radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ކާ
ނ (1) ކާފިޔާ ހަމަކޮށް ހަދައިފައި ހުންނަ ވަޒަން ބަހުރުވައިގެ ބާވަތެއް މިއީ ހަބަސް ރައިވަރުގެ ކުރީ ހަތަރުބަހާ އެއްގޮތަށް އެއްވަޒަނަކަށް ހަތަރު ބަހުން ފިލިކޯޅި ހަމަކޮށް ހަދައިފައި ހުންނަ އެއްޗެކެވެ މީގައި ހަބަސް ރައިވަރުގެ ކުރިން ފެށޭ ބަސްނެތިފައި އަނެއް ތިން ބަހުގެ ވަޒަނަށް ހަދައިފައި ހުންނަ ބާވަތެއްވެސް ހުރެއެވެ (2) ބިލެތުވައް (3) ބައްތެލިފަހަރާއި ނާފަހަރުގެ ކަވަރުނާތަކުން ބޯރުދުވަށް އަރައިފައި ހުންނަތަން
ކާރު
ނ ދުއްވާމީހާގެ އިތުރަށް ދެތިން ހަތަރުމީހަކަށް އިށީނދެތިބެގެން ދުއްވާ ގޮތަށް ހަދައިފައި ހުންނަ ހަތަރުފުރޮޅުލީ އިންޖީނުލީ އެއްޗެއް
ކާރުބާރު
ނ ގިނަމީހުން އެކި ކަންތައްތަކުގައި ހަލުއިކޮށް ހެލިފެލިވެ އުޅޭ އުޅުން
ކާރުއްޕުން
)މަލިކު( މީދާ ދަތްކޭރުވުން
ކާރުދަވެރިން
ނ އިހުގައި ކާރުދަނަގާން ދައުލަތުގެ ފަރާތުން ފޮނުއްވާ މީހުން
ކާރުސާނާ
ނއ (1) މުއްސަނދިކަމާ ގުޅިފައިވާ ޙަރަކާތްތައް ގިނަ (2) މީހުން ގިނައިން ވަދެނުކުމެވާ (3) ޚާރުބާރުބޮޑު
ކާރުސާނާކަން
ނއނ (1) މުއްސަނދިކަމާ ގުޅިފައިވާ ޙަރަކާތްތައް ގިނަކަން (2) މީހުން ގިނައިން ވަދެނުކުމެ ވާކަން (3) ޚާރުބާރު ބޮޑުކަން
ކާރުސާނާވުން
މ (1) މުއްސަނދިކަމާ ގުޅިފައިވާ ޙަރަކާތްތައް ގިނަވުން (2) މީހުން ގިނައިން ވަދެނުކުމެވުން (3) ޚާރުބާރު ބޮޑުވުން
ކާބަފައިން
ނ (1) މަތިފުށުގެ ކާފައިން (2) މަޖާޒު: ޤައުމެއްގެ އިސްވެ ގޮސްފައިވާ މީހުން
ކާޅު
ނ (1) ކަޅު ކުލައިގެ ދޫންޏެވެ. މިއީ އިންސާނުން ކައިބޮއި އުޅޭ އެއްޗެއްސާއި ހަޑި ކުނި ބުންޏާއި ފުޅަ ތަކެތިވެސް ކައި އުޅޭ. ދަހި ލަދުކުޑަ އެއްޗެކެވެ. މީގެ ތުން ވަރުގަދަވެފައި ކަޅުވާނެއެވެ. ކާޅަކީ އެއްސިފައަކަށް ހަރަކާތްތެރިވެއުޅޭ އެކިއެކި ހިލަމަށްސިހޭ ހޭބަލާ ދޫންޏެކެވެ (2) ނއ މަޖާޖު: ލަދުކުޑަ (3) ބަނިޔާދަންކަން ނެތް
ކާޅުކޮށުން
މ (1) އިހުގައި ކުޅި ހުއްޓާރޭރޭ މަސަލަސް ޖެހުމުގެ ބަދަލުގައި ހޮޅިކޮށީ މީހުން ކޮށްއުޅުނުކަމެއް (2) މަޖާޒު: އުނދަގޫކުރުން
ކާޅުމުރާކި
ނ މުރާކީގެ ބާވަތެއް މިގަސް ހެދެނީ ބިންމަތީގައި ފެތުރެމުންނެވެ މީގެ މުރާކީގައި ފޮނިރަހައަކާއެކު ހިތިރަހައެއް ހުރެއެވެ މުރާކި ހުންނަނީ ކުދިކޮށެވެ ގަހުގެ ފަތްވެސް ކުދިވާނެއެވެ
ކާޅުތުން
ނ (1) ތިލޭރު އަތްކަން ކުރާމީހުންދުން ކިބަލަށް ފެންޖަހާން ގެންގުޅޭ އެއްޗެއް މިހުންނަނީ ދިގު އޮޑި ހަނެއްގެ ސިފައިގައި ލޮއިން ހަދައިފައެވެ (2) ފުކެއްލައިގެން ތެޔޮ އަޅައިގެން ދިއްލާން އިހުގައި ގެންގުޅުނު ބައްތިއެއް މިހުންނަނީ ދިގު އޮޑިހަނެއްގެ ސިފައިގައެވެ ހަދައިފައި ހުންނަނީ ލޮއިންނެވެ
ކާކަށް
ކއ ކޮންމީހަކަށް
ކާކު
އ އެއީ ވަކި މީހެއްކަން އޮޅުން ފިލުވުމަށް ކުރާ ސުވާލުގެ އަކުރެއް
ކާވެނި
ނ (1) އަންހެނަކާ ފިހެނަކު ފިރިއަކާ އަންބެއްގެ ގޮތުގައި ދިރިއުޅުމަށް ދީނީ ހަމަތަކުގެ މަތިން އެދެމީހުން ގުޅުވައިދޭ ގުޅުވައިދިނުން (2) ނިކާހަ
ކާވެނިރަން
ނ ކާވެނިވާ ފިރިހެންމީހާ އަންހެން މީހާއަށް ޝަރުޢީގޮތުން ދޭންޖެހޭ އެއްޗެއް މިފައިސާ އިންނާއި ތަކެތީގެ ގޮތުން ދީއުޅެއެވެ މީގެ މިންވަރު ކަނޑައަޅާނީ އަންހެންމީހާއެވެ
ކާވެނިބަތް
ނ ކާވެނިވީ ފިރިހެންމީހާ އެކަމުގެ އުފަލުގައި ގާތްމީހުންނާއި ރަޙުމަތްތެރީންނަށް ކާންދޭ ކެއުން
ކާވެނިކުރުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވައިދިނުން
ކާވެނިވުން
މ އަންހެނަކާ ފިރިހެނަކު ފިރިއަކާ އަންބެއްގެ ގޮތުގައި ދިރިއުޅަމަށް ދީނީ ހަމަތަކުގެ މަތިން އެދެމީހުން ގުޅުވުން