radheef.info
ރަދީފު


ދާ
ނ (1) މަސްހިފުމަށްޓަކައި ރޮދިފަދަ އެއްޗަކުން ގޮޅިގޮޅި އަށްވާގޮތަށް ބަނދެފައި ނުވަތަ ހަދައިފައިވާ އެއްޗެއް (2) މައުދަނީ ފަށްތަކުން ގޮޅިގޮޅިޔަށް ވާގޮތަށް ހަދައިފައި ހުންނަ އެއްޗެހި (3) ގައިގެހަމުގައި ހުންނަ ލޯވަޅުތަކުން ނުކުންނަފެން (4) )ޏ ސ ( ފުނޑާ ދައި (5) )ގ ( ދޯ (6) "ދިއުން" މިބަހުގެ ވާކަން (7) ދާވުން މިބަހުގެ ނަން އިތުރު
މަތިހަށިނެގުން
މ (1) މޭފުއްޕާލުމާއިއެކު އިސް އުފުލައި ދެކޮނޑު އުފުލައިލުން (2) މަޖާޒު: ހިނގަމުންދާ ކަމެއްގެ ތެރޭގައި އިސްމީހެއްގެ ގޮތް ދައްކައިގެން އުޅުން
މަތިންލުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން. (2) އެއްޗެއްކެކި އުތުރި އަރައިގެން ބަންޑުންވުން. (3) ފުރާދުއްވާ އޮޑިފަހަރު ދަތުރުކޮށްފައިދާއިރު އަނބުރާނުލާ ފަރުމާނު މަތިން ރިޔާގެންދިއުން
މަތިބިތްހިފުން
މ ރިޔަލު ދަތުރުކޮށްފައި ދާއިރު ވައިމަތީގައި ހުންނަ ރަށްރަށް އަތުވާ ހިސާބަށް ދަތުރުކޮށް އެރުން
މަތިކުރުން
މ (1) ކަމެއް ޙަވާލުކުރުން. (2) ކުރާނޭ މަސައްކަތެއް ނުވަތަ ދާނޭ ތަނެއް ނުވަތަ ދައްކާނޭ ވާހަކައެއް ހޯދައި އެކަމުގެ ވަގުތުޖެހެންވާއިރަށް ތައްޔާރު ކުރުން (3) މީހެއްގެ ބޮލުގައި އެމީހާ ނުކުރާކަމެއްގެ ތުހުމަތު އެޅުވުން
މަތިވަޑާންގަނޑު
ނ ތަންތަން ހިޔާކުރާން މަތީގައި ހަދާ އޮނިގަނޑު
މަތިފަޑިމައްޗަށްއެރުން
މ (1) އޮޑިދޯނިފަހަރުގެ މަތިކިބައިގެ ފަޑި ނުވަތަ މަތިކަން މައްޗަށް އެރުން (2) މަޖާޒު: ކަމެއް ހިނގަމުންދާއިރު އެކަމުގައި ބައިވެރިވާންޖެހޭ މީހަކު ކުޅިބަލާ މީހެއްގެ ގޮތުގައި ކަމުގައި ބައިވެރިނުވެ ހުރުން (3) ކަމެއްގައި ބައިވެރިވެ އުޅެފައި އެކަމެއް ގޯސްވާގޮތްވުމުން އެކަމުގާ ނޫޅޭ މީހަކަށް ހެދިގެން ދުރުގައި ހުރުން
މަލިކުބޮނޑި
ނ ހަނޑުލުފުށާ ހަކުރާ ހުންޏާ ބޭނުންކޮށްގެން ހަދާ ހެދިކާ އެއްޗެއް
މަލިޔާގަނޑަ
ނ )ސ ( އޮޑިދޯނިފަހަރު އެހެލާ ބޭލުމުގައި ބޭނުންކުރާ ދެވައު އުޅަނދުގެ މައްޔަލުގެ ކައިރިއަށްލާފައި އެއްކޮށްހަދާ ކުސަގަނޑު
މަގަށްއެޅުވުން
