radheef.info
ރަދީފު


ސ
އ ތާނައިގެ ސަތާރަ ވަނަ އަކުރު
ޚުޠުބާ
ނ ބައެއްނަމާދު ނުވަތަ ދީނީ ބައެއް މުނާސަބަތާ ގުޅިގެން އިއްވޭ ދީނީ ނަޞޭޙަތް މިސާލު: )ހ( ހުކުރު ޚުޠުބާ )ށ( ޢީދު ޚުޠުބާ )ނ( ކާވެނީގެ ޚުޠުބާ
ޚޮލިސާ
ނ (1) ބަޑި ރޯކުރަންގެންގުޅޭ އެތި މިއޮންނަނީ ފޫޓުބައި ނުވަތަ 3 ފޫޓު ހުންނަވަރުގެ ދަނޑި ބުރިއެއްގެ ކޮޅުގައި ކޮރު ދަނެއް ހަރުކޮށްފައެވެ (2) ފޮލިސާ
ޚޯންފޯސް
ނ ރަސްރަސްކަލުންނަށް ފަރީއްކޮޅު ތައްޔާރުކުރާއިރު މަލާފަތްކޮޅު ބަނދެފައި އޭގެމަތީގައި އަޅައިފައި އޮންނަ ފޮތިގަނޑެއް
ޝަހާދަތުގެ ދެކަލިމަ
ނ އަޝްހަދު އައްލާއިލާހަ އިއްލަﷲ ވައަޝްހަދު އަންނަ މުޙައްމަދައް ރަސޫލުއްﷲ
ޝަހާދަތް ކިޔައިއިސްލާންވުން
މ އިސްލާމް ވުމުގެ ނިޔަތުގައި ޝަހާދަތް ކިޔައި އިސްލާމްދީނަށް ވަނުން
ޝަހާދަތްގޮވުން
މ ލިބޭ ކުއްލި ސިހުމެއް ނުވަތަ ވޭނެއްގެ ސަބަބުން ޝަހާދަތުގެ ދެކަލިމަ އަޑުހަރުކޮށް ކިޔަމުން ގެންދިއުން
ޝަހީދަށްނުކުތުން
މ ދީނުގެ މަގުގައި ނުވަތަ ވަޒަނުގެ ޙައްޤުގައި މަރުވިޔަސް ހެޔޮ ކަމަށް ހަނގުރާމައަށް ދިއުން
ޝަހީދަށްއެރުން
މ )ބ ( މަސްއައިން ދަހިވެގެން ގޮސް އެންމެ ކުރު ދޮށްޓަށް އެރުން
ޝަހުވަތްތެރިކަން
ނއނ ޖިންސީ އެދުންވެރިކަން
ޝަހުވާނީ
ނއ ޖިންސީ
ޞަނާޢީ
ނއ (1) މަސައްކަތްތެރިކަމާ ބެހޭ (2) މަސައްކަތްތެރި
ޝަރަހަ
ނ އެއްޗެއްގެ މާނަ ސާފުކޮށް އޮޅުން ފިލުވައިދޭ ދިނުން
ޝަރަހަކުރުން
މ އެއްޗެއްގެ މާނަ ސާފުކޮށް އޮޅުން ފިލާގޮތަށް ބަޔާން ކުރުން
ޝަރަޚަކޮށްދިނުން
މ އެއްޗެއްގެ މާނަ ސާފުކޮށް އޮޅުން ފިލުވައިދިނުން
ޞަރީޙަ
ނ އޮޅުމެއްނެތި ވެފައިވާ ސާފު
ޞަރީޙަކަން
ނއނ އޮޅުމެއްނެތް ސާފުކަން
ޞަރީޙަވުން
މ އޮޅުމެއް ނާރާވަރަށް ސާފުވުން
ޢަރުޝި
ނ (1) މާތް ރަސްކަލާނގެ އަރުޝި ފުޅު (2) ތަޚުތު
ޠަބީޢަތް
ނ (1) އުފެދުމުގައި ލައްވައިފައިވާގޮތް މިސާލު: އަލިފާނުގެ ޠަބީޢަތް (2) މިޒާޖު (3) ޚަޞީލަތް (4) ފިޠުރަތު
ޤަބޫލު
ނއ (1) ރުހޭ (2) އެއްބަސްވާ (3) ހިތްކިޔާ (4) ހިތާވާ