radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ތުންދިގުހަނޑަސް
ނ ތުންމާދިގުކޮށް ހަދައިފައި ހުންނަހަނޑަހެއް މިއަށް "ތުންދިގު" މިހެންވެސްކިއައެވެ
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތުކި
ނ ކުށެއް ކުރެވުމުން ނުވަތަ ކުށްބަހެއް ބުނެވުމުން ބުނެއުޅޭ ބަހެއް ޢާއްމުގޮތެއްގައި މިހެން ބުނެއުޅެނީ ބައެއްކަހަލަ ކުޅިވަރުކުޅޭއިރު ކުށެއް ކުރެވުމުންނެވެ މިހެން ބުނެފިނަމަ ކުޅުންކުރިއަށް ގެންދެވިދާނެއެވެ
ތުއްރަވާސްގަސް
ނ އެއްތަނޑަކަށް ވަރަށް ދިގުކޮށް މައްޗަށް ހިމަކޮށް ތިރިޔަށް ފަލަކޮށް ހެދޭގަހެއް މިގަހުގެ ބޮޑެތި ފަތްތައް ހުންނަނީ ގަހުގެ ވަށައިގެން ބަރިބަރިއަށް ނުކުމެފައެވެ އެފަތުގެ ދެފަރާތުގައިވާ ކުދިފަތްތައް ހުންނަނީ ހިމަފޯލިތަކެއްހެންނެވެ
ތުވަމަހަ
ނ )ޏ ގ ( ހަންޖާ ވައްތަރު އެއަށްވުރެ މަސްގަނޑު ބޮޑުކޮށް ހުންނަ ފަރުމަހެއް
ތޫނބީ
ނ )ގ ( މީދާއަތުލުމަށް އުނބުންނުވަތަ ފަނުން ނުވަތަ ފަތުންހަދާ ހޮހަޅައެއް މިތަންހަދައިފައިހުންނީ ހަމައެކަނި ހޮހަޅައިގެ ތެރެއަށް މީދަލަށް ވަދެވޭވަރަށް ކުޑަތަންކޮޅެއް ބަހައްޓައި މަތިބަންދުކޮށްފައެވެ އެތެރެއަށް މީދާ ވަނުމުން މަތިން ދާޖަހައިގެން ހައްޔަރުކޮށް މީދާ އަތުލަނީއެވެ
ތެދަށްބެލުން
މ (1) މޫނުތެދަށް ބަހައްޓައިގެން ސީދާއަށްބެލުން (2) ޙަޤީޤަތަށް ބެލުން
ތެލުލިރިހާކުރު
ނ ރިހާކުރުގެ ތެރެއަށް މިރުހާއި ފިޔަޔާއި ހިކަނދިފަތާއި ރާނބާފަތާއި އިނގުރު އަޅައި ކުޑަތެޔޮފޮދެއްގައި ކައްކައިފައިހުންނަ ރިހާކުރު
ތެޔޮގުޅަ
ނ ގުޅަގުޅައަށް ހަދައިފައިހުންނަ ބޮޑުމަހުތެޔޮ
ތޭރި
ނ (1) ކުޑަދޮރުގެ ދެއޮޅި ދޭތެރޭގައި ލަކުޑިން ނުވަތަ ދަގަނޑުން ޖަހައިފައި ހުންނަ އެއްޗެހި. (2) ލަކުޑިން ހަދައިފައި ހުންނަ ބައެއް ތަކެތީގެ ދެފައިކޮޅު ދޭތެރެއަށް ލައްވައިފައި ހުންނަ ހިމަދިގު އެއްޗެހި. މި ވަށްކޮށާއި ހަތަރު އަރިއަށާއި ދިގުހަރު އަޅައިގެން ލިޔެފައިވެސް ހުރެއެވެ މިސާލު: )ހ( އަދަރާދަގޮނޑީގެ ތޭރި )ށ( އުނދޯލީގެ ފަޑީގައި ހުންނަތޭރި (3) ފަހާފޮށީގެ ބަރަނި އޮޅަން ހަދައިފައި ހުންނަ އެއްޗެއް (4) ސަރަކައިގެ ރޮދިއޮޅަން ހުންނަ ފޯލި (5) ފޭރާން ވިޔާއިރު އޮޅަން ހުންނައެތި
ތޮރުފިގަތުން
މ ތަނަކަށް ނުވަތަ ކަމެއްގެ ތެރެއަށް ވަދެގަތުމަށް ހުތުރުކޮށް ބުނާގޮތް
ތޮޅުން
މ (1) ދެކޮޅުވުން (2) އަރާރުންވުން (3) ހަނގުރާމަކުރުން (4) ހަށިގަނޑުގެ އެކިތަންތަން އަމިއްލައަށް ތެޅިލުން (5) ކުޑަކުދިން އެއްކުއްޖަކު އަނެއްކުއްޖަކާ ދެކޮޅުވުން ނުވަތަ ސަމާސާއަށް ގޮތްގޮތްހެދުން (6) ބަނޑުގައިވާ ދަރިފުޅު ޙަރަކާތްކުރުން
ތޮޅޭފާރު
ނ ރަށްރަށާއި ކިއްލާފަދަ ތަންތަން ދިފާޢުކުރުމަށް ލައިފައި ހުންނަފާރުގެ އެތެރޭގައި އެއަށްވުރެ ތިރިކޮށްލައިފައި ހުންނަފާރު މިފާރަކީ އޭގެމަތީގައި ތިބެގެން ހަނގުރާމަ ކުރުމަށް ބޭނުންކުރާ ފާރެކެވެ
ތޮއްވަރިއަށްވަނުން
މ މީހެއްގެ މާކައިރިއަށް އައިސް ހުއްޓުން
ތޮއްފިލާ
ނ އޮޑިދޯނިފަހަރުގެ އެތެރެފަރާތު ކައިރިފަށުގައި ހަފޮޅާ ޖައްސައިގެން އިންނަ ފަތްތަކުގެ މަތީގައި އެއްކޮޅުން އަނެއްކޮޅަށް އަޅާފިލައެއް މިއީ ފެތިގެން އަޑިއަށް ދިޔަނުދިއުމަށް )ރައްކަލަކަށް( އަޅާފިލައެކެވެ
ތޮފަޅާފެން
ނ ވާރޭވެހިގެން ތޮފަޅައަށް އެޅިފައި ހުންނަ ފެން
ލަނޑުދަނޑިއަށް ވާސިލުވުން
މަޖާޒު: އެމީހަކު ގަސްތުކުރި ކަމަކާ ހަމައަށް ދެވުން
ލަންކީ
ނ )ސ ( ދޮން ދޫނީގެ ބާވަތެއް މިއީ އަވިއްސަށްވުރެ ކުޑަ އެއަށްވުރެ ޙަރަކާތް އަވަސް އެއްޗެކެވެ
ލަކިބުރުއްސުން
މ އަނެކަކާ ދިމާޔަށް ނުރުހުމުގެ ބަސް ބުނެވޭފަދަ ފަރާތަކުން މީހަކާ ދިމާއަށް ނުރުހުމާއެކު ބާރަށް އެއްޗެހިގޮވުން
ލަކިޖެއްސުން
މ (1) ތެލަނގައާއި ގުޑިފަދަ އެއްޗެހި އެއްލައިފައި ހުންނަ އިރު އޭގައި ޖަހައިފައި ހުންނަވަލަށް ނުވަތަ ނަނަށް ހަދާގޮތަކުން އެއަށް ލަކިޖެހޭގޮތްވުން (2) ކުއްލިކުއްލިއަށް އެއްޗަކަށް ދެމުން