radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ތިއްތިކަން
ނއނ (1) ރީތިކަން (2) ނަލަކަން މިއީ ކުޑަކުދީންނާ ބެހޭގޮތުން ބޭނުންކުރާ ބަހެކެވެ
ތިއްތިކުރުން
މ (1) ރީތިކުރުން (2) ނަލަކުރުން މިއީ ކުޑަކުދިންގެ ބަހުރުވައިގައި ބޭނުންކުރާ ބަހެކެވެ
ތިއްޖެހިފާނަ
ނ ފަޅުތަކުގެ ބޭރުގައި މުރަކަތަކާއި ގާތަކުގެ ނިވަލުގައިއުޅޭ މަހެއް މިއީގަދަ މުށިކުލައިގެ ތިކިތަކެއް ހުންނަ ކޮތަރިބައިގައިވެސް ތިކިތަކެއް ހުންނަ ނިގޫފަތުގެ ކައިރިފަށް ފަނޑުހުދު ކުލައެއްގައި ހުންނަ މަހެކެވެ
ތިމަރަ
ނ (1) ޓިނާއި ޖަސްތުފަދަ ތަކެތިން ހަދާތަކެތި ބެއްދުމަށް ގެންގުޅޭ މަޢުދަނީއެއްޗެއް މިއަލިފާނުން ވިރޭނެއެވެ މިއީ ފެނުބާރު ހިފާވަރަށްވުރެ ބަރުއެއްޗެކެވެ (2) އުރަވަޅީގައި ނަގާބައްޔެއް
ތިމަރަހަނދި
ނ ހަންޖާ ވައްތަރު ނަމަވެސް ހަނދީގެ ބާވަތްތަކާ ޚިލާފަށް ފަތިކޮށް ހުންނަމަހެއް މިއީ ދިވެހިން ކެއުމަށް ބޭނުންކޮށްއުޅޭ މަހެކެވެ މިމަހުގެ ތުނބުގެ ތިރީބައި މަތީބަޔަށްވުރެ ދިގުކޮށް ނުކުމެފައި ހުންނާނެއެވެ މަހުގެ ކުލައަކީ ރިހިއަޅި ކުލައެވެ ކަރުތާފަތުގެ ކުރީބައިގެ ކައިރިފަށް ކަޅުވާނެއެވެ
ތިލެޔޮ
ނ ތިލެޔޮއޮށުން ހާނާތެޔޮ މިއީ ކެއުމަށާއި ބޭހަށް ބޭނުންކުރާ އެއްޗެކެވެ
ތިލެޔޮކޯޅި
ނ ރާރުހިފަތާ ވައްތަރަށް ފަތްހުންނަ ކުޑަގަހެއް މިއީބޭހަށް ބޭނުންކުރާ އެއްޗެކެވެ
ތީ
އ (1) ތިޔައީ )ދުރުގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް.( މިސާލު: ތީ އަހަރެންގެ ގަލަން. (2) ހިނގީތީ ހިނގިކަން ދައްކައިދިނުމުގެ ގޮތުން ބޭނުންކޮށްއުޅޭ އަކުރެއް. މިސާލު: ނޭންގީތީ ނާދެވުނީ. (3) ޔަތީ މިއަކުރު ކުރުކޮށް ބުނާގޮތް މިސާލު: ނޭންގީތީ ނާދެވުނީ
ތުނބަހަނދި
ނ ހަނދީގެ ބާވަތެއް މިއީ ހަނދީގެ ގިނަބާވަތް ތަކަށްވުރެ ބޮޑުކޮށް ފަތިކޮށް ހުންނަ ހަންޖެކެވެ މިހަނދީގެ ތުނބުގައި ބޯ ހަންފަށެއްހުރެއެވެ މިހަނދީގެ ކުލައަކީ ރިހިއަޅިކުލައެވެ މިބާވަތުގެ ހަނދީގައި ހުންނާނީ ފަނޑު ފެހިކުލައަކަށްދާ ކުލައެކެވެ ދެއަރިމަތީގައި ގަދަރީނދޫކުލައިގެ ލައްތަކެއް ވަރަށް ފައުޅުކޮށް ފެންނަންހުރެއެވެ
ތުނބި
ނ ކަޅުކުލައިގައި ހުންނަ ފަރުމަހެއް މިއީކަނޑުކާޅާވައްތަރުގޮތަކަށް އެއަށްވުރެ ތުންދިގުކޮށް ހުންނަމަހެކެވެ
