radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ކުފުރުވުން
މ (1) ކަލާނގެ ރަސްކަންފުޅު ވޮޑިވާކަން ގަބޫލުނުކުރުން (2) ކަލާނގެ ރަސްކަންފުޅާމެދު އިހާނެތި ކޮށް ބުނުން (3) ލިބޭ ނިޢުމަތަށް ދެކޮޅު ހެދުން (4) މަޖާޒު: ކަމަކާ ހެދި މާބޮޑަށް އެދިގަނެގެން އުޅުން
ކުދިންކުޅޭކަށިކެޔޮ
ނ (1) ވިނައިގެ ބާވަތެއް މީގެ ފަތް ވައްތަރުވާނީ މިރުސްފަތާއެވެ (2) މިވިނައިގައި އަޅާވަކި މިހުންނަނީ ފެހިކުލައިގައި ވަށްކޮށް ކުރަކި ކޮށެވެ
ކުދިރުވާލި
ނ ފީނިކޮށް ދަނޑިތައް ވަކިވަކިން ވާކޮށްހެދޭ ގަހެއް މީގެ ދަނޑިވަރަށް ވަރުގަދަވާނެއެވެ މިގަހުގެފަތުގައި ވަރަށްނުބައި ހިތިވަހެއް ހުންނާނެއެވެ މާހުންނާނީ އުނިއޮށެއްގެ ބޮޑުމިނުގައި އެތެރެހުސްކޮށެވެ މަލުގެ ސިފައަކީ އާފަލެއްގެ ސިފައެވެ ކުލައަކީ ފެހިކުލައެވެ މީގެވަކި ލަބަރިބަންނަން ބޭނުންކުރެއެވެ މީގެފަތަކީ ބޭހަށް ބޭނުންކުރާ އެއްޗެކެވެ
ކުދިމަގޫ
ނ ކުދިމަގޫފަތާ ވައްތަރުކޮށް ފަތްހުންނަ ގަދަވައި ލެޓުކުލައިގެ މަލެއްއަޅާ ޅަކޮށްހެދޭ ކުޑަގަހެއް މިގަހުގެފަތް ކައިއުޅެއެވެ
ކުދިދުންފަތް
ނ (1) ދުންފަތުގެ ބާވަތެއް މިއީ ބޮޑުދުންފަތާ ޚިލާފަށް ފަތްބޯ ދުންފަތެކެވެ ފަތްހުންނާނީ ވަށްކޮށް ކުދިކޮށެވެ މިއީ ޢާންމުކޮށް ދުފަން ބޭނުންކުރާ ދުންފަތެކެވެ މީގެރަހަ ގަދަވާނެއެވެ (2) ދުފާފަތް (3) ކުދިފަތް
ކުދިލުނބޯ
ނ ކަށިގިނަގަހެއްގައި އަޅާވަކެއް މިއީ ގަހުގެ ފަތްވަޅުން ނުކުންނަ ވަށްކޮށް ހުންނަ ކުޑަކުޑަ ވަކެކެވެ. ދޮންނުވާއިރު ބޭރުތޮށިގަނޑު ހުންނަނީ ގަދަ ފެހިކުލައިގައެވެ. މިކަހަލަ ގިތި ކުދިލުނބޯ ގެ ދިޔަ ތެރަހަށް ބޭނުންކުރެއެވެ. ކުދިލުނބޯ ދޮންވުމުން ހުންނަނީ ގަދަ ރަތްކުލައިގައެވެ. މީގެ ދިޔަފޮނިވާނެއެވެ. ދޮން ކުދިލުނބޯ ކައިވެސް އުޅެއެވެ. މިގަހުގެ ލަކުޑިޔަކީ ކީލި ހިމުން އާރުލާ ރީތި އޮފެއް ހުންނަ ލަކުޑިއެކެވެ
ކުދީނާ
