radheef.info
ރަދީފު


ދުން
ނ (1) ބައެއް އެއްޗެހި އަނދާއިރު ހުޅުގަނޑުގެ މަތިން ވައިގެ ތެރެއަށް އަރައިގެންދާ ގަދައަޅިކުލައިގެ ނުވަތަ ކަޅުކުލައިގެ ގޭސް (2) ދުން އެޅުމަށްޓަކައި ތައްޔާރުކޮށްފައި ހުންނަ މީރުވަސް ދުވާތަކެތި (3) )ބދ ( ބުޅާ
ގެންނެވުން
މ (1) ކޮއްޕުން (2) ވެއްދުން (3) ގެނައުން މިބަސް މާތްކޮށް ބުނާގޮތް މިސާލު: އެފޮތް މިއަދު ގެންނެވުން އެދެމެވެ
ގެރިގާ
ނ މެދުންގުޅިފައި ހުންނަ ހަތަރުފައި ހިމެނޭ ސިމެންތި ގަލެއް. މިއީ ތޮށިލުމަށާއި ގޮނޑުދޮށް ޙިމާޔަތް ކުރުމަށް ބަހައްޓަން ހަދައިފައި ހުންނަ ވަރަށް ބޮޑު ގަލެކެވެ
ގެޅުން
މ (1) ކޮއްޕައިލުން (2) ހެދުން ކޮށިކުރުން (3) ވައްދައިލުން (4) ހުތުރުބަހުން ކެއުމަށް ކިޔާގޮތް
ގޮށަޖެހުން
މ (1) ނަނާއިރޮދިފަދަ އެއްޗެހީގެ ދެކޮޅުގުޅުވުމަށް ބާރުވާ ގޮތަށް މަޅިޔެއް ޖެހުން (2) ގޮށަކަށް ހެދުން (3) މަޖާޒު: ކާވެނީގެ ގޮތުންގުޅުން
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ގޮށިދީދިހެއްދުން
މ އަންހެން ކުދިން ބޮޑެތި މީހުން ލާކަހަލަހެދުން އަޅުވައި ނަލަހެއްދުން
ގޮށްވަޅުހެދުން
މ ފޭރާމުގައި ހަރުކޮށްފައި ހުންނަގޮށް އެޅުވުމަށް ފޭރާމުގައި ކަނޑާ ލޯވަޅުގެ ކައިރިހެދުން
ގޮށްވަޅުޖެހުން
މ )ސ ( ގޮށްވަޅު ހެދުން
ގޮށްވިރުވުން
މ (1) ހަށިގަނޑުގެ ނާރެއްގައި ނުވަތަ މަސްގަނޑުގެ ތެރޭގައި އުފެދޭ ކުދި ހަރުތަންތަންކޮޅު ފަރުވާދީގެން ރަނގަޅުކުރުން (2) ފުށް އުއްސައިގެން ފޮނިއެއްޗެހި ހަދާއިރު އޭގައި ހުންނަ ފުށްގުޅަގުޅަ އަތުން ފިއްތައިގެން ގުޅަގުޅަޔަށް ނުހުންނާނޭގޮތް ހެދުން
ގޮނގުރެޓުކުރުން
މ ދަގަނޑު ލައްވައިގެން ގޮނގުރެޓުން ތަނެއް ހެދުން
ގޮނޑިފޭބުން
މ ބައެއް ގަސްގަހުގެ މުލަށް ފުށްއެރުން މިސާލު: )ހ( ވިހަލަގޮނޑި އުފެދުން )ށ( ދަނޑި އަލުއިގަހުގެ މޫ ފަލަވެ ފުށްއެރުން )ނ( ބުރަނދަގޮނޑިގަހުގެ މޫފަލަވުން )ރ( ގޮށް ކުޅަނދުރު ގަހުގެ މުލުގައި ގޮށް އުފެދުން
ގޮނޑިލުން
މ (1) ގަސްގަހުގެ އަޑިއަށް ގޮނޑިފޭބުން (2) ގޮނޑި އުފެދުން
ގޮނޑިޖެހުން
މ (1) އިށީނދެ އުޅުމަށްޓަކައި ބޭނުންކުރާ ޒާތްޒާތުގެ ގޮނޑި އުފެއްދުން (2) ގެރިބަކަރިން ކިރުފެލާއިރު އޭގެކިރުގައި ތެޅުން (3) ތަނެއްގައި ގޮނޑި އެތުރުން
ގޮނޑުޖެހުން
މ ދިޔަވަރު އެންމެ ބޮޑަށް ފޫދުން
ގޮނި
ނ (1) ބައްޓަމާއެކު އެތެރެއަށް ވެފައިވާއަޑި (2) މޫދުން ރަށުގެ ތެރެއަށް ވަދެފައިވާތަން
ގޮނިލެއްވުން
މ (1) ގޮންޏަކަށް ހެދުން (2) ގޮނިހެދުން (3) ގުދުލެއްވުން
ގޮބޮޅިޖެހުން
މ ފަންޑިތަވެރިކަމުގެ ގޮތުން ކުރާ ކަމެއް. މިކަންކުރާގޮތަކީ ދިވެހިރުކުގެ ގޮބޮޅިއެއްގައި ލިޔެ ވެސްނޫފަދަ އެއްޗަކުން ކަޅިކޮށް ދުންބުރުވައި އޮޑިއެއްނަމަވެސް އަދި ރަށެއް ނަމަވެސް ކިޔަވައި ނިއުޅުންކޮށް ވަކި ތަނެއްގައި ޖަހައި ގޮބޮޅި ފަޅައިލަނީއެވެ
ގޮޅިއަކަށްފެއްތުން
މ މަޖާޒު: ޤާނޫނީ ކުށެއްގައި ބެއްދުން
ގޮޅިއަކަށްފެތުން
މ މަޖާޒު: ޤާނޫނީ ކުށެއްގައި ބެދުން
ގޮޅިޖެހުން
މ ގޮޅިގޮޅިއަށް ހުންނާނޭހެން ހެދުން