radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ލާރިފެލާ
ނ )ސ.( ފަތްޕިލާވެލީގެ ބާވަތެއް. މީގެ ފަތުގެ ސިފަ ލާރީގެ ސިފައާ ވައްތަރުވާނެއެވެ. މިއީ ފެހިކުލަގަދަ ބިންމަތީ ލަހުން ފެތުރޭ ތިރި ވިނައެކެވެ
ލާބޮނބި
ނ )ޅ.( ތާންފިހި ތާންލައިފައި ތާން އެއްވަރުކުރަން ކާއްތާ ބުރުހެއް މިއީ ފޭރާންކުރާއިރު ބޭނުންކުރާ އެއްޗެކެވެ
ލާމަށި
ނ ގަނޑުގަނޑަށް ހުންނަ އަޅިކުލައިގެ އެއްޗެއް މިއީ ދިވެހި ބޭހަށް ބޭނުންކުރާ އެއްޗެކެވެ
ލާމި
ނ ލާމިގަހުގެ ކިރު މިހުންނަނީ ކުމުންޒާންޏާ ވައްތަރު ގޮތަކަށެވެ މިއީ ދިވެހި ބޭހުގެ ބާވަތެކެވެ
ލާދަން
ނ މީރުވަސް ދުވާ ބާވަތެއް އެއްކޮށްގެން މީރުވަސް ދުވާ ތެލެއްގައި ކައްކައި ތަތްކޮށްފައި ހުންނަ އެއްޗެއް މިއީ ދުންއެޅުމަށާއި ބޭހަށް ބޭނުންކުރާ އެއްޗެކެވެ
ލިތޯ
ނ ޗާޕުގެ ބާވަތެއް މިއީ ލިޔުންގަނޑު ހިލަޔަށް ކޮޕީކޮށްގެން ކުރާ ޗާޕެކެވެ
ލިޓަރު
ނ ދިޔާ އެއްޗެހި މިނުމުގެ މިންގަނޑެއް މިއީ މެޓްރިކް ސިސްޓަމުގެ މިންގަނޑެވެ މީގެ މިންވަރަކީ އެއްހާސް މިލި ލިޓަރު ނުވަތަ ދިހަ ޑެސިލިޓަރެވެ
ލިޢާނު
ނ ތިމާގެ އަނބިމީހާ ނުވަތަ ތިމާ ވަރިކުރި އަންހެން މީހާ ވިހޭ ދަރިފުޅު އެއީ ތިމާގެ ދަރިއެއް ނޫންކަމަށް ބުނެ ހަތަރުފަހަރު ތަކުރާރުކޮށް ކުރާ ހުވަޔާއި އަންހެންމީހާ އެ ދަރިފުޅަކީ އެދެމީހުންގެ ދަރިއެއްކަމަށް ބުނެ ކުރާހުވާ
ލީޕުއަހަރު
ނ ތިންސަތޭކަ ފަސްދޮޅަސް ހަދުވަސް ހަމަވާ އަހަރު މިއީ މީލާދީ ހަތަރު އަހަރުން އެއް އަހަރެވެ
ލުނބޯމޮޑުން
މ ލުނބޯ ކައްކައިގެން އެފެނާއެކު ލުނބޮއިން ބޯމަސާޖު ކުރުން މިއީ ބޮލުގެ ފަރުވާއަކަށް ކުރާ ކަމެކެވެ
ލުންގި
ނ ފިރިހެނުން އަންނަ ފޭރާމެއް މިއީ ކަޅުރަތްކުލައިގެ ފޮތި ގަނޑެއްގައި މަޑުރަތް ކުލައިގެ ފަލަރޮނގެއް ދަމައިފައި ހުންނަ ފޭރާމެކެވެ މީގައި ހުދުކުލައިގެ ހިރެއް ދަމައިފައި ހުރެއެވެ މިއީ އިހުގައި ގަނޑުވަރު ތެރޭގެ ފިރިހެން ބޭފުޅުން އަނދެ ވަޑައިގަންނަވާ އެއްޗެކެވެ