ނ ބިމުންމައްޗަށް ވަރަށް ކުޑަކޮށް ހެދޭ ގަހެއް. މިއީ ޒަވިވަހެއްދުވާ އާވި ކުޅިރަހައެއްދޭ ފެހިކުލަގަދަ ފަތެކެވެ. މިފަތް ހުންނަނީ ދެކޮޅު ވަށްކޮށް މެދަށް ފުޅާކޮށްނެވެ. ހަވާދާއި ޝަރުބަތާއި ސަޓަނި ހެދުމަށާއި ބޭހަށްވެސް މިފަތް ބޭނުންކޮށް އުޅެއެވެ
ކުދުފުއްލާ
ނ )ސ ( ފޫއެނބުރީގެ ބާވަތެއް މިއީ ހިމަކޮށް ގާތްގަނޑަކަށް 6 އިންޗި 4 އިންޗި ހާދިގު ކޮށް ބަދަބަދައަށް ހުންނަ ފޫއެނބުރިއެވެ މީގައި ރީތި ކުރެހުމެއް ހުރެއެވެ އެކި ތަންތަނުގައި ހުންނަނީ އެކިކުލައެވެ
ކުދެހި
ނ (1) ބިޔަކޮށްހެދޭގަހެއް މިއީ ލަކުޑި ދެރަގަހެކެވެ މިގަހުގެ ފަތް ހުންނާނީ މޫނިމާގަހުގެ ފަތްހެން އެއަށްވުރެ ދިގުކޮށެވެ (2) މިގަހުގެވައް
ކުލަބު
ނ (1) ޚާއްޞަ މަޤުޞަދަކަށްޓަކައި އެކުވެރިވެފައިވާ ޖަމާޢަތް (2) ޖަމާޢަތެއްގެ މީހުން ކުޅިވަރުކުޅެ ޚިޔާލުބަދަލުކޮށް ހަދާން ބައްދަލުކުރާ ގެ
ކުސީ
ނ (1) ހިތްފަސޭހަކޮށްލާ ކޮށްލުން (2) ފޫހިފިލުވާ ފިލުވުން (3) އުފާ
ކުސީފިލުވުން
މ (1) ފޫހިފިލުވުން (2) ހިތްފަސޭހަކޮށްލުން (3) އުފާކޮށްލުން
ކުސް
ނ (1) ކުޑަކުއްޖަކު ކަމެއް އެދިގެން ކުކުރާލުމަކާއެކީ ތަކުރާރުކޮށްބުނާ ބުނުން (2) ކުކުޅުހައު ބައެއްފަހަރަށް އަނެކައްޗަށް އަންގާން ގޮއްވާ އަޑު
ކުސްތެޅުން
މ ކުޑަކުއްޖަކު ކަމަކަށް އެދިގެން ކުކުރުމާއެކު ތަކުރާރުކޮށް ކިޔުން
ކުޑަހިޔާ
ނ ދަތުރުއޮޑިޔާއި ބައްތެލިފަހަރުގެ ކުނބުން ކޮޅުފަހުގައި ދެފުރާޅަށް ކޮށްފައި ހުންނަހިޔާ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑަބޭރު
ނ (1) ކުޑައިކޮށްކައިރި (2) ހިސާބަކަށް ކައިރި
ކުޑަބޭރުއެރުން
މ (1) ގާތްކޮށްލުން (2) ކައިރިކޮށްލުން މިސާލު: )ހ( އަހަރެން އެގެއާ ކުޑަބޭރު އަރާކަށްވެސް ބޭނުމެއްނޫނެވެ )ށ( އަހަރެން ދުވަހަކުވެސް އޭނާއާ ކުޑަބޭރުވެސް ނާރާނަމެވެ
ކުޑަކޮޅު
ނ (1) ލޮލުގެ ކުޑަކޮޅު (2) ކުޑައަށް މާތްކޮށް ކިޔާގޮތް
ކުޑަފަރީ އޮޑިއެއްރަށްމަތިވުން
)މިސާލުބަހެއް( އެކަކު އަނެކަކު ކިޔާނުކިޔާ އެއްޗެއް ނޭނގޭވަރަށް ޒުވާބުކޮށް އަޑުގަދަކޮށްގަތީމާ ދީއުޅޭ މިސާލުބަހެއް