radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ފަނިކަސް
ނ ކުޑަކުދިންގެ އަތްތިލައިގެ ދެހަން ދޭތެރޭގައި އުފެދޭ ކަހެއް މިކަހުގައި ހުދުކުލައިގެ ފަންޏެއްވެސް ހުރެއެވެ މިކަހަށް ފަރުވާ ނުލިބި ގިނަދުވަސް ވެއްޖެނަމަ މުޅި ގައިންވެސް ނަގާގޮތް ވެއެވެ
ފަނިފަކުސަ
ނ އެއްގަމުގައި އުޅޭ ފުރާނައެޅުއްވި ތަކެތީގެތެރެއިން އޮހޮރޭ ލޭ ނުހުންނަ ކުދިކުދި އެއްޗެހި
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަނޯތްގޮވުން
މ ފަންކުޅޭއިރު އިދިކޮޅުބައިގެ މީހަކަށް އަތުނުވެގޮސް ފަނަކަށް ހުންނަމީހާ ގައިގައި ނުވަތަ ބަހައްޓައިފައި ހުރި އެތީގައި އަތްލައިފައި "ފަނޯތް" މިހެން ގޮވާލުން މިހެންވުމުން ފަނޯތް ގޮވި ބަޔަކަށް ޕޮއިންޓެއް ލިބުނީއެވެ
ފަންކުރަފި
ނ )ކަންފަތުއުނގުރި( ހިމަދިގު ފާޑަށް އިންޗިއެއްހައި ދިގުމިނުގައި ހުންނަ ހިކިފަން ކުލައިގެ ކުރަތްޕެއް. މިކަހަލަ ކުރަފި ވަރަށް ގިނައިން ކަންފަތަށް ވަދެއެވެ
ފަންކޯރިބަނުން
މ ފުރާޅުގެ ތެރެއިން މައްޗަށް އަރައިފައި ހުންނަ ގަސްގަހާއި ވަސްމުޑި ފަދަ އެއްޗެހީގައި ބިންފަތްގަނޑެއްގެ ހުނގުލު ރޯނުން ތިރި ފުރާޅުމަތީގައި ޖެހޭނެހެން އެފަންގަނޑެއް އެއެއްޗެއްގެ ވަށައިގެން ބާރަށް އޮޅާ އެއްސުން
ފަންވަތުޖެހުން
މ ސަރުކާރުން ނުވަތަ ރަށްރަށުގެ ވެރިންގެ ފަރާތުން އެކި ކަންކަމަށް ރައްޔިތުންގެ ތެރެއިން މީހުން ހޮވުން. މިއީ އިހުގައި އެކި ކަންކަމަށް ނުވަތަ އެކި ތަންތަނަށް ދާންޖެހޭ މީހުންގެ ލިސްޓުތައް ލިޔާއިރު އެއިން ލިސްޓެއްގައި މީހާގެ ނަން ލިއުމަށް ބުނެއުޅުނު ބަހެކެވެ
ފަންތޮށިދަޅު
ނ ތާރުކު ފަންތޮށިން ހަދައިފައި ހުންނަދަޅު. މީގައި ހުންނަނީ ލާޖަހައިފައެވެ. މިއީ އިހުގައި އިންޑިޔާއިން ގެންނަ ދަޅެކެވެ. ގިނައިން ހުންނަނީ ދެފަށް ލާޖަހައި ކުރަހައިފައެވެ
ފަންގިފިލާ
ނ (1) ގޭގޭގެ ހުރަސް ވަކަރުމަތީ ފިލާއަޅައި އެއްޗެހި ބެހެއްޓޭގޮތަށް ހަދައިފައިވާ ތަން. (2) މަތީބުރީގައި އުޅެވޭގޮތަށް އުސްކޮށް ރާނައިފައި ހުންނަ ގޭގޭގެ މަތީބުރީގައި އުޅޭ މީހުން ހިނގާ ބިނގާވާތަން. (3) ދެވަނަ ނަމްބަރުގައި ބުނެފައިވާ ތަންތަނުގެ ދަށުގައްޔާއި ފުރާޅު ނިވާކުރުމަށް ފުރާޅުދަށުގައި ލަކުޑިން ނުވަތަ ސިމެންތި ފިލައިން ނުވަތަ އެނޫންވެސް އެއްޗަކުން ޖަހާނިވައި
ފަންގޮވި
