radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ތުނޑުފަށްއެޅުން
މ ފައްކާ ގޭގޭގެ ފައިދޮށު ކޮޅުފިލާ ގައްޔާއި ކުކުޅުވަހީގައި ތުނޑުތުނޑަށް ކަފައިފައި ހުންނަ ޓިނުފަށެއް ނުވަތަ ފިލައެއްއެޅުން
ތުނޑުސުފުރާ
ނ ހަތްކޮޅުނަގާ ބޭފުޅުންގެ ދަށަށް ތިއްބަވާ ބޭފުޅުން ފަރީއްކުޅުއްވާއިރު އަޅާފޮތިގަނޑު މިހުންނާނީ ހުދު ފޮތިގަނޑެއްގައި ކަޅުކަނޑިކީން ތުނޑު ބަރިއެއް އަޅައިފައެވެ
ތުނިފިޔޮހި
ނ ދެކޮޅު އެއްވަރު ތުނިތިލައެއް ލައިފައިވާ ވަޅިއެއް
ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ތުންބެއްދުން
މ (1) އެކިއެކި އެއްޗެހީގެ ތުނބުން ވައިނުހިނގާ ގޮތްހެދުން (2) މަޖާޒު: ވާހަކަ ނުދައްކައި އިނުން (3) ބައެއްކަހަލަ ހެދިކާ ހަދާއިރު ފުށްގަނޑުގެ ތެރެއަށް އަޅަންވާ އެއްޗެއް އަޅައިފައި ފުށްގަނޑުގެ ދެކައިރި ޖައްސައި ބާރުކުރުން (4) މައުދަނުން ހަދާ ބޮޅުފަދަ ތަކެތީގެ ދެކޮޅު ޖައްސައި ގުޅުވުން
ތުންމައްތެކުނބަ
ނ )ސ ( އޮޑިފަހަރުގެ އެންމެ ދިރުނބާ ކޮޅުގައި ހުންނަ ކުނބު
ތުންމަތި
ނ (1) އޮޑިދޯނި ފަހަރުގެ ދިރުނބާކޮޅުން މައްޔަލުން ބޭރަށް ދައްސޫރަ ދަމައިފައި ދައްސޫރަޔަށް ކަނިއަޅައިފައި ނަގާރިޔާ (2) ޖީބުރިޔާ (3) )ޏ ސ ( މެދުގޯތި ފިޔަވައި ގޯތި ތެރޭގައި އޮންނަތަން
ތުންފުހި
ނ ތުންފުހުމަށްޓަކައި ތެންގުޅޭފޮތިކޮޅު ނުވަތަ ކަރުދާސް
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތުންޑިޔާ
ނ (1) ދިރުނބާކޮޅު މައްޔަލުމަތިން ބޭރަށް ނުކުމެފައި އޮންނަބައި (2) އޮޑިފަހަރުގެ ތުންމަތިނަގަން މައިރިޔަލުގެ ތިރީކުރެވި ދަށުން ތުންމަތީގެ ފަސްކަނި އަޅަން ހުރަސްކުރާ ދަނޑި (3) )ސ ( ތުނޑި
ތުންޑޭކޮޑު
ނ )ގ ( ތުނޑީކޮޅު
ތުރުކުރެއްވުން
މ (1) ލުން މިބަހަށް އެންމެ މާތްކޮށް ބުނާގޮތް މިސާލު: )ހ( ހެދުންކޮޅު ތުރުކުރެއްވުން )ށ( އަތަރު ފޮދު ތުރުކުރެއްވުން (2) ބޯކޮށުން ތުނބުޅި ބޭލުން ފަދަނަކް ކަމަށް އެންމެ މާތްކޮށް ބުނާގޮތް މިސާލު: )ހ( އިސްތަށިފުޅު ތުރުކުރެއްވުން )ށ( ތުނބުޅިފުޅު ތުރުކުރެއްވުން (3) ވެށުން ނުވަތަ ހިއްޕުމަށް އެންމެމާތްކޮށް ކިޔާގޮތް މިސާލު: )ހ( ތެޔޮފޮދު ތުރު ކުރެއްވުން )ށ( ބޭސްކޮޅު ތުރުކުރެއްވުން
ތުޅުދަނޑި
ނ އެއްޗެހި ކިރުމަށް ހަދައިފައިއޮންނަ އެއްޗެއް މިއިން ކިރޭއެންމެ ބަރުމިނަކީ ތުޅެކެވެ )82 ރާތަލެވެ ( މިއޮންނަނީ ވަކިގޮތަކަށް ހަދައިފައިވާ ދަނޑިއެއްގެ އެއްކޮޅުގައި އެލުވާތަނަކާއި ކިރާއެއްޗެހި އެލުވާ ބުޅިގަނޑެއްލައިފައެވެ
ތުކުއްލާ
ނ )ގ ( ސުންކަން ޖަހަން ނަގާ އެތިކޮޅު
ތުއްރަވާސް
ނ ރަސްކަލުންނާއި ހަތްކޮޅުނަގާ ބޭފުޅުންގެ ފަގުޑިކޮޅުގެމެދުގައި ޖަހައިފައިހުންނަ ހިމަދިގު މާގަނޑެއްކަހަލަ އެއްޗެއް މިހަދައިފައި ހުންނަނީ ރަނުންނެވެ
ތުއްޕުނި
ނ )ގ ( ކުދިކުދި ފަސްކޮޅު
ތޫނު
ނއ (1) ކޮށި މިބަހުގެ އިދިކޮޅު (2) އެއްޗެއްގައި ހުންނަ ކެނޑޭގޮތް ނުވަތަ ވިރުވާލާގޮތް (3) މިޔަލީ ތަކެތީގެ މިޔައިގައި ހުންނަ ފަސޭހައިން ބުރިކުރެވޭ ނުވަތަ ކެފޭގޮތް (4) ވިސްނުންތެރި (5) ހިތްއަލި (6) ތޫރިކޮށްހުންނަ (7) އިވުމާއި ފެނުމުގެ ބާރުގަދަ
ތޫނުކަން
ނއނ (1) " ކޮށިކަން" މިބަހުގެ އިދިކޮޅު (2) މިޔަހުންނަ ތަކެތީގެ މިޔައިގައި ފަސޭހައިން ކެނޑޭގޮތް ހުންނަކަން (3) ވިސްނުންތެރިކަން (4) ހިތްއަލިކަން (5) އޫކޮށްހުންނަކަން
ތޫނުވުން
މ (1) ކޮށިކަން ކެނޑުން (2) ވިސްނުން ގަދަވުން (3) ކޮޅުއޫވުން
ތޫރިކޮޅު
ނ (1) ކަތިރިޔާ ފަރުމާނުގައި އަޅައިފައި ހުންނައިރު އެންމެ މައްޗަށްހުންނަ ކޮޅު (2) އެއްކޮޅަށް ހިމަކޮށް ހުންނަ ބައެއް އެއްޗެހީގެ އެންމެ ކުރި މިސާލު: ދުންމާރީގެ ތޫރިކޮޅު