މ މަޖާޒު: ކަމެއް ނުވަތަ މީހަކު ރަނގަޅުގޮތުން އެއްކިބާވެގެން ދާންފެށީމާ ހަމައަށް އެޅުވުން
މަގުންނެއްޓުން
މ މަޖާޒު: (1) ޤަވާޢިދުން އެއްކިވާބުން (2) ކަމެއްހިނގަމުން ދާންވީގޮތާއި ޚިލާފުވުން
ނ އިހުގައި ވަކި ދަރަޖައެއްގެ މީހުން މަރުވެގެން ސަންދޯއް ގެންދާއިރު މަގުގެ ދެފަރާތަށް އަޅާ ބޮލ
މަގުބޮލިއެޅުން
މ އިހުގައި ވަކި ދަރަޖައެއްގެ މީހުން މަރުވެގެން ސަންދޯއް ގެންދާއިރު މަގުގެ ދެފަރާތަށް ބޮލި އަޅާއެޅުން
މަގުކޮށުން
މ (1) ވަލުތެރޭގައި ހުންނަ މަގުތައް ވާވެ ގަސްތައް ބޯވާން ފެށީމާ ކޮށައި ސާފުކުރުން (2) މަގުމަތި ބެދޭނެ ފަދަ ގޮތަކަށް ހުންނަ ގަސްތައް ކޮށައި ސާފުކުރުން (3) މަޖާޒު: ކަމެއް ކުރިއަށް ގެންދާނެގޮތް ރާވައި ފަހިކުރުން
މަގުއޮޅުން
މ (1) ހިގުމުގައި ނުވަތަ ދަތުރުކުރުމުގައި ދާންވީގޮތް އޮޅުން (2) ދެވޭނުދެވޭތަނެއް ނޭނގުން (3) މަޖާޒު: ތިމާގެ މަޤާމު ތިމާއަށް އޮޅުން (4) ހެޔޮކަމަކަށް ނުބައިކަމެކޭ ހީވުން ނުވަތަ ނުބައި ކަމަކަށް ހެޔޮކަމެކޭ ހީވުން
މަގުމަތީލަވަ
ނ ގާއޮޑި ލަވަކިޔާ މީހުން ވެދުމާ ދާއިރު ކިޔާލަވަ
މަގުފިރުމުން
މ މަޖާޒު: ހިރެމުން ހިރެމުންދާގޮތަށް މަގުމަތީގައި ހިނގުން
މަގުފޭރުން
މ މަހުހިނގާފައިދާ މީހެއް ނުވަތަ ބައެއްގެ އަތުން ނުވަތަ އެއްގަމު ދަތުރުކޮށްފައި ދާ މީހެއް ނުވަތަ ބައެއްގެ އަތުން ގަދަކަމުން ނުވަތަ ބިރުދައްކައިގެން ތަކެތި އަތުލުން
މަގުފޭރޭމީހުން
ނ މަގު ހިނގާފައިދާ މީހެއްގެ އަތުން ނުވަތަ އެއްގަމުގައި ދަތުރުކޮށްފައިދާ މީހެއްގެ ނުވަތަ ބައެއްގެ އަތުން ގަދަކަމުން ނުވަތަ ބިރުދައްކައިގެން ތަކެތި އަތުލާ މީހުން
މަގުދެއްކުން
މ (1) އުޅެންވީ ރަނގަޅުގޮތް ބުނެދިނުން (2) ނަޞޭޙަތްތެރިވުން (3) ތަނަކަށް ދާންވީގޮތް ޗާޓަކުން ނުވަތަ އެނޫންވެސް ގޮތަކުން އޮޅުން ފިލުވައި ދިނުން (4) އަނެކަކަށް ކުރާނޭގޮތް ނުވަތަ އުޅޭނޭގޮތް އަންގައިދިނުން
މަގުގެއްލިފައިވުން
މ (1) ދާނެމަގެއް ނޭނގިފައިވުން (2) މަޖާޒު: އެއްކައުވަންތަކަން ޤަބޫލުނުކުރުން (3) ކަލަކު ވޮޑިގެންވާކަން ޤަބޫލުނުކުރުން