radheef.info
ރަދީފު


ވުން
މ (1) ހުރުން (2) އުފެދުން (3) ފަހިވުން (4) ނިމުން
އޮއްބުން
މ (1) މީހަކުލައްވާ އޮބުވުން (2) ފަތިމެޅުން (3) ކައިރިމެޅުން (4) މަސްހިފާންޖަހާ ދައުފަދަތަކެތީގެ ތިރީކައިރި ބިމުގައި ޖައްސައި ހިފެހެއްޓުން (5) ވަށައިދެމިމަދިރިގެ ފަދަތަކެތީގެ ތިރީކައިރި ގޮދަޑި ދަށަށް ލެއްވުން (6) މަޖާޒު: ވަންހަނާކުރުން (7) ނުފެންނާނޭ ގޮތް ނުވަތަ ނޭގޭނޭގޮތް ހެދުން
އޮއްސުން
މ (1) އިރު ހަނދު ތަރި ވިލާފަދަ އުޑުމަތިން ފެންނަ ތަކެތި އުދަރެހާ އެޅި ނުފެންނަގޮތްވުން. (2) ގޮސް އަނބުރާ ނުފެންނާނޭ ގޮތެއްގައި އަނބުރައިލުން. (3) ރުއް ގިނަދުވަސްވެގެންގޮސް އެއްޗެއް ނުގަންނަގޮތްވުން މިހެން ވީމާ ކިޔަނީ "ކުރިއޮއްސުމެ"ވެ (4) މަޖާޒު: މީހަކު އަނބުރާ އަންނާން ތާކަށް ގޮސްފައި ދެން ނައުން (5) މީހަކު އަލުން ކުރިނާރާ ގޮތުގައި ދަށަށް ދިއުން
އޮމާންކުރުން
މ ރާޅުކަން ފިލުވުން
އޮފުކެނޑުން
މ (1) އޮފުފިލުން މަޖާޒު: (2) މީހެއްގައިހުންނަ އައުކަންކެނޑުން (3) މިންވަރަށްވުރެ އަރައިހުރި މީހަކު އޭނާގެ މިންވަރަށް ދަށްވުން
އޮފުދާރުކުރުން
މ ގަދަޔަށް އޮފުއެރުވުން
އޮފުލުން
މ (1) އޮފުއަރާގޮތް ހެދުން (2) އޮފުއެރުވުން
އޮތުން
މ (1) ނެތުމުގެ އިދިކޮޅު (2) އޮށޯވެގެންވުން (3) ވެއްޓިފައި ނުވަތަ ބާއްވާފައިވުން (4) މައުޖޫދުވެގެންވުން (5) އެކަށިގެންވުން
އޮތްއެމާދުއްވުން
(1) ކުރީދުވަހު ލަބަރީގައި އަޅާފާއޮތް އެންހިފައިގެން މަހާ ދުއްވުން (2) މަޖާޒު: މަޤްޞަދެއް ނުފުދޭ ގޮތުގައި ކަމަކާ އުޅުން
އޮލީ
ނ ބޭފުޅުން އަވަހާރަވެގެން ކިޔަވާ ރަސްމީ ކިޔެވުން
އޮލީކިއެވުން
މ ވަކިދަރަޖައެއްގެ ބަޔަކު ނިޔައުވީމާ ރަސްމީގޮތުން ޤުރުއާން ކިޔެވުން
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
އޮޑިވަރުދޯނގި
ނ ހުޅުހުޅު ދުޅަވާ ބައްޔެއް. މިބަލީގައި ބައެއް ފަހަރަށްމޫނު ފޮއްސިވުން ހުޅުހުޅުގައި ކުރަހެދުން ފަދަ ގޮތްވެސް ވެދާނެއެވެ
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށުންޖަހާލުން
މ (1) އޮޑިއާއި ވަރަށް ކައިރިން މަސްފުމުން މަޖާޒު: (2) ބޭނުންވެގެން އުޅޭކަމެއް ކުއްލިއަކަށް ކާމިޔާބުވުން
އޮޑީބަޔާޙަވާލުވުން
މ (1) އޮޑިމަހާ ޙަވާލުވުން. (2) އޮޑިވެރިޔާގެ ބަޔާހަވާލުވުން. މަޖާޒު: (3) މީހެއްގެ އަންބަކު އެހެން މީހަކަށް ބަލިވެއިނދެވިހޭމާ ފިރިމީހާ އެކުއްޖަކީ އޭނާގެ ދަރިއަކުކަމުގައި ޤަބޫލުކުރުން
އޮޑުވުން
މ )ޏ.( (1) އެކަކުގެ ވާހަކަ އަނެކަކުގާތުގައި ނުބައިކޮށް ދެއްކުން. (2) ކުޓުވުން. (3) ވަކިފަރާތަކަށް އެނބުރިގެންހުރެ ހަތަރެސް ފަޔާއި މޫނަށް ވައްތަރު ޖެއްސުން
އޮޑޮވުން
މ )ޏ ( ޖަނަވާރު ފަދަ އެއްޗެތި އޮޅުވުން
އޯގާވުން
މ އޯގާވެރިވުން
އޯގާވެރިވުން
މ (1) މީހުންނަށް ހެޔޮވުން (2) ރަޙުމުވެރިވުން
އޯގާވެތިކަން
މ އޯގާވެރިވުން