radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ތާކިހާ
ނ ބޯނިވާކުރުމަށް ބޮލަށް ފައްތާ ގޮތަށް ނިތްގަނޑެއް ނެތިހުންނައެއްޗެއް. މި ފޮއްޗާއި ކެހެރިއާއި ރޮދިފަދަ ތަކެތިން ތަފާތު ސިފަސިފައަށް ހަދައިފައި ހުރެއެވެ
ތާމޯމީޓަރ
ނ (1) ފިނިހޫނުމިނުގެ ދަރަޖަ ބަލަން ގެންގުޅޭ އާލަތެއް އާދައިގެ ގޮތެއްގައި މިހަދައިފައި ހުންނަނީ ހިމަބިއްލޫރި ހޮޅިއެއްގެ ގޮތަށެވެ އެތެރެއަށް ދިރޭރަހަ ނުވަތަ ކުލަ ޖައްސައިފައިހުންނަ އަލްކޮހޮލް އަޅައިގެންނެވެ އޭގައި ނުވަތަ އެހަރުކޮށްފައިވާ އެއްޗެއް ގައި ފާހަގަތަކެއްލައި ހިސާބު ޢަދަދުތަކެއް ޖަހައިފައިހުރެއެވެ (2) ހުންބަލާ ކަށިގަނޑު
ތިނައަރިފީރު
ނ ތިންދާރައަށް ހުންނަ ފީރު
ތިނެސްކަން
ނ (1) ތިންއަރިއަށް ހުންނައެތި (2) ތިންކަން (3) ސާޅީސްފަސް ދަރަޖަ ނުވަތަ ތިރީސް ދަރަޖައާއި 06 ދަރަޖައަށްވާގޮތަށް ހަދައިފައިވާ ފަތިގަނޑު މިއީހިސާބުގެ ކަންކަމުގައި ގެންގުޅޭ އެއްޗެކެވެ
ތިނޯސްހުއި
ނ )ގ.( (1) ދަނޑުމަތީގައި ހުންނަ ވަރަށް ފަތްކުދި ވިނައެއް. މީގެ ފަތްތައް ހުންނާނީ ހަރުކޮށް ތޫނުކޮށެވެ. ފައިން އެރުނީމާ ތަދުވާގޮތް ހުންނާނެއެވެ. (2) މޫދުގައިއުޅޭ ވަށްކޮށް ތިނޯސް ތަކެއްނުކުމެފައި ހުންނަގޮތަށް ހުންނަ އެއްޗެއް މިއަށް ފައިންއެރުނީމާ ފަޔަށް ހެރޭނެއެވެ ބިންދަ ބިންދައިގެންވެސް ދާނެއެވެ ހެރިފައި އެތިކޮޅެއް ހުރެއްޖެނަމަ ވަރަށް ރިއްސާނެއެވެ އެނެގުމަށްފަހު ކަމަކަށްނުވެ ރަނގަޅުވެއެވެ މިއަށް ތިނޯސް ބެރުވެސް ކިޔައެވެ
ތިންހަމަ
ނ ކުޅޭ ކުޅިވަރެއް. ތިންހަމައިގެ ހުންނަނީ ދެވައްތަރެކެވެ. އެއް ވައްތަރަށް ކިޔަނީ ބަބުރު ތިންހަމައެވެ. އެއީ އާދައިގެ ތިންހަމައެވެ. އަނެއް ވައްތަރަކަށް ކިޔަނީ ވަގު ތިންހަމައެވެ. މިތިންހަމައަށް ފުއްކާ ތިންހަމައޭވެސް ކިޔައެވެ
ތިންބުރިކޯއްޓޭ
ނ އިހުގައި ތިންބުރި ގުޅައިގެން ކާލިގަނޑުލައިފައި ހަދައިފައި ހުންނަ ކޯއްޓޭއެއް )ދިދަ ދަނޑިއެއް( މިކޯއްޓޭގައި ހުންނާނީ ދަނޑިމަތި އަނބުރައިފައެވެ މިކޯއްޓޭ އެހެން ކޯއްޓޭއަށްވުރެ ކުޑަވާނެއެވެ މިކޯއްޓޭ ނަގައިފައި ހުންނަނީ ނާބުސްޚާނުގެ އިރުމަތީން ފާރުމަތީގައެވެ
ތިންވަނަދުނިޔެ
ނ (1) ޚާއްޞަކޮށް އެފްރިކާއަށް ޢާއްމުކޮށް ފަޤީރު ޤައުމުތަކަށް ނިސްބަތްކޮށް ބުނެއުޅޭ ބަހެއް (2) އެންމެ ކުޑަކޮށް ތަރައްޤީ ވެފައިވާ ޤައުމުތަކާމެދު ބުނެއުޅޭ ބަހެއް
ތިންމަހުރޯދަ
ނ ރަޖަބުމަހާއި ޝަޢުބާންމަހު ހިފުން ސުންނަތްވެގެންވާ ރޯދަ. މިރޯދައަށް ތިންމަހު ރޯދަކިޔަނީ ރަމަޟާންމަހާއި ގުޅިގެން ކުރިޔަށް މިދެމަސް ވިދިގެން އަންނާތީއެވެ
ތިންމައިގަނޑުވިޔަ
ނ ގުނަކޮށް ގެއްލައިގެން ހަދާ ހިސާބެއް މިސާލު: ތިންލާރިއަށް ދެމިރުސް ދެންޏާ އަށްލާރިއަށްވާނީ ކިތައް މިރުސްތޯ ބެލުމަށް ކުރާ ހިސާބު
