radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ނަށާމައު
ނ ކަނޑާއި މޫދާއި ފަޅުގައި ދިރިއުޅޭ އެއްޗެއް މީގައި ކައްޓެއް ނުހުންނާނެއެވެ މިއީ ވަރަށް މަޑު އެއްޗެކެވެ މިހުންނާނީ މުރަކަ ގައު ފަދަ ތަކެތީގައި ހިއްޕައިލައިގެންނެވެ މީގެ ބައެއް ވައްތަރުގައި ބާރުގަދަ ވިހައެއް ހުންނާނެއެވެ މީގެ މަތީގައި ފަށްތަކެއްހެން ހުންނަ ބައި އަބަދު ހުންނާނީ ހުޅުވިލެއްޕި ވާގޮތަށް ޙަރަކާތް ކޮށްކޮށެވެ
ނަނުބައި
ނ ކެޔޮޅުކަމުދާން ތައްޔާރުކޮށް ގުޅުވައިގެން ގެންގުޅޭ ދެބުރި ނުވަތަ ތިންބުރިނަނު މީގެ އެކިބުރީގެ ފަލަމިން އެކިވަރު ވާނެއެވެ
ނަނުބުރި
ނ ނަނުބައިގެ ތެރެއިން އެއްބައި
ނަނުބެއްދި
ނ (1) ދެނަނު އެއްކުރާންޖަހާ ވަކިބާވަތެއްގެ ގޮށެއް (2) ބޭހަށް ގެންގުޅޭ ފަތްޕިލާވެއްޔެއް މިއަށްކުޅޭކުޅޭ ކަރަންފޫ ގަސްވެސް ކިޔައެވެ
ނަނުއުކުނު
މ ގޮނޑުދޮށުގައި ނުވަތަ ތޮށި މަތީގައި ހުރެގެން މަސްބާނަން ނަނުއެއްލުން. މިކަން ކޮށްއުޅޭގޮތަކީ މުގޫކޮޅު ހަރުކޮށް ބަހައްޓައިގެން އެންގަނޑު އޮންނަކޮޅު އެއްލަނީއެވެ
ނަނުއެޅުން
މ އުއިން ނުވަތަ ވަކައިން ނަނު އެބުރުން
ނަނުފެން
ނ ކެޔޮޅުކަމުދާން ރެހަންޖަހައިގެން ގެންގުޅޭ ނަނުބައި ފެނުއެޅީމާ ހުންނަފެން
ނަން
ނ އެލަފުޒަކުން މީހެއްކަން ނުވަތަ ތަނެއްކަން ނުވަތަ އެއްޗެއްކަން ނުވަތަ ކަމެއްކަން ނުވަތަ ސިފައެއްކަން ދޭހަވާ ކޮންމެ ލަފުޒެއް
ނަންހޯދުން
މ ކަމެއްކޮށްގެން އެކަމަކުން ތައުރީފުހޯދުން
ނަންނުގަތިދުލި
ނ ނަންނުގަތި ބާލާދުލި މިއީ ނަންނުގަތީގެ ބޭރުހަމުގެ މަތީގެ ދުލިފަށެވެ މިދުލި ހުންނަނީ ވަރަށް މަޑުމަޑުކޮށް ހުދުކުލައިގައެވެ
ނަންބަރު ވިނަ
ނ ބިމުގައި ނަންއަޅަން ބޭނުންކުރާ ވިނައެއް. މިއީ ވަރަށް ފަސޭހައިން ރޯވާ ވިނައެކެވެ. މީގެ ރަތްކުލައާއި ފެހިކުލަހުރެއެވެ. މިއަށް ނަންއަޅާވިނަ ރަތްވިނަ ޖަރުމަނުވިނަ މިނަންނަމުންވެސް ކިޔައެވެ
ނަންބަރުދިނުން
މ (1) މޮޅުދެރަ ބެލުމުގައި ދިހަޔަކުން ނުވަތަ ސަތޭކަޔަކުން އެމީހަކަށް ނުވަތަ އެބަޔަކަށް ލިބޭންވީ ޢަދަދު ބަޔާންކޮށް ދިނުން (2) ތަރުތީބަކުން ކަމެއް ހިންގުމަށްޓަކައި އެކިމީހުންނަށް ވަކިނަންބަރު ޚާއްޞަކޮށް ދިނުން
ނަންބަރުޖެހުން
މ (1) ޢަދަދުޖެހުން (2) އެއްޗެހިތަކެއް ތަރުތީބު ކުރުމަށްޓަކައި އެކަކުން ފަށައިގެން ޢަދަދު ޖަހަމުން ގިނަކުރަމުން ގެންދިއުން
ނަންކިއުން
މ (1) ކުއްޖާއަށް ނަންދިނުން އާއްމުކޮށް ނަން ކިޔައިއުޅެނީ ކުއްޖާގެ އުމުރުން ހަތް ވަނަ ދުވަހުއެވެ (2) އެއްޗަކަށް ނުވަތަ ތަނަކަށް ކިޔާނޭ ވަކިނަމެއް ކަނޑައަޅައި ފާޅުކޮށް އިއްވުން
ނަންކުރުން
މ މީހެއްގެ ނުވަތަ އެއްޗެއްގެ މޮޅުކަމުގެ ވާހަކަ ގިނައިން ދެއްކުން
ނަންއިވުން
މ (1) މީހެއްގެ ނުވަތަ އެއްޗެއްގެނަން ގިނަމީހުން ކިޔާތީ އިވުން (2) މަޝްހޫރުވުން
ނަންއިތުރު
ނ ނަމަކަށް އިތުރުސިފައެއް ނުވަތަ އިތުރު ބަޔާނެއް ގެނެސްދޭ ކޮންމެބަހެއް މިސާލު: )ހ( ރީތި )ށ( ހިތްވަރުގަދަ )ނ( ކުޑަ
ނަންއެނބުރުން
މ ކުރިންކީ ނަން ބަދަލުކޮށް އެހެންނަމެއް ކިއުން
ނަންގަތުން
މ (1) މީހެއް އެއްޗެއް ތަނެއް ނުވަތަ ބަޔެއްގެ ވާހަކަ ބުނެލުން (2) ބުނުން މިބަހުގެ މާތްގޮތް
ނަރު
ނ (1) މަޢުދަނީ ބާވަތަކުން އުފައްދާ ހިމަފަށް. (2) ބޮނބި، ކަށިކެޔޮ، ތޮރާ، މިފަދަތަކެތީގައި ހުންނަ ހިމަ ހަރު ފަށް. (3) މިއުޒިކު ކުޅޭސާމާނުގައްޔާއި ކުޅިވަރުކުޅޭ ބައެއް ކަހަލަ ރެކެޓްގައި ފުރާފައި ހުންނަ ފަށް (4) ހިމަ ފަށްފަށަށް ވާގޮތަށް ތައްޔާރުކޮށްފައި ހުންނަ ބައެއް ކާތަކެތި މިސާލު: (ހ) ހަލުއިދާނަރު (ށ) ފަޅޮލު އަސާރައިގެ ނަރު (5) ވެޔޮވެލުގެ ފަތްވަޅުން ފަޅައިފައި ހުންނަ ހިމަފަށް (6) ފުރާދުއްވާތަކެތީގެ ހުންގާނުގައި މާދާއަޅުވަން މައްޔަލުގައި ހަރުކޮށްފައިހުންނަ ލޯފޯލި (7) (ބދ) ހިމަކަން