radheef.info
ރަދީފު


ވައި
ނ (1) ދުނިޔޭގެ މައިގަނޑު ހަތަރުބައިގެ ތެރެއިން އެއްބައި އެއީ ގިނި ވެލި ވައި ފެން މިއެވެ. އޭގެ ވަސީލަތުން އިންސާނުންނާއި ދިރޭ ހުރިހައި ތަކެތި ނޭވާލާން ބޭނުންކުރާ މާއްދާ އުޑާއި ބިމާއި ދެމެދުގައި ހިނގާ ރޯޅިފަށް. (2) ހަށިގަނޑުގެ ތެރޭގައި ހިގާ މާއްދާއެއް މީގެ ސަބަބުން އެކި ކަހަލަ އުނދަގޫވެއެވެ
ގައިދޮށްވުން
މ ދުއްވައިފައިދާ އުޅަނދެއް މާބޮޑަށް ފަރާ ކައިރިވުން
ގައިޑުން
މ (1) ގާލްގައިޑުން (2) މީހުންނަށް ތަންތަން ދައްކައިދީ ކަންކަން އޮޅުންފިލުވައިދީ އެހީތެރިވުމަށް ޙަވާލުވެފައިވާ މީހުން
ގައުދުއްވާބަޑި
ނ އޮނުގަނޑެއްގެ ތެރެއަށް ގާކޮޅެއް ލައްވައިފައި ވޮއްޑުންޏެއްގެ ބާރުގައި ޖަހާބަޑިއެއް
ގަދަ
ނއ (1) ދުޅަހެއި (2) ވަރުގަދަ (3) ބާރު މަޖާޒު: (4) މޮޅު (5) ވިއްސާރަ (6) ވައިބާރު
ގަދަހަމާންތިކަން
ނ (1) ކަންގަތި ކޮލީގެ ނަމެއް (2) އިހުގައި ރާއްޖެތެރޭގެ ބައެއް މީހުނަށް ކޮލިލައްވައިފައި ދެއްވާ ޢިއްޒަތުގެ ނަމެއް
ގަދަކުރުން
މ (1) ފަރުވާދީ ފަސޭހަކުރުން (2) ބަލިތަނެއްގެ ބަލިކަން ކެނޑުވުން މިސާލު: ފުޅައް ބަލިވެފައިހުރީމާ ގަދަކުރަން މުޑިޖެހުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދެއްކުން (4) ތިމާގެބަސް އެހެން މީހުންގެ މައްޗަށް ހިންގުން (5) ތަނަކަށް ވެރިވެގަތުން (6) ވިއްސާރަވެ ވައިގަދަވުން
ގަދަކޮށްލުން
މ (1) ވަރުގަދަވާނެގޮތްހެދުން (2) ތަނަކަށް ވެރިވެގަނެގެން އުޅުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދައްކައިގެން ކަމެއް ކުރުވުން ނުވަތަ އެއްޗެއް އަތުލުން (4) ތަނަކަށް ވެރިވެގަތުން (5) މާބޮޑަށް ވިއްސާރަކޮށް ވައިގަދަވުން
ގަދަވުން
މ (1) ބަލިން ސަލާމަތްވުން (2) ކުޅޭބައެއް ކުޅިވަރުން މޮޅުވުން (3) ވަރުގަދަވުން (4) ވައިބާރުވުން މިސާލު: ވައިގަދަވުން (5) ކަނޑުބޮޑުވެ ރާޅުތައް އުފުލުން މިސާލު: ކަނޑު ގަދަވުން (6) ބައެއްކަންތައް ހުންނަންވީ ވަރަށްވުރެ މައްޗަށް ދިއުން މިސާލު: )ހ( ރުޅިގަދަވުން )ށ( ހުންގަދަވުން
ގަތްކޮޅުމަޅި
ނ މިޔަރުގަތުމުން ދޯނި ކައިރިއަށް ގެނެސްފައި ވާގަނޑަކުން ނަނުމެދަށް ލައިފައި ހަދާމަޅިއެއް މި މަޅި ހެދުމުގެ ބޭނުމަކީ މިޔަރުގެ ބޯ މަޅީގެ ތެރެޔަށް ލައްވައިގެން ގެނެސް މިޔަރުގެ ފީކަރުގައި ބައްދައިގެން ދޯންޏަށް ނެގުމެވެ
ގަލަސް
ނ (1) )ބދ ( ރަސްކަލުންގެ ރަސްމީ އިއްޒަތުގެ ހެދުންކޮޅުގެ ކޮނޑުމަތީގައި ލާބޮނދި އެލުވައިފައި ހުންނަ ފޮތިކޮޅު (2) )ހ ( ބިއްލޫރިތަށި
ގަޑާ
ނ ނާފަހަރުގެ ކުނބަށާއި ވައިރުތަކަށް މަހައިފައި ހުންނަ ވަށްބޮޅުތައް
ގަޑިފުރުން
މ ކިޔަވައިދޭ ތަނެއްގައި ދާއިމީ ވަޒީފާއެއް ނޫން ގޮތެއްގައި އެކިއެކި ގަޑިގަޑީގައި އެކިއެކި މާއްދާތައް ނުވަތަ ކަނޑައެޅިފައިވާ ވަކި މާއްދާއެއް ކިޔަވައި ދިނުން
ގާރީވެރިން
ނ (1) ހަތްޤިރާއަތުގެ ވެރިން (2) ކީރިތި ޤުރުޢާން ކިޔަވައިއުޅޭ ހަތްޤިރާއަތަށް ކިޔަވަން ދަންނަ މީހުން
ގާވަދު
ނ ގާކޮޅެއްގެ އެހީގައި ވަދުބުޅި އަޑިއަށްފައްތާ ވަދު މިވަދު ފައްތަނީ ގާކޮޅެއްގައި ފަންވަތް އަރިއެއް އައްސައިފައި ފަންވަތް އަރީގައި ބުޅިއަޅުވައިގެންނެވެ
ގިނިހިލަ
ނ (1) އަލިފާނުން ދޮންވެފައިވާ ހިލަ (2) ޖައްވުގެ ތެރޭގައި އުޅޭއެކި ކަހަލަ ހިލަކޮޅުތައް މިއެއްޗެހި ލޮލަށް ފެންނަގޮތްވަނީ ދުނިޔޭގެ ވައިގެ ފަށަލައިގައި ޖެހިރޯވުމުންނެވެ
ގިނިކަތުރު
ނ ނަރަކައިގެ އަހުލުވެރިންނަށް އަޒާބު ދެއްވުމަށް އަލިފާނުން ހައްދަވައިފައިވާ ކަތުރެއް
ގިނިވައިލެވުން
މ ކުޅިދިލަގޮތް ހުންނަވައި އަނގައިން ބޭރުވުން
ގިނިވައިގަތުން
މ (ބ) ހޫނުވައި ލެވޭގޮތްވުން
ގިރިޓީ
ނ (1) މަޢުދަނުން ހަދައިފައި ވާ އެއްޗެއްގެ ބޭރަށް ރަން ނުވަތަ ރިހި ބޭނުންކޮށްގެން އަރުވައިފައި ހުންނަ ކުލަ. (2) މަޖާޒު: ޙަޤީޤަތް ފޮރުވޭގޮތަށް ދައްކައިފައި ހުންނަ ދަޅަ ނުވަތަ ކުލަ
ގިރުނބާ
ނ ކަނބުރުވެރިންނާއި ތިލޭރުން އަލިފާން ރޯކޮށްފައި ބެހެއްޓުމަށްޓަކައި ވައިފޮނުވުމަށް ހަދައިފައިވާ އެއްޗެއް