ތިރިކުރުން
މ (1) މަތިކުރުމުގެ އިދިކޮޅު (2) ނަގައިފައި ހުރިއެއްޗެއް ބޭލުން މިސާލު: )ހ( ދިދަ ތިރިކުރުން )ށ( ރިޔާތިރިކުރުން (3) އުސްކަން ކުޑަކުރުން މިސާލު: ފާރުތިރިކުރުން (4) ސޭލާއަކުން އުފުލައިފައި ހިފަހައްޓައިފައިހުރި އެއްޗެއް ބިމަށް ނުވަތަ ބޯޓު ތެރެއަށް ގެނައުން (5) އުފުލަިއފައި ހުރި އެއްޗެއް ވައްޓައިލުން މިސާލު: ފަރުދާ ތިރިކުރުން (6) މަޖާޒު: މަތީ މަޤާމުގައި ހުރި މީހަކު ދަށަށް ޖެއްސުން
ތިރީކައިރި
ނ ބޯވަޅުއެޅި ލިބާހުގެ ވަށްބަގިޔާގެ މަތީގައި ކަސަބުން ގަތައިފައި އަޅާފަށް މިފަށް ވަށްބަގިޔާއަށްވުރެ ފުޅާވާނެއެވެ ތިރީކައިރިޔަކީ ބޯވަޅުގައި އޮންނަ އެންމެ ފުޅާ ކަސަބުގަނޑެވެ
)މުސްކުޅިބަހެއް( އެމީހެއްގެ ދަރިއަކު ނުވަތަ ނުވަތަ އެމީހަކު ލޯބިވާ މީހަކު ކިތަންމެ ވިޔާނުދާ ކަމެއް ކުރިކަމުގައިވިޔަސް އެކުރީ ވިޔާނުދާކަމެއް ކަމަށް އެމީހާއެއް ނުދެކޭނެ ކަމާ އަދި އޭނާގަބޫލުކުރާ ގޮތުން އޭނާގެ ދަރިއެއް އެފަދަ ވިޔާނުދާކަމެއް ނުކުރާނެކަން ބަޔާންކުރުމަށް ބުނެއުޅޭބަހެއް ތިމާގެ ދަރި ތިމާއަށް ދޮންފުތު ވާނެއެވެ
ތިލަލީބަޑި
ނ ބަޑީގެ ކުރިއަށް ތިލަޖަހައިފައި ހުންނަބަޑި
ތުނބަށްއަތްދީގެންއިނުން
ގބ މަޖާޒު: ޙައިރާންވެ ފިކުރު ބޮޑުވެގެން ދަތްދޮޅީގައި އަތްވިއްދައިގެން އިނގިލިތައް ތުންފަތާ ދިމާއަށް ބަހައްޓައިގެން އިނުމަށް ބުނެއުޅޭބަހެއް
ތުނބި
ނ ކަޅުކުލައިގައި ހުންނަ ފަރުމަހެއް މިއީކަނޑުކާޅާވައްތަރުގޮތަކަށް އެއަށްވުރެ ތުންދިގުކޮށް ހުންނަމަހެކެވެ
ތުނޑު
ނ (1) ތިނޯހުގެ ކުރި (2) ތުނޑުކަށީގެ ކުރި (3) މަސްބާނާބުޅިފަދަ އެއްޗެހީގެ ހިމަކޮޅު (4) ގަލަމާއި ފަންސުރުފަދަ ތަކެތީގެ ލިޔަން ޖައްސާތަން (5) ފައިދަށު ކޮޅުފިލައިގައި އަޅައިފައި ހުންނަ ތުނޑުބައިގެކޮޅު (6) އަފުނޯސް ކަށީގެ ކުރި (7) ވަޅިއާއި ފިޔޮހިފަދަ އެއްޗެހީގެ ކުރި (8) ކުރިއަށް ހިމަކޮށް ހުންނަ ކޮންމެ އެއްޗެއްގެކޮޅު
ތުނޑުލަށްވަނުން
މ (1) އުނދަގޫ ވާވަރަށް ގައިގޯޅިވުން (2) ތޮއްވަރިއަށް ވަނުން
ތުންބުރިކާޅަށްވެސް ކާންލިބޭދުވަސް
މަޖާޒު: ރަބީޢުލް އައްވަލްމަހުގެ ބާރަ ދުވަހާއި ދެއީދު ދެދުވަހާއި ބޮޑު މާލޫދު ދުވަސް ފަދަ ރަށުގައި ޢާއްމުކޮށް ގިނައިން ކައްކައި އުޅޭ ދުވަސްދުވަހު އެންމެ ނިކަމެތި މީހާއަށްވެސް ކާން ލިބޭނެކަން އެންގުމުގެ ގޮތުން ބުނެއުޅޭ ބަހެއް
ތުންބެއްދުން
މ (1) އެކިއެކި އެއްޗެހީގެ ތުނބުން ވައިނުހިނގާ ގޮތްހެދުން (2) މަޖާޒު: ވާހަކަ ނުދައްކައި އިނުން (3) ބައެއްކަހަލަ ހެދިކާ ހަދާއިރު ފުށްގަނޑުގެ ތެރެއަށް އަޅަންވާ އެއްޗެއް އަޅައިފައި ފުށްގަނޑުގެ ދެކައިރި ޖައްސައި ބާރުކުރުން (4) މައުދަނުން ހަދާ ބޮޅުފަދަ ތަކެތީގެ ދެކޮޅު ޖައްސައި ގުޅުވުން