radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ދެޑަކެރުން
މ )ޏ ސ ( (1) ގެތުމުގައި ނުވަތަ ވިއުމުގައި މަތީފަށް ތިރިއަށް ތިރީފަށް މައްޗަށް ނެގުން (2) ދުޅަނެގުން
)ހަރުބަހެއް( ތިމާއަށް މީހަކު އެއްޗެހިތަކެއް ދިންކަމުގައިވިޔަސް އެލިބިގަންނަންވާނީ އެކަށީގެންވާ މިންވަރަކަށްކަން އަންގައި ދިނުމުގެ ގޮތުން ބުނެއުޅޭ ބަހެއް ދޭމީހާދިނަސް ކާމީހާވާނީ ބަލައިގެންކާށެވެ
ދޭފަތްދޫނި
ނ ތުންގަނޑު އަށްއިންޗިވަރަށް ދިގުކޮށް ތުނިކޮށް ފަތިކޮށް ކޮޅުވަށްކޮށް ހުންނަ ގޮނޑުދޮށު ދޫންޏެއް މިއީ އިރުވާހުދާ ވައްތަރު އެއަށްވުރެ ބޮޑު ދޫންޏެކެވެ މިދޫނީގެ ސިފަ ވައްތަރުވާނީ އިރުވާ ހުދާއެވެ
ދޮށިމޭނާވެޔޮ
ނ ފަތްކާން ބޭނުންކުރާ ވެލެއް މިފަތުގައި ދަނޑިއަލުވި ގަހުގެ ފަތާ ވައްތަރުގޮތެއް ހުންނާނެއެވެ ނަމަވެސް އެއަށްވުރެ މާކުދިވާނެއެވެ
ދޮންހުނި
ނ ކާށިހުނީގެ ތެރެއަށް ރީނދޫލައިގެން ފުނޑައިފައި ހުންނަހުނި
ދޮންބުޅާފާށަނާ
ނ އަލްސުލްޠާނު ޢަލީ )5ވަނަ( އަށް ކިޔައި އުޅުނު ނަމެއް
ދޮރުމޮހި
ނ އިހުގައި ޖަހައިއުޅުނު ބެރެއް މިއީ ހުކުރުވިލޭރޭ ފަތިސް ނަމާދުގެ ބަންގިޔަށްފަހު ތާޅަފިއްޔާ ގޮސްފައި އައިސް ގަނޑުވަރު ތެރެއަށް ވަނީމާ ނާބުސްޚާނުން ޖަހާބެރެކެވެ
ދޮރުފަތް
ނ ދޮރުބަންދުކުރުމަށް ހުޅުވައިލެއްޕޭ ގޮތަށް ހަދައި ދޮރުގައި ހަރުކޮށްފައި ހުންނައެތި. މި އެއްފަޅިއަށާއި ދެފަޅިއަށްވެސްހުރެއެވެ
ދޯރި
ނ (1) ތެލާއި ފެނާއި އަދި އެނޫންވެސް ދިޔާތަކެތި އަނގަ ކުޑައެއްޗިއްސަށް އެޅުމަށްޓަކައި މަތިފުޅާކޮށް ތިރިހިމަކޮށް ހަދައިފައި ހުންނަ އެއްޗެއް (2) ފިތައިގެން އެއްޗިއްސަށް ތެޔޮދުއްވާން ވަށްކޮށްފަތިކޮށް އެއްކޮޅު ހިމަކޮށް އެތެރެއަށް ތެޔޮއެޅޭނޭހެން ހަދައިފައި ހުންނައެތި (3) ކުޑައިގެ ދަނޑީގެ ކޮޅުގައި ޖަހައިފައި ހުންނައެތި (4) ބައެއް އެއްޗެހި އަތުން ފަހައިއުޅޭއިރު އިނގިލިކޮޅަށް ޖަހައިފައި ހުންނަ އެތި (5) ގަލަން ފަދަތަކެތީގެ ތުނޑު ނިވާކުރުމަށް ޖަހައިފައި ހުންނަބައި
ދޯއްޔަށްދިއުން