ތުނބުރަތްތޭޅި
ނ )ޏ ( ތުންރަތްތޮޅި މިއީތުންދިގު ތޮޅީގެ ވައްތަރެކެވެ
ތުނބުޅިމަތިމަސްރޭކާލުން
ގބ ފިރިހެނުންގެ ދަތްދޮޅިއާއި ކޮލުގެ ދެފަރާތުން ކިރިޔަކިރިޔާ އިސްތަށިފެޅުން މިއީ މީހާގެ ޅަކަން ބަޔާންކޮށް ދިނުމުގެ ގޮތުން ބޭނުންކުރާ ބަހެކެވެ
ތުންބިބީ
ނ ފަތިކޮށް ކުރުކޮށް ހުންނަ މަހެއް މިއީ ބުރިކަށިމަތީގައި މަޑު މުށިކުލަ ހުންނަ ދެއަރިމައްޗާއި ބަނޑުދޮށް ފަރާތުގެ ކުލަ ރީނދޫ މަހެކެވެ
ތުންބުރިކާޅަށްވެސް ކާންލިބޭދުވަސް
މަޖާޒު: ރަބީޢުލް އައްވަލްމަހުގެ ބާރަ ދުވަހާއި ދެއީދު ދެދުވަހާއި ބޮޑު މާލޫދު ދުވަސް ފަދަ ރަށުގައި ޢާއްމުކޮށް ގިނައިން ކައްކައި އުޅޭ ދުވަސްދުވަހު އެންމެ ނިކަމެތި މީހާއަށްވެސް ކާން ލިބޭނެކަން އެންގުމުގެ ގޮތުން ބުނެއުޅޭ ބަހެއް
ތުންކުރުތޮޅި
ނ ތޮޅީގެ ބާވަތެއް މިއީ އެތެރެ ވަރީގައްޔާއި ފަރާ ކައިރީ ހިސާބުގައި އުޅޭ ތުންގަނޑު ކުރު ތޮޅިއެކެވެ
ތުންދިގުބިބީ
ނ ފަރުފަރުގެ ބޭރުގައްޔާއި ފަޅުތެރޭގައި ހުންނަމުރަކަތަކުގެ ތެރޭގައި ދިރިއުޅޭ މަހެއް. މިމަހުގެ ކުލައަކީ ގަދަރީނދޫ ކުލައެވެ. މިއީ މަހުގެ ބަނޑުދަށްފަރާތުގެ ކޮތަރިބައިގައި ކަޅުކުލައިގެ ވަށްލަފެއް ހުންނަ ބޮލުގެ މަތީބައިގެ ކުލަކަޅު ތިރީބައިގެ ކުލަ ހުދުމަހެކެވެ މިއީބިބީ ޢާއިލާގެ މަހެކެވެ
ތުރިއްޔާނު
ނ ސަމުގާގެ މިސުރާބެއް މިއީމުރިނގާ އެންމެ ކައިރިޔަށް ދެފަރާތުން ހުންނަ މިސްރާބެވެ
ތުތިޔާ
ނ ތިމަރަޔަށްވުރެ ހަރުމަޢުދަނެއް މިއީ ދަގަނޑު އެއްޗެހީގެ ބޭރުން ދަބަރު ފޮޅުނަ ނުދިނުމަށްޓަކައި ބޭރުގައިލާން ބޭނުންކުރާ އެއްޗެކެވެ
ތެލަބަގުޑި
ނ ދެބަޔަށް ބެހިގެންކުޅޭ ކުޅިވަރެއް މިއީ އެއްބަޔަކު ވަށްރޮނގެއްގެ މަތީ ތިބެގެން އަނެއްބައިގެ މީހަކު އެމީހުންގެ އަތުނުޖެހި އެތެރެޔަށް ވަދެގެން ކުޅޭ ކުޅިވަރެކެވެ މިގޮތަށް އެތެރެޔަށް ވަދެފައި މަޑިޔަކަށްޖެހެން ޖެހޭނެއެވެ މިހެން ހެދިއްޖެނަމަ ލަނޑެއްދެވުނީއެވެ އަތުޖެހިއްޖެނަމަ އެމީހާ ނުބައިވީއެވެ
ތެލަސީމިއާ
ނ (1) ވާރުތަވާ ލޭގެބައްޔެއް މިއީލޭގައި ހުންނަ ހިމޮގުލޮބިނަށް ލިބޭ އުނިކަމެއްގެ ސަބަބުން ރަތްސެލްތަކުގެ މަސައްކަތް ނުކުރުމުން ލޭ މަދުވާ ބައްޔެކެވެ (2) ލޭއަޅާބަލި