radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮންޓްރެކްޓްކުރުން
މ (1) ކުރާވަކި ކަމެއްގެ ބަދަލުގައި އަގެއް ނުވަތަ ޚިދުމަތެއް ދިނުމަށް ދެފަރާތެއްގެ ދެމެދުގައި އެއްބަސްވުމެއް ލިޔެ ސޮއިކޮށް އެއްބަސްވުން (2) ދެމީހެއްގެ ދެމެދުގައި ނުވަތަ ދެމީހުންނަށްވުރެ ގިނަބައެއްގެ މެދުގައި އެއްބަސްވުން )މިއެއްބަސްވުމަކީ ޤާނޫނު ޤަބޫލުކުރާ ނުވަތަ ޤާނޫނު ބާރުދޭ އެއްބަސްވުމަކަށް ވާންވާނެއެވެ
ކޮންޕިއުޓަރ
ނ ކަރަންޓުގެ ބޭނުންކޮށްގެން ވަރަށް ހަލުއިކޮށް ހިސާބުހަދާ މެޝިނެއް. މިމެޝިނަކީ އެއަށް މަޢުލޫމާތު ލެވޭނެގޮތަށާއި މަޢުލޫމާތު ރައްކާ ކުރެވޭނެ ބަޔަކާއި ވިޔަހަދާ ބަޔަކާއި މަޢުލޫމާތު ބޭރުކުރެވޭނެ ބައެއްގެ މައްޗަށް އެކުލެވޭ މެޝިނެކެވެ މީގެ ވަރަށް ގިނަ ބާވަތްތައް ހުރެއެވެ
ކޮރުނެގުން
މ (1) ކޮންނަ ރޮންދާއަކުން ލަކުޑިގަނޑެއްގެ ހަނިއަރީގެ މެދުތެރޭން ހަނިދިގުކޮށް ކޮނުން. މިއީ ދޮރުފަތްފަދަ އެއްޗެހި ޖެހުމުގައި ފިލާ ލެއްވުމަށް ކުރާ ކަމެކެވެ. (2) ކުޅި ޖެހުމުގައި އެއްފައިތިލަ އަނެއް ފައިގެ ކުޑަކަޅުވާމަހުގައި ކާއްތަމުން ދޯނތްގާ ހަމައަށް ނަގައިފައި މައްޗަށް ފުންމައިގަތުން (3) ރުޅި އައިސްގެން އެއްޗެހިގޮވުމުގެ ތެރޭގައި ވައްތަރު ޖައްސަމުން އެގޮތް މިގޮތަށް ފުމުން (4) ބާވަތެއްގެ ފުމުމެއް މިއީ ފަންޑިތަ ހެދުމުގައި އަޖިދައަށް ޖައްސާ ވައްތަރެކެވެ މިވައްތަރަށް އަޖިދައަށް ކޮރުނެގުން ވެސް ކިޔައެވެ
ކޮރުކޭއްތުން
މ ކޮރުކޮށް ހިނގޭއިރު ފައިގެ ކޮންމެވެސް ތާކުން ބިމުގައި ރޮނގެއް އެޅުން
ކޮރުދަން
ނ (1) ބަޑިރޯކުރާ ފޮލިސާއަށް ލައްވާން ފޮތީން ނުވަތަ ކަފައިން ދެއުޅިޔަށް ޅަކޮށް އަނބުރާ އެއްޗެއް (2) ބަޑިރޯކުރާ ފޮލިސާއަށް ލައްވާން ފޮތީން ނުވަތަ ކަފައިން ކުރުފަލަކޮށް ޅަކޮށް އަނބުރާ އެއްޗެހި
ކޮރުޖެހުން
މ ކޮރުކޮށް ހިނގުން
ކޮބާ
އކ (1) ނުފެނިގެން އުޅޭ އެއްޗެއް ވީތަނެއް އެނގޭތޯ ނުވަތަ ކަމެއް އޮޅުން ފިލުވާން ސުވާލުކުރުމަށް ބޭނުންކުރާ އަކުރެއް. މިސާލު: )ހ( މަގޭރުމާ ކޮބާ؟ )ށ( ކަލެއާ ޙަވާލުކުރި ކަންތައް ކޮބާ؟ (2) މީހަކު މިވެނި ގޮތަކަށް ކަމެއް ވެދާނެޔޭ ބުނެފައި އޮއްވާ އަނެކަކު އެބަސް ނާހައި އެކަންތައް ކޮށްގެން ކުރީގައި ބުނިމީހާ ބުނިގޮތަށް ކަންތައްވީމާ އެކަމެއް ކުރިމީހާއާއި ދިމާއަށްބުނެ އުޅޭ ބަހެއް މިސާލު: ކޮބާ މަބުނިގޮތަށް ނޫންހޭވީ (3) ނިކަން މިސާލު: ކޮބާދީބަލާ
