radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ޓެލެވިޒަން
ނ (1) ޙަރަކާތްކުރާ ނުވަތަ ޙަރަކާތް ނުކުރާ ފޮޓޯއާއި މަންޒަރު އަޑާއެކު އަތުލައިގަނެވޭ އިލެކްޓްރޯނިކް ނިޒާމެއް (2) ޖައްވުގެ ތެރެއިން އަޑާއެކު ފޮޓޯއާއި މަންޒަރު އަތުލައި މީހުންގެ ލޮލަށްފެނި އަޑުއިވޭގޮތް ހަދައިދޭ ފޮށްޓެއް
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޓޭޕުރެކޯޑަރު
ނ ދަގަތްފާނުގެ ބާރު އެކުލެވިފައިވާ ފީތާއަކަށް އަޑުރެކޯޑު ކުރެވޭ ގޮތަށް ހަދައިފައި ހުންނަ އާލަތެއް މިއިން އަޑު އެހޭނެއެވެ
ޔަހޫދީ
ނއ (1) މޫސާގެފާނުގެ ޤައުމަށް ނިސްބަތްވާ (2) އިސްރާއީލަށް ނިސްބަތްވާ (3) މަކަރާއިހީލަތް ހަދައި އުޅޭމީހެއް
ޔާރި
ނ (1) ދެރޯޒު )ދެރޯޒު ކައްޕި( (2) ބުރަތަކެތި އުފުލުމަށާއި ދެމުމަށް ހަދައިފައިވާ އެއްޗެއް. މިހަދައިފައިވަނީ އެނބުރޭ ފުރޮޅެއްގެ ތެރެއިންޗޭނު ނުވަތަ ވާ ދެމޭގޮތަށެވެ
ޔާރިއެޅުން
މ (1) ދެރޯޒުއެޅުން. (2) ބުރަތަކެތި ނެގުމަށާއި ދެމުމުގެ ފުރޮޅުގެ ތެރެއިން ޗޭނު ނުވަތަ ވާދެމިގެން ހިނގާގޮތަށް ހަދައިފައިވާ އެއްޗެއްގެ ބޭނުން ކުރުން
ޔާއިދަރޯސް
ގބ )ގ ޏ ( ކަނޑުދަތުރުކުރާ އުޅަނދުފަހަރު ގަދައިގައި ދަތުރު ކުރާއިރު ރާޅާ އަޅައިފައި ދުއްވައި ގަތުމުން ހުންގާނުގައި ހުންނަ މީހާއަށް ހުންގާނަށް ސަމާލުވުމަށް އެންގުމުގެ ގޮތުން ބުނެއުޅޭ ބަހެއް
ޔޮޓުދޯނި
ނ މަތިހިޔާކޮށްފައި ހުންނަ އިންޖީނުދޯނި މިދޯނި ހުންނަނީ އޭގެ ތެރޭގައި މީހުންނަށް ނިދައި ކައިބޮއި ހެދޭގޮތަށެވެ
ޕާކު
ނ (1) ކުޑަކުދިންނާއި ބޮޑެތިމީހުން މުނިފޫހިފުލުވުމަށްޓަކައި ގޮސް ތިބުމަށް ހަދައިފައިވާ ޚާއްޞަ ތަންތަން (2) ވިނަ ނުވަތަ ގަސް ނުވަތަ މިދެބައި ވަކިއުޞޫލަކުން ހައްދައިފައިވާ ބިން
ޕާޕަރު
ނ މަސްރަހަދޭގޮތަށް ހަދައިފައި ހުންނަ ތުނި ރޮއްޓެއްކަހަލަ ކާ އެއްޗެއް މިކަނީ ތެއްލައިގެންނެވެ
ޕިކަޕު
ނ އެއްގަމުގައި ދުއްވާ އިންޖީނުލީ އެއްޗެއް މިއީ އެއްތަނުން އަނެއް ތަނަށް މުދާ އުފުލަން ބޭނުންކުރާ ހަތަރު ފުރޮޅުލީ އެއްޗެކެވެ މީގެ ފަހަތުބައި ހުންނަނީ މުދާއެރުވޭ ގޮތަށް ހަދައިފައެވެ މިއީ ލޯރިއަށްވުރެ ކުޑައެއްޗެކެވެ
ޕިޗު
ނ (1) މިއުޒިކު ކުޅުމުގައި ނުވަތަ ލަވަކިޔުމުގައި ގެންގުޅޭ އަޑުގެ ބަރުކަމުގެ މިންގަނޑު (2) ބައެއްކަހަލަ ކުޅިވަރުތައް ކުޅެން ހަދައިފައި އޮންނަތަން މިސާލު: ކިރިކެޓް ޕިޗު
ޕުލައިވުޑް
ނ (1) ލަކުޑީގެ ތުނިފަށްތައް ތަތްކޮށްގެން ހަދައިފައި ހުންނަ ފިލައެއް (2) ފުލައިވުޑު
ޕުލަގު
ނ ކަރަންޓް ނެގުމަށްޓަކައި ޓޮޕްޖެހުމަށްހަދައިފައި ހުންނައެތި
ޕޫރީ
ނ ގޮދަންފުށުގައި ހަދައި ތެއްލައިފައި ހުންނަ ލޮނުހެދިކާއެއް. މިއީ ޕާޕަރާވައްތަރު އެއަށްވުރެ ބޯކޮށް ހުންނަ އެއްޗެކެވެ
ޕާރުސަލްކަރުދާސް
ނ އެއްޗެހި ބަންދުކުރުމަށް ބޭނުންކުރާ އެތެރެއިން ދިގަށް ހިމަ ރޮނގުތަކެއް ފެންނަގޮތަށް ގަދަކޮށް ހަދައިފައި ހުންނަ ލަކުޑިކުލައިގެ ބޮޑު ކަރުދާހެއް
ޕެޓްރޯލް
ނ ބިމުން ނަގައި ވަކިވަރަކަށް ސާފުކޮށްފައި ހުންނަތެލެއް މިއީ ވަޔަށް އަރައިގެންދާގޮތް ހުންނަ ވަރަށް ހަލުވި އެއްޗެކެވެ މިއީ ވަރަށް ފަސޭހަ އިން ހުޅުހިފާ އެއްޗެކެވެ އެތެރޭގައި އަލިފާން ކަނޑާގޮތަށް ހަދައިފައި ހުންނަ އިންޖީނު ހިންގުމަށް މިތެޔޮ ބޭނުންކުރެއެވެ
ޖަހަލާ
ނ މަރުތަބާނު ފާޑުގެ އެއްޗެއް މިހަދައިފައި ހުންނަނީ މުށިންނެވެ
ޖަހަލާކޮޅުހެދުން
މ ގަނޑުވަރުތެރޭ ބޭފުޅުން ރައްކާވާއިރަށް ތަރަފަނަހަދައި ތައްޔާރުކުރުން މިތަރަފަނަ ރައްކައުކުރަނީ ޖަހަލާޔަށް އަޅައި މަތި ބަންދުކޮށްގެނެވެ
ޖަލު
ނ ކުށްވެރިން ހައްޔަރުކުރުމަށްޓަކައި ހަދައިފައި ހުންނަތަން