radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ސައިބޯނިދަޅު
ނ ސައިބޯނިލާން ހަދައިފައި ހުންނަ ދަޅު
ސަތަރި
ނ (1) އެއްޗެހި ނުވަތަ ތަންތަން ހިޔާކުރުމަށް ބޭނުންކުރާ ފޮތިގަނޑެއް މިއީ ފެން ނުފާއްދާގޮތަށް ހަދައިފައި ހުންނަ އެއްޗެކެވެ (2) )މަލިކު( ބޮލަށް ނަގާކުޑަ
ސަލީބަށްއެރުވުން
މ މި ސިފަޔަށް ހަދައިފައި ހުންނަ ކާލިނގަކަށް މީހަކު އަރުވައި މޮހޮރުޖަހައި ހައްޔަރުކޮށް މަރައިލުން
ސަޑު
ނ (1) ފުނާއަޅާއިރު ކުރިމައްޗަށް ވާގޮތަށް އިސްތަށިގަނޑުން ލައްވައިފައި ހުންނަ ބަނޑި. (2) ހަވާ ސީދަލަށް ހިފެހެއްޓުމަށްޓަކައި އޭގައި ހަރުކުރާ ހުންގާނެއް ކަހަލަ އެއްޗެއް ރުކުފަތިންނާއި އިލޮށިންވެސް މި ހަދައިފައި ހުރެއެވެ
ސަޓަނި
ނ ފިޔަޔާއި މިރުހާއި ކޮށައި އޭގެތެރެއަށް ހުތްޖަހައި ލޮނުލައިގެން މޮޑެފައި ހުންނަ ކާ އެއްޗެއް މިއީ ކެއުމުގެ ތެރޭގައި ބޭނުންކުރާ އެއްޗެކެވެ މިއަށް ތަފާތު ބާވަތް ބާވަތުގެ އެއްޗިހި ލައިގެން ތަފާތު ސަޓަނި ހަދައި އުޅެއެވެ
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ
ސާވޭ
ނ ކަންހުރި ނެތްގޮތާއި ޙާލާތު ހުރި ނެތްގޮތް ރަނގަޅަށް ބެލުމަށް މީހުން ގޮސްގެން ހޯދައި ބަލާބެލުން
ސާވޭކުރުން
މ ކަންހުރިނެތް ގޮތާއި ޙާލާތު ހުރިނެތްގޮތް ރަނގަޅަށް ބެލުމަށް މީހުންގޮސް ހޯދައި ބެލުން
ސާމަރާ
ނ (1) ސާމަރާ ދޫނީގެ ފަތުން ހަދައިފައި ހުންނަ ފަންކާއެއް މީގެ މުށްގަނޑު ހުންނާނީ ލަކުޑިން ލިޔެފައި އަތުތެރެއިން އެނބުރޭ ގޮތަށް ހަރުކޮށްފައެވެ (2) މކ މިޔަރާއި ބޮޑެތި މަސް މަހުގެ ބޮލުގައި ޖަހައި ބަލިކޮށްލަން މަސްދޯނިފަހަރުގައި ގެންގުޅޭ ލަކުޑި މުގުރު
ސާމަރާކޮޅު
ނ ސާމަރާދޫނީގެ ފަތުން ހަދައިފައިވާ ފަންކާއެއް މިއީ ރަސްރަސްކަލުން ދަރުބާރުގައި ތިއްބަވާއިރު ގައިކޮޅަށް ވިހެން ބޭނުންކުރާ އެއްޗެކެވެ
ސާމޯރު
ނ އޮޑިފަހަރުގެ ކުނބުގެ ކުރީގައި ހުންނަ "ނީ" ގެ ތެރެއަށް ލައްވައިފައި ހުންނަ ދެފުރޮޅުލީ އެއްޗެއް މިއީ ރިޔާ ނަގަން ހަންޖާ ލައްވަން ހަދައިފައި ހުންނަ އެއްޗެކެވެ
