radheef.info
ރަދީފު


ކ
އ ތާނައިގެ ހަތްވަނަ އަކުރު
ހިތްރޮއްވުން
މ ހިތަށް ހިތި އަސަރެއްކުރުވުން
ހިތްބަންޑުންކުރުން
މ (1) ހިތުގެ އެދުންތައް ހާމަކުރުން (2) ލޯބި ފާޅުކުރުން
ހިތްބަރު
ނއ (1) ހިތް ކިލަނބު (2) ހިތުގައި ހިނގާ ނުރުހުން (3) ހިތްހެޔޮނޫން
ހިތްބަރުކުރުން
މ (1) ހިތްކިލަނބުކުރުން (2) ހިތުގައި ނުރުހުން ހިންގުން (3) ހިތްނުބައިކުރުން
ހިތްބަރުވުން
މ (1) ހިތުގައި ކިލަނބުކަން ހިނގުން (2) ހިތްނުބައިވުން
ހިތްބަލި
ނއ (1) އަވަހަށް އަސަރުކުރާގޮތް ހުންނަ (2) ފިނޑި (3) ހިތްވަރު ދެރަ
ހިތްބަލިވުން
މ (1) ފަސޭހައިން ހިތުގައި ޖެހުން (2) ކިތަންމެ ކުޑަކަމުންވެސް އަވަހަށް އަސަރުކޮށް މޮޅިވުން (3) ކަންތަކާ މާބޮޑަށް ދެރަވުން
ހިތްބިރު
ނ ބައްޔެއްގެ ނަން. މިބަލީގައި އެއްވެސް ކަމެއްނެތި ނުވަތަ ސަބަބެއްނެތި ބިރުގަނެއެވެ
ހިތްބިރުގަތުން
މ އެއްވެސް ކަމެއް ނުވަތަ ސަބަބެއްނެތި ބިރުގަތުން
ހިތްކުޑައިކުރުން
މ (1) ދެރަވުމާއެކު މޮޅިވުން (2) މޮޅިވުން
ހިތްކެނޑުން
މ (1) ފޫހިވުން (2) ލޯބިކެނޑުން
ހިތްކޮށި
ނއ (1) ހިތުދަސްކުރުމުގެ ބާރު ދެރަ (2) ހިތްގައު
ހިތްކޮށިކަން
ނއނ ދަސްކުރުމުގެ ބާރު ކުޑަކަން
ހިތްއަވަސްވުން
މ (1) ކަމެއްވާލެއް ލަސްވެގެން އެކަމާ ކަންބޮޑުވެގެން އުޅުން (2) ލައިނުގަނެގެން އުޅުން (3) ކެތްތެރިކަން ކުޑަވުން
ހިތްއަލި
ނއ (1) ހިތުދަސްކުރާން ފަސޭހަ (2) މޭދާ ގަދަ
ހިތްއަލިކަން
ނއ (1) ހިތުދަސްކުރާން ފަސޭހަކަން (2) މޭދާގަދަކަން
ހިތްއަލިވުން
މ (1) ހިތުދަސްކުރާން ފަސޭހަވުން (2) މޭދާގަދަވުން
ހިތްއުފާ
ނއ (1) ހިތްފަސޭހަ (2) ހިތްހަމަޖެހޭ (3) މޮޅީގެ އިދިކޮޅު
ހިތްއުފާކަން
ނ (1) ހިތްފަސޭހަކަން (2) ހިތްހަމަޖެހޭކަން
ހިތްއުފާކުރުން
މ ހިތްފަސޭހަކުރުން