radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
އަލިމަސްކަށި
ނ ބިއްލޫރި ކަފާން ގެންގުޅޭ ކައްޓެއް ބިއްލޫރިކެފެނީ މީގެކޮޅުގައި ހުންނަ އަލިމަސް ކުލައިގެ ވަރަށް ހަރު އެތިކޮޅަކުންނެވެ
އަލިފާނޯތް
ނ (1) ތާކު އަލިފާން ޖެހިގެން ނުވަތަ މީހަކަށް މީހަކު ހާނީއްކަކުރާތީ މީސްތަކުންނަށް އެންގުމަށްގޮވާ ގޮވުމެއް (2) ކުއްލިއަކަށް ޖެހޭނުރައްކަލެއްގައި މީހުންނަށް ގޮވާލާގޮވުމެއް
އަލިފާންއާވި
ނ ރޯވުމެއް ހޫނުވުމެއްނެތި ފިހުމާއި އެނދުމުގެ ބާރު ހުންނަ ދިޔާއެއްޗެއް. މިއީ ކައްސަނދުވާނި ބާރޯޒް އަދިވެސް މިބާވަތުގެ މަޢުދަނީ އެއްޗެހީން ނަގާއެއްޗެކެވެ
އަލީބޮޚާރި
ނ ކުންނާރަކަށްވުރެ ތަންކޮޅެއްބަޑު ފޮނިމޭވާއެއް މީގެ އޮށުތެރޭގައި ބަދަނެއްކަހަލަ އޮށެއް އޮންނާނެއެވެ މިގިނައިން ގެންގުޅެނީ ހިއްކައިގެންނެވެ ރާގުންޑާއަށްވެސް މިހެންކިޔައެވެ
އަލްޕަކާ
ނ ކަޅު މޮޅު ފޮއްޗެއް. އިހުގައި މިފޮތި ޚާއްޞަވެފައިވަނީ ގަނޑުވަރުތެރޭގެ މަތީ ދަރަޖައިގެ ފިރިހެން ބޭފުޅުންގެ ލިބާސްކޮޅު ކެނޑުމަށެވެ މިހާރު މިގިނައިން ގެންގުޅެނީ އަންހެނުން އުނުއަނުމަށެވެ
އަގީދު
ނ ރަތްކުލައިގެ ރީތި ހިލައެއް މިގިނައިން ގެންގުޅެނީ ކުޑަކުދީންގެ ހަތްމުދީ ގައްޔާއި ފައްޓަރުގައިލާށެވެ
އަގުލެއްވުން
މ މީހަކު ކުޅަމަސައްކަތަކަށް ނުވަތަ ދޭން އޮތް އެއްޗަކަށް ނޫނީ ދިންގެއްލުމަކަށް ޝަރީޢަތުގެ ފަރާތުން އަގުކަނޑައެޅުން
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
އަސާރަ
ނ އަނބު ބިލަމަގު ކަދުރު ފަދަ އެއްޗެހީގައި ބައެއްހަވާދުލައިގެން ހުތް ނުވަތަ ތެޔޮއަޅައިގެން ތައްޔާރުކުރާ ކާނާއެއް ގިނައިން މިތައްޔާރުކުރަނީ ނުކައްކައެވެ
އަސީދާގުޅަ
ނ އިހު ޒަމާނުގައި ރޯދަވީއްލުމަށްޓަކައި ގަނޑުވަރުތެރޭގައި ހަދާގުޅައެއް މިގުޅަ ހަދާނީ ކުދި ބޭކަލުންނެވެ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަސްކަރުންގެ ދަނޑި
ނ އަސްކަރުންގެ ކޮންމެ ގެއަކަށް ދެދަނޑި މަގުން އޮންނަ ދިހަ ދަނޑިއާ އަތްތާރަފަނީންގެ އަށްބައިގެ އަށްދަނޑިއާއެކު އަށާރަދަނޑި މިއީ ކުދި މުސްކުޅީންނަށް ދެއްވާ އަށާރަ ދަނޑިއެވެ
އަސްކަރުމުސްކުޅިން
ނ އަސްކަރުންގެ ދަނޑި ދެއްވައިފައި ތިބޭ މީހުން ޢިއްޒަތަށް ވަޑައިގަންނވާއިރު މިމީހުން ތިބޭނީ ރަދުންގެ ކަނާތްޕުޅު ފަރާތުގައެވެ
އަސްކެނިވަޅު
ނ އަސްކެނީ ފެން ބިމަށް އޮހޭ ތަން
އަސްކެނިދަށް
ނ އަސްކެނީން ހިޔައުވާ ހިސާބު
އަސްކެނިދޮށް
ނ އަސްކެނީން ހިޔައުވާ ހިސާބު
އަސްމަސް
ނ ތޮށިބުޑުގައި ނުވަތަ ގައު ގިނަ ތަންތަނުގައި )މޫދުގައި( އުޅޭ މަހެއް މީގެ ބޯ އެންމެ ވައްތަރުވާނީ އަހުގެ ބޮލާއެވެ ފަހަތުކޮޅު އޮންނާނީ ހިމަކޮށެވެ
އަސްދޫނި
ނ ވަރުގަދަ ތުންގަނޑެއް އޮންނަ ކިލާފެނާ ދޯޅުކަން ބޮޑު އޭގެ މަސްކާ ދޫންޏެއް މީގެ ސިފަ އެންމެ ވައްތަރުވާނީ ރޭރާއެވެ މީގެ ވަރަށް ގިނަ ބާވަތް ހުރެއެވެ
އަސްތަވުން
މ )ބދ ( އޮއްސުން މިބަސް ބޭނުންކުރަނީ އިރުހަނދާއި ތަރިތަކަށް ނިސްބަތްކޮށެވެ
އަޑަފިއޮޑި
ނ (1) ސަރުކާރުގެ އުޅަނދެއް މީގެފަޅުވެރިންނަށް ތިބޭނީ ކަލާސީންނެވެ (2) މަލާފަތުގެ ބަދަލުގައި ބިލެތް އެޅުމަށް އެއްކޮޅަށް ތަންކޮޅެއް ހިމަކޮށް ހަދާފައިހުންނަ އެއްޗެއް