ކޮޅުހެދުން
މ (1) ފޮށާފަދަ ތަކެތީގެ ކޮޅުގައި ފޯގައިލައި މަޅި ގޮތްގޮތަށް ހެދުން (2) ނަނާއިވާފަދަ ތަކެތީގެ ކޮޅުހިމަކޮށްލުން ނުވަތަ އެކިއެކި ބޭނުމަށްޓަކައި ކޮޅު ނުނިއުޅޭނެހެން ހެދުން
ކޮޅުންއެޅުން
މ (1) ކަނޑުގަދަވެގެން ދިރުނބާކޮޅުން ރާޅުއެރުވުން (2) މަސްދޯނިފަހަރުގައި އެން ހުސްކޮށް ދިޔަހިއްކައި ކަހާލުމަށްފަހު ފަށަން މަތި ސާފުކުރުމަށްޓަކައި ދިރުނބާކޮޅު ކޮޅުވަތަށް ދިޔަހިއްކާ ފައިން ފެންއެޅުން
ކޮޅުވަން
ނ (1) ފުޅަފުގައި ނުވަތަ ބިތުގައި ކޮޅަށް ޖަހަން ފަންތޮށިގަނޑު ބުރިކޮށްފައި ހުންނަ ހިކިފަން (2) ކޮޅުފަން
ކޮޅުފައިންޖެހުން
މ (1) އިހާނެތިކޮށްލުމުގެގޮތުން މީހެއްގެގައިގައި ފައިކުރުކޮށްފައި ފައިންޖެހުން. (2) މަޖާޒު: މީހެއްގެ ފަރާތުންލިބޭ ހެވަތާއި ލާބައަކަށް ނުބަލައި އެފަރާތަކަށް އިހާނެތިވާގޮތެއްގައި ވަކިވެގަތުން
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮއިބޮނޑި
ނ އިހުގައި ހަނގުބޭކަލުންގެ އަނބިން ވިހޭމާ އެމީހަކު އަށީބޭކަލުންނަށް ދޭންޖެހޭ ކެއުމެއް. ނުވަރޭ ފެނުން ނުކެނޑެނީސްދޭނަމަ ކޮންމެވެސް ކާއެއްޗެއް ދެނިކޮށް ފުދުނީއެވެ. އޭގެ ފަސްވެއްޖެނަމަ ދޭންވާނީ ހަތަރުނާޅި އަވެއްޔާއި އެޔާވާނެ އެހެން އެއްޗެއްސެވެ
ކޮއްބޯވިލާ
ނ )މ.( ފަށަލަ ފަށަލައަށް ބޯކޮށް ހުންނަ ވިލާ މިކަހަލަ ވިލާތަކުގެ ކައިރިފަށް ހުދުވާނެއެވެ މިއީ ވިއްސާރައެއް ގާތްވެއްޖެކަމުގެ ނިޝާނެއް ކަމުގައި ބުނެއެވެ
ކޮއްލަވާނި
ނ (1) އެއްމަގަކުން ނޫނީ ވަދެވޭން ނޯންނަ ގޮނިލައިފައި ހުންނަ ތަންތަން (2) އެއްކޮޅު ބެދިފައި ހުންނަ ހަނި ދަތި ގޯޅި (3) ގޭގޭއިން ދަތިކޮށް ނެރެފައި ހުންނަ ކޮޓަފާޅި ފަދަ ތަންނަން
ކޮއްޓޭ
ނ (1) ބޮލީގެ ބާރަފައު މިއީ ބާރަހާސްފުކެވެ (2) ބާރަހާސްފުއްބޮލި އަޅައި ބަންދުކޮށްފައި ހުންނަ މުޅި
ކޮއްޕައިލުން
މ (1) އެއްފަރާތްކޮށްލުން (2) ގަންނަވައިލުން (3) ވައްދައިލުން
ކޮމާ
ނ މިފާހަގަ މިއީ ޖުމްލައެއްގެ ތެރޭގައި ކުޑަކޮށް މަޑުކޮށްލަންޖެހޭ ތަންތަން ފާހަގަކުރުމަށް ޖަހާ ނިޝާނެކެވެ