radheef.info
ރަދީފު


ފަދަ
އ (1) ކަހަލަ (2) ގޮތް
ލޫވަ
ނ ކަތި ފިލާހެން ހަނި ބިއްލޫރިފަދަ ތަކެތި ލައްވައިގެން ކުޑަ ދޮރުގައި ހަރުކުރަން ހަދައިފައި ހުންނަ އެއްޗެއް މި ހުންނަނީ ހުޅުވައި ލެއްޕޭގޮތަށެވެ
ލޫދުން
މ (1) ބައެއް ޅަކުދިން އުރީމާ ރުޅި ދައްކައިލައިފައި ސޮހިގަނެގެން ފޭބުން (2) ނަނުފަދަ އެއްޗެހި އަތުތެރެއިން ފިރުކިގެން ދިއުން (3) ކޮޅަށްހުރި އެއްޗެއްގައި ބަނޑު ކާއްތައިގެން އެއަށް އެރުން (4) ކޮޅަށް ހުރި އެއްޗެއްގައި ބަނޑު ކާއްތައިގެން އެއިން ފޭބުން (5) ބައެއް ކަހަލަ ފޮތި ފިނދިގެން ދިއުން (6) ވީދުން މަޖާޒު: (7) ފިރުކުން (8) މަގުމަތީގައި ގިނަވެގެން އުޅުން
ލެންސު
ނ އައިނާއި ކެމެރާއާއި ދުރުމިފަދަ އެއްޗެހިން ތަނެއް ނުވަތަ އެއްޗެއް ސާފުކޮށް ބޮޑުކޮށް ނުވަތަ ކުޑަކޮށް ބަލަން ހުންނަ ބިއްލޫރި ފަދަ އެއްޗެއް މީގެ ދެފުށް ނުވަތަ އެއްފުށް ހުންނާނީ ފުއްޕުން ލައިފައެވެ
ލެބޯޓަރީ
ނ (1) އެކިކަންކަމާއި އެކި އެއްޗެއްސާއި އެކިއެކި ބައްޔާ ބެހޭ ތަޙުލީލުތައް ކުރާތަން. (2) އެފަދަ ތަޙުލީލުތައް ކުރެވޭގޮތަށް އެކަންކަމަށް ބޭނުންވާ ސާމާނުލައި ތައްޔާރުކޮށްފައި ހުންނަ ތަންތަން
ލެއްވުން
މ (1) އެއްޗެއްގެ ތެރެއަށް އަނެކަޢްޗެއް ވެއްދުން (2) ޖަމާޢަތެއްގައި ހިމެނުން (3) އުނދޯލި ފަދަ ތަކެތި ހެއްލުން (4) ބައިވެރި ކުރުން
ލޭނެގުން
މ ސިރިންޖެއްފަދަ އެއްޗަކުން މީހެއްގެ ގައިން ލޭދެމުން ނުވަތަ ނެރުން
ލޭކަރުނަ
ނ މަޖާޒު: ހިތުގައި އުފެދޭ ހިތާމަވެރި ވޭނީ އަސަރަށް ނުވަތަ އެފަދަ އަސަރެއްގެ ސަބަބުން އުފެދޭ ކަރުނައަށް ކިޔައިއުޅޭ ނަމެއް
ލޭއޮހޮރުވުން
މ (1) ތަޅާފޮޅުން. (2) ހަނގުރާމަކުރުން. (3) މީހުންގެ ފުރާނައަށް ގެއްލުންވާފަދަ ނުވަތަ މީހުން ޒަޚަމްވާފަދަ ކަމެއް ހިންގުން (4) މަޖާޒު: ގުރުބާންވުން
ލޮނުއެޅުން
މ (1) މަސް ލޮނުއެޅުން (2) ތަރުކާރީއެއްފަދަ އެއްޗެއް ލޮނު އަޅައިގެން ނުބައި ނުވާނެގޮތް ހެދުން (3) ސީރާކުރުން
ލޮންޓާ
ނ )ގ ( މަންޑިއާއި ކުއްލިފަދަ ކުޅިވަރު ކުޅޭއިރު ކަނޑު ކަމުގައި ފާހަގަކުރެވޭ ރޮނގު
ލޮތެޖެހުން
މ )ގ ( ޅަ ކުރުނބާ އާއި މިރިފަދަ ތަކެތީގައި ލޯވަޅެއް އެޅުން
ލޮލަށްގޮވުން
މ ލޯސަލާމަތުން ހުރި މީހަކާ ދިމާއަށް ތިޔަހުރީ ލޯކަނުވެފައިހޭ ލޮލަކަށް ނުފެނެހޭ މިފަދަ ބަސްބަސް ބުނުން
ލޮލީ
ނ ހިފޭގޮތަށް އިލޮށި ކޮޅެއް ފަދަ އެއްޗެއް ލައްވައިފައި ޖޫސްފަދަ ތަކެތި ގަނޑުކޮށްގެން ތައްޔާރުކުރާ ލޮންނަ އެއްޗެއް
ލޮޔަށްލުން
މ ފޮޓޯއާއި ސަނަދާއި މިފަދަ ތަކެތި ފުރޭމު ކުރުން
ލޯހުޅުވައިލަންވެސް ނުކެރުން
ގބ މަޖާޒު: ހަޑި ހުތުރު ޢައިބުކަންތައް ތަކެއް ދެކެން ނުވަތަ އެފަދަ ވާހަކަތަކެއް އަޑުއަހަން ނުކެރުނުކަން އެންގުމުގެ ގޮތުން ބުނާ ބަހެއް
ލޯބިކުރުން
މ (1) ލޯބި ބެހެއްޓުން (2) އަނެއް ޖިންސުގެ މީހެއްގެގައިގައި ލޯބިން ބޮސްދީ ފިރުމުން ފަދަ ކަންތައް ކުރުން
ލޯކަށި
ނ (1) ލޮއިން ހަދައި ލަކުޑީގެ މުށްގަނޑެއްގައި އިންދައިފައިވާ ކައްޓެއް. މިއީ މުލިހިފަދަ ތަންތަން ތުއްވައި ދޮހާއި ނުބައި ލޭ ނެރުމަށް ބޭނުންކުރާ އެއްޗެކެވެ (2) )ސ ( ލޮލުގެ ތިރީ ކައިރިން އުފުލިފައި ހުންނަ ކަށިގަނޑު
ލޯކަންވާރު
ނ ލޮއިން ހަދައި ތައްޔާރުކުރާ ތަށިތެލި ދޮލަނގުފަދަ ތަކެތި
ލޯފެޅުން
މ (1) ޅަބުޅަލާއި މީދާފަދަ ތަކެތި ލޯހުޅުވި ފެންނަވަރުވުން (2) ލޯ އޮޕަރޭޝަން ކުރުން
ލޯޖަހައިގެން ބެލުން
މ ލޯވަޅަކުން ނުވަތަ ބާކޮޅަކުން ތަނެއްގެ އެތެރެ ބެލުމަށްޓަކައި އެފަދަ ތަނަކާ ލޯ ކައިރިކުރުން