މ (1) އޮޑިފަހަރާއި ބައްތެލިފަހަރުގައި ހުންނަ ދޯއްޔަށް ފައިބައި ހާޖިތަށް ދިއުން މަޖާޒު: (2) ހާޖިތަށް ދިއުން (3) ގިފިއްޔަށް ދިއުން (4) އަތިރިއަށް ދިއުން
ތަށަ
ނ )ސ ( (1) ބިންމަތީގައި އޮންނަ ހަރުފަށަލަ (2) )ޏ ( ކަލެއަށް
ތަށި
ނ (1) ކާބޯތަކެތި އަޅަން މުށިންނާއި މައުދަނީ ތަކެތިން ހަދާކަންވާރެއް (2) އެކިއެކި މުބާރާތުން ވަނަވަނައަށް އައުމުގެ ސަބަބުން ދޭ އެއްޗެއް މިހުންނަނީ ގޮނިކޮށް ތައްޓެއްހެންނެވެ މި އުޅައްލައިފައިވެސް އުޅައްނުލައިވެސް ހުރެއެވެ (3) ފަންޑިތަ ހެދުމުގެ ގޮތުން ލިޔާ ތަށީގައި ފަންޑިތަލިޔެ ގިރައިލާފެންފޮދު
ތަށިބަރި
ނ ކާއެއްޗެހި އެއްތަނުން އަނެއްތަނަށް ގެންދިއުމަށް ޓަކައި ޕްލާސްޓިކު ނުވަތަ ޒިންކު ނުވަތަ ދަގަނޑުން ދަޅުބުރި ތަކެއްގެ ސިފައަށް ތައްޔާރުކޮށް ދުނިގަނޑަކަށް އެމުނޭގޮތަށް ހަދައިފައި ހުންނައެއްޗެއް
ތަނުވެޑުވުން
މ ކުއްޖަކު ދުނިޔެއަށް އައުމުން އެންމެ ފުރަތަމަ ތަންމައްޗެއްގައި ބޭއްވުން
ތަންމަތިހެދުން
މ (1) ތަންމަތިއެޅުން (2) ނާފަހަރުފަދަ އެއްޗެހި އެހެލައިފައި އަރިއަށް ބާއްވާއިރު ބަނޑުފިލާޖެހޭގޮތަށް އައްޓެއްހެދުން (3) ތަންމައްޗެއް ތައްޔާރުކުރުން
ތަރައްޤީކުރުން
މ (1) ކަންތައްތައް ރަނގަޅުކުރުން (2) ހެޔޮބަދަލުތައް ގެނައުން (3) ތަނެއް ނުވަތަ ކަމެއް ކުރިޔަށްގޮސްފައިވާވަރު ނުވަތަ ކުރިއަށްދާވަރު އިތުރުކުރުން
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަޅުފަތްގަނޑު
ނ އެލުވާތަޅު ބޭނުންކުރާ ތަންތަނުގައި އަރުގޯލައަށްމަތިން އައިސް އެމުނޭގޮތަށް ހަދައިފައިހުންނަބައި
ތަޅުދަނޑި
ނ (1) ތަޅު ހުޅުވުމަށާއި ތަޅުލުމަށް ބޭނުންކުރާ އާލަތެއް މި ތަފާތު ސިފަސިފައަށް ތަފާތު ގޮތްގޮތަށް ހަދައިފައި ހުރެއެވެ (2) ޗާޓްފަދަ ތަކެތީގައިވާ ކުރެހުންތައް ތަފްޞީލުކޮށްދޭ ބަޔާން (3) ތަޅުދަނޑީގެ ސިފައިގައި ހަދައިފައިވާ އެއްޗެއް
ތަކަހޮޅި
ނ ގަނޑުވަރުތެރޭ އަންހެން ބޭފުޅުންގެ ފައިންޕުޅުގައި ތުރުކުރައްވާ ރަނުގެ ގަހަނާއެއް. މި ހަދައިފައި ހުންނަނީ ކުރެހުން އެޅި މޫނުމައްޗެއް ލައިފައި މަލެއްގެ ސިފައަށް ހަދައިފައި ހުންނައެއްޗިހިން ގަތައިފައެވެ