radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ތުނޑި
ނ (1) ރަށްރަށުގެ ކޮޅަށް ދެމިފައި އޮންނަ ދޮންވެލިގަނޑު (2) ރަށްރަށުގެ ގޮނޑުދޮށުން ރަށާ ގުޅިގެން ވޮޑިގެން ނިކުމެފައި ހުންނަތަންތަން
ތުނޑުލަށްވަނުން
މ (1) އުނދަގޫ ވާވަރަށް ގައިގޯޅިވުން (2) ތޮއްވަރިއަށް ވަނުން
ތުނޑުސުފުރާޔަށްއަތްހަމަވުން
ގބ މަޖާޒު: މަތީފެންވަރުގެ މީހުނާއެކު އުޅެވޭވަރަށް ތިމާގެ ފެންވަރު ހުރުން
ތުނި
ނއ (1) ބޯމިނުންއުނި (2) އެއްޗެއްގެ ދެފުށުގެ ދެމެދުގައި ހުންނަ ދުރުމިންކުޑަ (3) )ޏ ސ ( ދިޔާ (4) މަދު ނުވަތަ ކުރު މިސާލު: )ހ( މިހާރު އެތަނުން މީހުންގަނޑު ވަރަށް ތުނިވެއްޖެއެވެ )ށ( ބޮލުގެ އިސްތަށިގަނޑު ހާދަ ތުނިވެއްޖެއެވެ
ތުނިރޮށި
ނ ލޮނާއި ފެނާޖަހައިގެން ގޮދަންފުށް މޮޑެގެން ފިހެ މުރަނަކޮށްފައި ހުންނަ ވަރަށް ތުނި ރޮށްޓެއް
ތުންމަތި
ނ (1) އޮޑިދޯނި ފަހަރުގެ ދިރުނބާކޮޅުން މައްޔަލުން ބޭރަށް ދައްސޫރަ ދަމައިފައި ދައްސޫރަޔަށް ކަނިއަޅައިފައި ނަގާރިޔާ (2) ޖީބުރިޔާ (3) )ޏ ސ ( މެދުގޯތި ފިޔަވައި ގޯތި ތެރޭގައި އޮންނަތަން
ތުންފަތް
ނ (1) އަނގައިގެ މައްޗާއި ތިރީގެ ކައިރިފަށް (2) ފަރުޖުގެ ދެފަރާތުގެ ކައިރިފަށް (3) ތެލިތަށިފަދަ އެއްޗެހީގެ ބޭރަށް މަޅައިލައިފައި ހުންނަ މަތީކައިރި (4) ވަޅުވަޅާއި ފެންއަރުވާ ވަޑާމާއި ފާރުފާރު ފަދަ ތަންތާގެ މަތީކައިރިން ބޯކޮށްފައިހުންނަތަން
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތުންޑިޔާ
ނ (1) ދިރުނބާކޮޅު މައްޔަލުމަތިން ބޭރަށް ނުކުމެފައި އޮންނަބައި (2) އޮޑިފަހަރުގެ ތުންމަތިނަގަން މައިރިޔަލުގެ ތިރީކުރެވި ދަށުން ތުންމަތީގެ ފަސްކަނި އަޅަން ހުރަސްކުރާ ދަނޑި (3) )ސ ( ތުނޑި
ތުއްރަވާސްގަސް
ނ އެއްތަނޑަކަށް ވަރަށް ދިގުކޮށް މައްޗަށް ހިމަކޮށް ތިރިޔަށް ފަލަކޮށް ހެދޭގަހެއް މިގަހުގެ ބޮޑެތި ފަތްތައް ހުންނަނީ ގަހުގެ ވަށައިގެން ބަރިބަރިއަށް ނުކުމެފައެވެ އެފަތުގެ ދެފަރާތުގައިވާ ކުދިފަތްތައް ހުންނަނީ ހިމަފޯލިތަކެއްހެންނެވެ
ތޫނބީ
ނ )ގ ( މީދާއަތުލުމަށް އުނބުންނުވަތަ ފަނުން ނުވަތަ ފަތުންހަދާ ހޮހަޅައެއް މިތަންހަދައިފައިހުންނީ ހަމައެކަނި ހޮހަޅައިގެ ތެރެއަށް މީދަލަށް ވަދެވޭވަރަށް ކުޑަތަންކޮޅެއް ބަހައްޓައި މަތިބަންދުކޮށްފައެވެ އެތެރެއަށް މީދާ ވަނުމުން މަތިން ދާޖަހައިގެން ހައްޔަރުކޮށް މީދާ އަތުލަނީއެވެ
