނަފަތް ނޫން ގޮތަށް އަޅާ ކޮންމެ ހުރަސް އެއްޗެއް
ހުރަސްފިލާ
ނ އޮޑިދޯނި ފަހަރުގެ ދިރުނބާ ކޮޅުގައި ސަވާބުޅި ޖަހައިފައި ހުންނަފިލާ
ހުރަސްދުޅަ
ނ ވިޔެފައިވާ ތަކެތީގައި ހުރަހަށް ހުންނަދުޅަ
ހުރަސްގަޅިލޮނދިމަސް
ނ ފަރުފަޅުގެ އުރަފަށުގައި ދިރިއުޅޭމަހެއް މީގެ ކުލައަކީ މަޑުރީނދޫކުލައެވެ މަހުގެ ބުރަކަށިމަތީގައި ކޮތަރިބައިގެ ކުރީކޮޅުން ފެށިގެން ލޯ ހުރަސްކޮށް ތިރިއަށް ގަދަމުށިކުލައިގެ ރޮނގެއް ހުރެއެވެ މިބާވަތުގެ މަހުގެ ބޭރު ހަމުގައި އާދަޔާ ޚިލާފު ވިހައެއް އެކުލެވޭ ލޮނދީގެ ފަށަލައެއް ހުރެއެވެ
ހުރާމަސް
ނ ބާވަތެއްގެ ފަރުމަހެއް މިއީ ގާގަލުގައި ތަތްވެފައި އިސްޕަންޖުގޮތަށް ހުންނަ އަޅިކުލައިގެ އެއްޗެކެވެ މިވައްތަރުވާނީ ދޮންކެޔޮވަކެއްގެ ހަތަރުފަޅި ކޮށް އެއްފަޅިއާއެވެ
ހުރާގަނޑު
ނ ހުރައެވެ ކިޔާ ވަރަށްވުރެ ކުދި އެބާވަތުގެ ތަންތަން
ހުރާގޭދަރިކޮޅު
ނ ރާއްޖެ އިސްލާންވީފަހުން ހަތްވަނަޔަށް ރާއްޖޭގައި ރަސްކަންކުރި ޢާއިލާ މި ޢާއިލާގެ ފުރަތަމަ ރަސްކަލަކީ ހުރާ ދޮންމަރުދުރު ފަޑިއްތަކުރުފާނުގެ ޙުސައިން ދަހަރާ ތަކުރުފާނުގެ މުޙައްމަދު ފާމުލަދޭރި މަނިކުފާނުގެ ދަރިކަލުން އަލްޣާޒީ ޙަސަން އިއްޒުއްދީނު ދޮންބަންޑާރައިންނެވެ މިޢާއިލާއިން ތޭރަ ރަސްކަލުން ރަސްކަން ކުރެއްވިއެވެ
ހުރިގޮތަށްހުރުން
މ (1) އެގޮތްމިގޮތް ނުވެހުރުން (2) ގޮތެއްނުވެހުރުން (3) ބަދަލެއްނައިސް ހުރުން
ހުރު
ނ )ޏ.ސ.( ކަރުދާހާއި ފޭރާމާއި ހަމުގައި ޖެހޭ ރޫ
ހުރުން
މ (1) ނެތުމުގެ އިދިކޮޅު (2) އެއްޗެއް ކޮންމެވެސް ތަނެއްގައިވުން
ހުރުކު
ނއ )ބދ ( ކިތަންމެ
ހުރޫ
ނ ބދ (1) އެތެރެ (2) ހުރުން މިބަސް މާތްކޮށް ގިނަކޮށް ބުނާގޮތް
ހުރޫއަރު
ނ )ބދ ( އެތެރެ
ހުރެ
އ (1) ހެދި މިބަހުގެ މާނަ ދޭހަވަނީ އެހެން އެއްޗަކާއި ގުޅުވައިގެން ބުނީމައެވެ މިސާލު: މަދިރިޔާ ހުރެ ނިދޭކަށް ނެތެވެ (2) )ގ ( ރޫ