ނ ދިރޭ އެއްޗެއް. މިއީ މަޑުފިޔާތޮށި ކުލައިގައި އޮއްޓުދެފައި ހުންނަ ފުމޭ އެއްޗެކެވެ. މިގިނައިން އުޅޭނީ ދަރު ފަން ފަދަ އެއްޗެހި ހުންނަ ތަންތާނގައެވެ
ފަންޑިތަފޮތި
ނ ރަތްތަގައްލާފޮތި. މިއީ ދިވެހީން އިހުޒަމާނުގައި ފަންޑިތަ ހަދައި އުޅުމަށް ވަރަށް ގިނައިން ބޭނުންކޮށް އުޅުނު ފޮއްޗެކެވެ. މިއީ އާދައިގެ ފޮއްޗަށް ވުރެބޯ ރަތްކުލައިގެ ފޮއްޗެކެވެ މިފޮއްޗަށް ބައެއް މީހުން ތަގައްލާ ފޮއްޗޭވެސް ކިޔައެވެ
ގެދަބުޅި
ނ ގިނައިންދުންއަރާ ތަންތާގައި އުފެދިފައި ހުންނަ ކަޅުކުލައިގެ ހިމުން އެއްޗެއް
ގެދޮރުހެދުން
މ އިންސާނުން ދިރިއުޅުމަށްޓަކައި ހަދާތަން ތަންހެދުން
ގެލަން
ނ ދިޔާ އެއްޗެހި މިނަން ބޭނުންކުރާ މިނެއް މިއީ 132 ކޮޑި އިންޗީގެ މިންވަރެވެ
ގޭއިންނާމީހެ
ނ )ގ ( (1) ގޭގައި އިންނަ އަންހެން މީހާ (2) އަނބިމީހާ
ގޭސް
ނ (1) އާވި (2) އޮށްޓަރު އެއްޗަކަށް ނުވަތަ ދިޔާ އެއްޗަކަށް ނުވާ ގޮތަށް ހުންނަ ވަކިކަހަލަ އެއްޗެއް )އާދައިގެ ވައިގެ ތެރޭގައި ތަފާތު ގޭސްތައް ހިމެނެއެވެ ( މިސާލު: )ހ( އޮކްސިޖަން )ށ( ހައިޑްރިޖަން (3) ކެއްކުމަށާއި ދިއްލުމަށާއި ހޫނުކުރުމަށް އަލިފާން ރޯކުރުމުގެ ވަސީލަތެއްގެ ގޮތުން ބޭނުންކުރާ ދިޔާކޮށް ހުންނަ މާއްދާއެއް (4) އެއެއްޗެއް ދޫކޮށްލި ތަނަކަށް އެކަށް ފެތުރިގެން ދާހާ ހަލުއިކަން ލިބިގެންވާ ޒައްރާ )އެޓަމް( ތަކަކުން އެކުލެވިފައިވާ މާއްދާއެއް (5) އެކި ކަހަލަ މައުދަންތައް ހުންނަ ވަޅުވަޅުގައި އުފެދޭ ހުޅުހިފާގޮތް ހުންނަ ނުވަތަ އިންސާނުންގެ އެތެރެ ހަށްޓަށް ދިއުމުން ނުވަތަ ހަމުގައި ޖެހުމުން ވިހަވާ ވައި ކަހަލަ އެއްޗެއް (6) އިންސާނާގެ ހަށިގަނޑުގެ ތެރޭގައި އުފެދޭވައި
ގޮހޮރު
ނ (1) އިންސާނާ ކާއެއްޗެހި ހަޖަމުކުރުމަށް އެހީވެދީ އަދި ހަޖަމު ވެގެންގޮސް ބޮޑުކަމުދާ ދޮރާއި ގުޅައިދޭ ދިގުހޮޅިއެއް (2) މަޖާޒު: ދަރިއަށަގަންނަ ގުނަން
ސައްޕުޖެހުން
މ (1) ބޮނޑި ނުވަތަ ބަށިކުޅޭ އިރު ބާރަފޯލި ހަމަކޮށްފައި ޖަހާ ފޯލިޖެހުން (2) ފުޓްބޯޅަ ކުޅޭއިރު ގޯލުގައި ހުންނަމީހާ ބޯޅައަތުން ނަގައި ފައިން ޖަހައި ދުރަށް ފޮނުވައިލުން (3) މަޖާޒު: ސަމާސާގެ ގޮތުން ފޫކޮޅުގައި ކޮޅުފައިން އެތިފަހަރެއް ޖެހުން
ސަވާރު
ނ އަސް ނުވަތަ ޖަމަލު ފަދަ އެއްޗަކަށް އަރައި އިންނަމީހާ
ސަމޭދާން
ނ އުއްބައްތި ޖަހަން ލޮއިން ހަދައިފައި ހުންނަ އެއްޗެއް. މި ހުންނަނީ ތިންފައިޖެހި ވަށްފުލެއްގައި ތަނޑެއް ހަރުކޮށް އޭގެ ކޮޅުގައި އުއްބައްތި ޖަހާގޮތަށް ހަދައިފައެވެ