ސާދާ
ނއ (1) އާދައިގެ (2) ޒީނަތްތެރި ކުރުމެއް ނަލަހެދުމެއް ނެތް (3) ކަންދެއްކުމެއް ބޮޑާކަމެއް ނެތް )41( ފަސޭހަ (5) އޮޅުމެއްނެތް
ސިންކު
ނ (1) ސަތޭކަ ފަދަމް (2) ހިސާބު އަކުރު ކަނާތުން ވާތަށް ގުނާއިރު އަށާރަވަނަ އަކުރުގެ ވަޅަށް ކިޔާނަން (3) ތަށިދޮވުން ފަދަ ކަންތަކުގައި ބޭނުން ކުރުމަށް މައުދަނީ އެއްޗަކުން ހަދައިފައި ހުންނަ ތައްޓެއް މީގެ އެއްކޮޅު ހުންނާނީ ތަށިފަދަ ތަކެތި ބެހެއްޓޭގޮތަށެވެ
ސިރިންޖު
ނ އިންޖެކްޝަން ޖަހަން ބޭނުންކުރާ އާލަތެއް މި ހަދައިފައި ހުންނަނީ ކޮޅުގައި ކައްޓެއް ހަރުކުރެވޭ ގޮތަށެވެ ސިރިންޖުގެ އެތެރޭގައިވާ ބޭސް ހަށިގަނޑުގެ ތެރެއަށް ފޮނުވައިލަނީ މިކަށީގެ ތެރެއިންނެވެ
ސިކަންތިދަނޑި
ނ ރަސްކަމަށް ކޮލިލާ ދުވަހު ކޮއްޔާއެކު ޢިއްޒަތް ފުރިހަމަ ކުރުމަށް ގެންދާ ތަކެތީގެ ތެރޭގައި ގެންދާ އެއްޗެއް މިއީ ނުވަ ފޫޓް ހުންނަވަރުގެ ކުރެހި އޮނެއްގެ މެދެއްހައި ތާނގައި ވަށްބުރެއް ހަރުކޮށް އެބުރުގެ ވަށައިގެން ލާބޮނދި އެލުވައި އެއޮނުގެ ކޮޅުގައި ކުރި ބޯއްޓެއް ލައިގެން ހަދައިފައި ހުންނަ އެއްޗެކެވެ މީގައި ހުންނާނީ ކުލަކުލައިގެ ވަރަނގު ކަރުދާސް ހިއްޕައިފައެވެ
ސިކަލު
ނ ދެވައިރުގުޅަން ވައިރުގެ ކޮޅުގައި ހަދައިފައި ހުންނަބައި
ސިއްރުފުލުހުން
ނ ވަންހަނާވެ ތިބެގެން ކަންތައް ހޯދައިބަލާ ފުލުހުން
ސިއްކަ
ނ (1) ސިލު (2) ދައުލަތެއްގެ ނަމުގައި ނުވަތަ ވެރިޔެއްގެ ނަމުގައި ލިޔެވޭ ލިއުންތަކުގައި ޖެހުމަށް ހަދައިފައިވާ ޚާއްސަ ތައްގަނޑު (3) މަޖާޒު: ފާހަގަ (4) ތަނެއްގައި ގެންގުޅޭ ލާރި (5) )ހ ( ދާދިކުޑަ
ސިއްކަޖެހުން
މ (1) ސިލުޖެހުން. (2) ދައުލަތެއްގެ ނަމުގައި ނުވަތަ ވެރިޔެއްގެ ނަމުގައި ލިޔެވޭ ލިޔުންތަކުގައި ޖެހުމަށް ހަދައިފައިވާ ޚާއްޞަ ތައްގަނޑެއް ޖެހުން (3) ލާރިޖެހުން
ސިލިންޑަރު
ނ (1) އިންޖީނެއްގެ ފިސްޓަން ލައްވާތަން (2) މަޢުދަނީ އެއްޗަކުން ވައްކޮށް ދިގުކޮށް ހަދައިފައި ހުންނަ އެއްޗެއް މިއީ ގޭސްފަދަ އެއްޗެހި އަޅަން ހަދައިފައި ހުންނަ އެއްޗެކެވެ