ލުއި
ނއ (1) ބަރުގެ އިދިކޮޅު (2) ވަޒަނުން މަދު (3) ބަލިންވާ ގަދަ (4) ބަރުދަނުން އުނި (5) ފަސޭހަ ކަމާއެކު ޙަރަކާތްކުރެވޭ މިސާލު: ހަށިގަނޑުލުއި (6) ހަރުކަށިނޫން މިސާލު: ލުއި ގަވާޢިދެއް (7) ފިކުރުތައް ކުޑަ މިސާލު: ބޮލަށްލުއި (8) ކިއުމުގައި ބާރުލުން ކުޑަ މިސާލު: ލުއިކޮށް ކިއުން (9) މަސައްކަތް ކުޑަ މިސާލު: އެއީ ވަރަށް މަސައްކަތް ލުއި ތަނެކެވެ
ލޫޅު
ނ (1) މުރަކައިގެ ބާވަތެއް މިއީ މުރަކައިގެ އެންމެ ބޮޑެތި ވައްތަރެވެ (2) ގަރަހިތަ (3) )ބ ( ވެންބޮޅު ނަގާއިރު ނެގޭ ވެންބޮޅަށްވުރެ ކުދި ފަންޏެއް (4) )އ ( ކުދި ބަރަވެލި
ލެބުރު
ނ ދޮންދޫނީގެ ބާވަތެއް. މިދޫނި އާދައިގެ ދޮންދޫންޏަށްވުރެ ތަންކޮޅެއް ބޮޑުވާނެއެވެ. މީގެ ފިޔައިގެ ފަހަތުކޮޅުގައި ކަޅުތަންކޮޅެއް ހުންނާނެއެވެ. މީގެ ދެވައްތަރެއް ހުރެއެވެ. އެއީ ރިހާކުރު ލެބުރާއި ފެންބަތް ލެބުރެވެ
ލެއިއެށާ
ނ )ސ ( ކުޑައަޑު މިއީ ބައެއް ޖަނަވާރުގެ ހަށިގަނޑުގެ ތެރޭގައި އޮންނަ ގުނަވަނެކެވެ
ލެއް
ނ ކުޅިވަރެއްގެ ނަން މިއީ ބިންމަތީގައި ދިގަށާއި ހުރަހަށް ރޮނގުތަކެއް އަޅައިގެން ކުޅޭ ކުޅިވަރެކެވެ މި ކުޅިވަރު ކުޅޭނީ ޢީދުތެރޭގައެވެ
ލެފުޓިނެންޓު ޖެނަރަލް
ނ ސިފައިންގެ އޮފިސަރެއް. މިއީ މޭޖަރ ޖެނެރަލަށްވުރެ މަތީ ޖެނެރަލަށްވުރެ ދަށުމަޤާމެކެވެ
ލޭންޑްރޯވަރު
ނ އެއްގަމުގައި ދުއްވާ އިންޖީނުލީ އެއްޗެއް. މިއީ ޚާއްޞަކޮށް އާރމީން ބޭނުންކުރާ ވެހިކަލެކެވެ
ލޮނދިވަކަ
ނ ވަކައިގެ ދަނޑިޔާ އެންމެ ކައިރިއަށް ހުންނަ ތުނި ފަށް މިއީ ކުނާ ވިޔުމަށާއި ހިމަނަނު އެޅުމަށް ބޭނުންކުރާ އެއްޗެކެވެ
ލޮނު
ނ (1) ކަނޑުފެން. (2) ކަނޑުފެނުގައި ހުންނަ ފެނުގެ ބައި ހިނދިގެން ފުއްފުކަށްވެފައި ހުންނަ ބަޔަށް ކިޔާނަން. މިއީ ކާބޯ ތަކެތީގައި ލޮނުރަހަ ލެއްވުމަށާއި ކާއެއްޗެހި ގިނަދުވަހު ހުންނަ ގޮތަށް ރައްކާ ކުރުމަށް އަޅާ އެއްޗެކެވެ