ތޫނުބޭސް
ނ ތޫނު ކަމުގެ އަސަރު ހުންނަ ޚާއްޞަ ބޭހެއް. މިބޭސް ބޭނުންކުރަނީ ހަށިގަނޑުގެ ބޭރަށް ޖެހޭ ބައެއް ބަލީގައި އުފެދިފައި ހުންނަ ނުބައި ތަންތަނާއި މަސްގަނޑު ގިރުވައިލުމަށާއި ބައެއް ތަންތަނުގެ މަސްކޮށައިލުމަށްޓަކައްޔާއި އެމަސްގަނޑު މަރައިލުމަށެވެ
ތޫފާން
ނ (1) ތަންތަނަށް ގެއްލުންދީ ޣަރަޤު ކޮށްލާވަރަށް ރާޅުއަރާ އެރުން (2) ކޯރުކޯރާއި ކަނޑުގެ ފެންގަނޑުމައްޗަށް އުފުލި ނުރައްކާތެރި ގޮތުގައި އެއްގަމަށް ފެތުރިގެންދާދިއުން (3) ގަސްގަސް މުލުންލައި ތަންތަން ހަލާކުވާވަރަށް ޖެހޭގަދަވައި (4) އާދަޔާޚިލާފަށް ބޯކޮށް ގިނައިރުވެހޭވާރޭ (5) މަޖާޒު: ޖެހޭބޮޑެތި މުޞީބާތް
ތެޅުވުން
މ (1) މީހަކު ގައިގައި މީހަކު ލައްވައި އެއްޗަކުން އެއްފަހަރަށްވުރެ ގިނަފަހަރު ޖެއްސުން (2) ހެލުވުން (3) މަޖާޒު: ގިނައިން ވާހަކަ ދެއްކުވުން
ތެމިފޯވުން
މ (1) އެކީއެކަށްތެމުން (2) ފެލައިލީމާ ތިކިތަޅާވަރަށް ތެމުން
ތެތަށްކެނޑުން
މ (1) ހިއްކައިގެން ކިރުވާ އެއްޗެހި ހުންނަންވާ ވަރަށް ހިކިފައި ނެތުމުގެ ސަބަބުން ހިކޭނެކަމަށް ލަފާކުރެވޭ ވަރު ބަރުދަނުން އުނިކުރުން (2) މަޖާޒު: ވާހަކަދެއްކީމާ އެއިން ދޮގަށްވާބައި ދޫކޮށްލުން
ތެލިގިރާފު
ނ އެކިއެކި ހިސާބަށް ދަމައިފައިހުންނަ ނަރަށް އިލެކްޓްރިކު ފޮނުވައިގެން ދުރުގައި ހުރިމީހަކަށް ވަކިކަހަލަ ނިޝާން ތަކަކުން މެސެޖު ފޮނުވައިދޭ ވަސީލަތް ނުވަތަ އެކަންކުރަން ގެންގުޅޭ މެޝިން
ތެޔޮޅުވާކުދިން
ނ (1) ތެޔޮއަޅުވާކުދިން މިކުދިންނަކީ ހިތިވިލޭރޭ ދަންމަރަށް ތެޔޮއަޅައި އަވަށުވެރިގޭގައި ޖެހޭ ކުދިކުދި މަސައްކަތްކުރާ ކުދިންނެވެ (2) މަޖާޒު: މަގުމަތީގައި ވީއްލިގެން އުޅޭކުދިން
ތެޔޮމަސް
ނ މާކަނޑުތަކުގައި ވަރަށް ފުނުގައި ދިރިއުޅޭ ވަރަށް ތެޔޮގިނަ މަހެއް. މިއީ ވަރަށް މަދުން ބޭނޭމަހެކެވެ މިމަހުގެ އަނގަވަރަށް ބޮޑުވާނެއެވެ އަނގައިގައި އެއްބަރިޔަށް ދަތްތަކެއް ހުންނާނެއެވެ މަހުގެ ބަނޑުދަށް ފަރާތުގައި އެހެނިހެން މަސްމަހާ ޚިލާފަށް ކުރަގަނޑެއް ހުރެއެވެ
ތެޔޮލީކޭން
ނ (1) ބޮޑު މާލޫދަށް ރަށްރަށުން އަންނަމީހުންނަށް އެމީހުންއައުމުން ކާންދޭ ފުރަތަމަކޭން (2) އަރާކޭން