radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ސިލުނބު
ނ ގުޑުގުޑާއިން ދުންބޯއިރު ދުންފަތް އެޅުމަށްޓަކައި މުށިން ހަދައިފައި ހުންނަ އެއްޗެއް މި ހުންނަނީ އަބުނައިގެ ކޮޅުގައި ހުންނަ ސަދަބަށް ޖެހޭގޮތަށެވެ
ސިލޭހަ
ނ ލޮންސިއާ އެއްވައްތަރަށް ހަދައިފައި ހުންނަ ހަތިޔާރެއް
ސިޓީއުރަ
ނ ސިޓީފަދަ ތަކެތި ލުމަށް ހަދައިފައި ހުންނަ އުރަ
ސިޙުރުވެރިން
ނ ސިހުރު ހަދައިއުޅޭ މީހުން
ސީނުކުކުޅު
ނ (1) އާދައިގެ ކުކުޅަށްވުރެ ބޮޑެތިކޮށް ކަރުގައި ފަތްނެތި ގައިގެ ފަތްތަކުގައި ކަޅުކުލައާއި ހުދުކުލައިން ޑިންޑިންކޮވެލި ގޮތަށް ތިކި ޖަހައިފައި ހުންނަ ކަރުހިމަ ދިގު ކުކުޅެއް (2) ނާށިގަނޑު ކުކުޅު
ސީނުދަތި
ނ މީދާ ހިފުމަށް ހަދައިފައި ހުންނަ ދަގަނޑު ދައްޗެއް މި ހުންނާނީ ފުއްކަނޑައިފައި ހުންނަ ދެފަޅީގެ ދެމެދުގައި މީދާ ތިއްބޭ ގޮތަށެވެ
ސީވޭލް
ނ މަސްދޯނިފަހަރުގެ އިންޖީނުގައި ލޮނު އެތެރެއަށް ވައްދައި ބޭރުކުރުމަށް ހުންނައެތި
ސުންނިއުރަ
ނ ޖިމާއުވާއިރު ދަރިމައިވިޔަ ނުދިނުމަށް ޒަކަރަށް ލައްވަން ހަދައިފައި ހުންނަ ތުނި ދުލިފަށެއް ކަހަލަ ރަބަރުއުރަ
ސުއިޗު
ނ ކަރަންޓް ގުޅުވައިދީ ކަނޑައި ދިނުމަށް ހަދައިފައި ހުންނަ އެއްޗެއް
ސުވާ
ނ (1) ކުޅޭ ކުޅިވަރެއްގައި ބޭނުން ކުރާ ބޯޅައެއް ކަހަލަ އެއްޗެއް މިއީ ފޮތިން ހަދައިފައި ކައިވަތެއް ހުންނަވަރުގެ ފަށެއް ލައިފައި އޮންނަ ބޯޅައެކެވެ (2) ސުވާ ބޭނުން ކޮށްގެން ކުޅޭ ކުޅިވަރެއް (3) ކާ އެއްޗަކުން އެއްފަހަރާ އަނގަޔަށްލާން އަތުން ނަގާ މިންވަރު (4) )ޏ ( ޓެނިސްބޯޅަވަރުގެ ވައްބޯޅައަކާއި ބަމައެއް ހުންނަ ވަރުގެ އޮނުބުރިއެއް ބޭނުންކޮށްގެން ކުޅޭ ކުޅިވަރެއް މި ކުޅިވަރު ކުޅެނީ ކުޅޭމީހުން ދެބަޔަކަށް ބަހައިލައިގެންނެވެ (5) )ސ ( ފަންވަތުން ވިޔެގެން ކުޅެން ގެންގުޅޭ ބަށި
ސުވޭހުހީނާ
ނ ހީނާފަތުގެ ބާވަތެއް މިއީ އާދައިގެ ހީނާގަހުގެ ފަތަށްވުރެ ފަތް ބޮޑެތިކޮށް ވާކޮށް ހެދޭ ގަހެކެވެ މިގަހުގެ ފަތް ފުނޑައިފައި އެޅިޔަސް ފަތްކުދި ހީނާފަތް އެޅީމާ ރަތްވާވަރަކަށް ރަތެއް ނުވާނެއެވެ
ސުޓޫޑިއޯ
ނ (1) ކުރެހުންތެރިއަކު ނުވަތަ ފޮޓޯ ނަގާމީހަކު ނުވަތަ ލަވަ ކިޔާ މީހަކު ނުވަތަ ނަށާމީހަކު އޭނާގެ އެ މަސައްކަތް ކުރާތަން (2) ފިލްމް ނެގުމަށް ޚާއްސަކޮށް ހަދައިފައި ހުންނަ އިމާރާތް (3) އަޑު ރެކޯޑުކުރާ ކޮޓަރި (4) ޓެލެވިޜަނުން ދުރަށް ދައްކާ ނުވަތަ ރޭޑިޔޯއިން ދުރަށް އަޑު ފޮނުވާތަން
ސެންޓަރު
ނ (1) މަރުކަޒު (2) ކަމެއް ކުރުމަށް ނުވަތަ ހިންގުމަށް އުފައްދައިފައިވާ އޮފީސް
ސެކަރީން
ނ އާދައިގެ ހަކުރަށްވުރެ ފޮނިގަދަ ހެދިހަކުރެއް މިބޭނުން ކުރަނީ އާދައިގެ ހަކުރު ބޭނުން ނުކުރެވޭ ކަހަލަ ކަންތަކަށެވެ
ޑަމްޕަރު
ނ އެއްޗެހި އުފުލުމަށްޓަކައި ކުރީކޮޅު ނަގައި ވެއްޓޭ ގޮތަށް ހަދައިފައި ހުންނަ އެއްޗެއް މިއީ އެއްގަމުގައި ދުއްވާ އިންޖީނުލީ އެއްޗެކެވެ
ޑަޔަސް
ނ ބިންމަތީގައި ތަންކޮޅެއް އުސްކޮށް ހަދައިފައި ހުންނަ ކުޑަ އިސްޓޭޖެއް ކަހަލަ ތަނެއް
ޑިރެކުޓަރީ
ނ އެއްވައްތަރެއްގެ އެއްޗެހީގެ ނަންތައް ފަސޭހައިން ހޯދައިލެވޭ ގޮތަށް ތައްޔާރުކޮށްފައިވާ ފޮތް
ޑިސްކައުންޓް
ނ މުދަލެއް އާދައިގައި ވިއްކާ އަގުން ކަނޑާލަދޭ މިންވަރު
ޑިޓެކްޓިވު
ނ (1) ޤާނޫނާއި ގަވާއިދާ ޚިލާފުވާމީހުން ހޯދުމުގެ މަސައްކަތް ކުރާމީހުން (2) ޢާންމުކޮށް ލިބެން ނުހުންނަ މަޢުލޫމާތު ހޯދައި އެއްކުރުމަށް ހަވާލުވެފައިވާ މީހާ
ޑޭޒީ
ނ އެއްބަރިޔަށް ހުންނަ ފިޔަތަކަކުން އެކުލެވިގެންވާ ތަނޑި ދިގު ރީނދޫ ކުލައިގެ މަލެއް އަޅާ ގަހެއް މިއީ އާދައިގެ ކުޑަ ގަހެކެވެ މީގެ އެތައް ވައްތަރެއް ހުރެއެވެ ތަފާތު ކުލަތައްވެސް ހުރެއެވެ