radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
ތަގުޑި
ނ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުވެރިން ޖަހާބެރެއް މިއީ އެރަސްމިއްޔާތު ނިމުނީކަން އެންގުމަށް ޖަހާބެރެކެވެ
ތަގުޑިޖެހުން
މ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުދުންމާރި ތާޅަފިލިވެރިން ފާރަވެރީންގެ ދޮރޯށީގެ ބޭރުގައި ތިބެގެން ޖަހާ ބެރުޖެހުން
ތަޢުޒީރު
ނ ކުށެއްގެ އަދަބެއްގެ ގޮތުން ޙައްދަކަށް ވުރެ މައްޗަށް ނުދާ ވަރަށް ދުއްރައިން ތަޅާތެޅުން
ތަޢުޒީރުކުރުން
މ ކުށެއްގެ އަދަބެއްގެ ގޮތުން ޙައްދަކަށްވުރެ މައްޗަށް ނުދާވަރަށް ދުއްރައިން ތެޅުން
ތާށިވުން
މ (1) ދެއެއްޗެއްގެ ދެމެދުގައި ނުވަތަ ހަނިދޭތެރެއެއްގައި ނުނިކުމެވޭގޮތަށް ދަތިވުން މަޖާޒު: (2) މައްސަލައެއްގައި ބެދުން (3) މަސައްކަތެއްގައި އެކަމުން ދުރަށް ނުދެވޭގޮތަށް ހުންނަން ދިމާވުން
ތާންދޮވުން
މ އާފޭރާން ނުވަތަ އާފޮތި ފުރަތަމަ ފަހަރަށް ދޮވުން
ތިނޯސްހުއި
ނ )ގ.( (1) ދަނޑުމަތީގައި ހުންނަ ވަރަށް ފަތްކުދި ވިނައެއް. މީގެ ފަތްތައް ހުންނާނީ ހަރުކޮށް ތޫނުކޮށެވެ. ފައިން އެރުނީމާ ތަދުވާގޮތް ހުންނާނެއެވެ. (2) މޫދުގައިއުޅޭ ވަށްކޮށް ތިނޯސް ތަކެއްނުކުމެފައި ހުންނަގޮތަށް ހުންނަ އެއްޗެއް މިއަށް ފައިންއެރުނީމާ ފަޔަށް ހެރޭނެއެވެ ބިންދަ ބިންދައިގެންވެސް ދާނެއެވެ ހެރިފައި އެތިކޮޅެއް ހުރެއްޖެނަމަ ވަރަށް ރިއްސާނެއެވެ އެނެގުމަށްފަހު ކަމަކަށްނުވެ ރަނގަޅުވެއެވެ މިއަށް ތިނޯސް ބެރުވެސް ކިޔައެވެ
ތިނޯސްވިދެލުން
މކ މާކެޔޮޅުކަމުގައި މިޔަރަށް މަޑަޖެހުން
ތިނޯސްދޫނި
ނ ތިނޯހާވައްތަރުގޮތަކަށް ދޫނީގެ ހަށިގަނޑުހުންނަ ވަރަށްކުޑަ ހިމަދޫންޏެއް
ތިންހަމަ
ނ ކުޅޭ ކުޅިވަރެއް. ތިންހަމައިގެ ހުންނަނީ ދެވައްތަރެކެވެ. އެއް ވައްތަރަށް ކިޔަނީ ބަބުރު ތިންހަމައެވެ. އެއީ އާދައިގެ ތިންހަމައެވެ. އަނެއް ވައްތަރަކަށް ކިޔަނީ ވަގު ތިންހަމައެވެ. މިތިންހަމައަށް ފުއްކާ ތިންހަމައޭވެސް ކިޔައެވެ
ތިންރިޔަލާއި ފެހުރު ނަގައިފައި ދިއުން
)މިސާލުބަހެއް( މީހަކު މާބާރަށް ހިނގައިފައި ދާތަން ފެނުމުން ބުނެއުޅޭ ބަހެއް
ތިންފަށްވުން
މ (1) އަންހެނަކު ވިދިވިދިގެން ތިންފަހަރު އެކަކާ އިނދެތިންފަހަރަށް ވަރިވުން (2) އަންހެނަކު ތިންފަށް ވަރިޔަކުން ވަރިވުން
ތިރިތިރިން
ކއ (1) ބިމާދާދިކައިރިން (2) ވަރަށް ތިރިން
ތިމަރަ
ނ (1) ޓިނާއި ޖަސްތުފަދަ ތަކެތިން ހަދާތަކެތި ބެއްދުމަށް ގެންގުޅޭ މަޢުދަނީއެއްޗެއް މިއަލިފާނުން ވިރޭނެއެވެ މިއީ ފެނުބާރު ހިފާވަރަށްވުރެ ބަރުއެއްޗެކެވެ (2) އުރަވަޅީގައި ނަގާބައްޔެއް
ތިމަރައެޅުން
މ އުރަވަޅީގައި ތިމަރައުފެދުން މިބަލި ޖެހުނީމާ ވަރަށްބޮޑަށް ހަންގަނޑު ކުރަކިވެ ކަހައި ހިރުވާނެއެވެ
ތިލަބޭރު
ނ )ހ ( ރަށްރަށާއި ފަރުފަރުގެ ބޭރުމަތީގެ އެންމެ ތިލަ ހިސާބު
ތިލަގަނޑު
ނ މަސްދޯނިފަހަރަށް ހައްސަ ބޭވުނީމާ އޮޑީގެ ދިރުނބާކޮޅުގައި ޖަހާއެތިގަނޑެއް ގިނަފަހަރު މިގޮތަށް ޖަހައި އުޅޭނީ ފެންފުޅަތްޕެވެ
ތިލަގަނޑުޖެހުން
މ ހައްސަ ބޭވުނުކަން އެންގުމުގެ ގޮތުން މަސްދޯނި ފަހަރުގެ ދިރުނބާކޮޅުގައި ދުރަށް ފެންނާނެހެން އެއްޗެއް ހަރުކުރުން
ތިލެޔޮކޯޅި
ނ ރާރުހިފަތާ ވައްތަރަށް ފަތްހުންނަ ކުޑަގަހެއް މިއީބޭހަށް ބޭނުންކުރާ އެއްޗެކެވެ
ތުނބަހަނދި
ނ ހަނދީގެ ބާވަތެއް މިއީ ހަނދީގެ ގިނަބާވަތް ތަކަށްވުރެ ބޮޑުކޮށް ފަތިކޮށް ހުންނަ ހަންޖެކެވެ މިހަނދީގެ ތުނބުގައި ބޯ ހަންފަށެއްހުރެއެވެ މިހަނދީގެ ކުލައަކީ ރިހިއަޅިކުލައެވެ މިބާވަތުގެ ހަނދީގައި ހުންނާނީ ފަނޑު ފެހިކުލައަކަށްދާ ކުލައެކެވެ ދެއަރިމަތީގައި ގަދަރީނދޫކުލައިގެ ލައްތަކެއް ވަރަށް ފައުޅުކޮށް ފެންނަންހުރެއެވެ