radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
އަލަނާސިބޮލި
ނ ބޮލީގެ ބާވަތެއް: މިއީ ދޮން އަލަނާސިއާއި ދާދި އެއްކުލައެއްގައި ހުންނަ ބޮއްޔެކެވެ މިބޮލީގެ ބޭރުތޮށިގަނޑު ހުންނަނީ އަލަނާސިއާ ވައްތަރު ގޮތަކަށެވެ
އަލަފަތުބަޖިޔާ
ނ ބޭރުގައި އަލަފަތްލައި ތެލުލައިފައިހުންނަ ބަޖިޔާ
އަލަތު
ނ (1) ފުރަތަމަ. (2) އައު. މިސާލު: )ހ( އަލަތު އަނބިމީހާ. )ށ( އަލަތު ފިރިމީހާ. )ނ( އަލަތު ދަރި މިބަސް ބުނެއުޅެނީ ޚާއްޞަކޮށް ފުރަތަމަ އަނބިމީހާއަށް ނުވަތަ ފުރަތަމަ ލިބޭ ދަރިއަކަށެވެ
އަލަގަނޑުބަދަލި
ނ އަލަގަނޑެއްގެ އެތެރެކޮނެ ބޭސްއަޅައި ފޮޅިކޮށްގެން ހަދާ ބަދަލި
އަލާ
ނ ހިތަށް ނުވަތަ ހަށިގަނޑަށް ލިބޭން އަންނަ މީރުކަމަކަށް ވެވޭދަހިކަން
އަލާކެނޑުން
މ (1) ބޭނުން ފުދުން (2) "އަލާ" ބަލާ! (3) މަޖާޒު: މީހަކު ކަމެއްކުރަން އުޅެގެން އެކަމުން ދެރައެއް ލިބުނީމާ ބުނާގޮތެއް މިސާލު: މިހާރު ހުންނާނީ އަލާކެނޑިފައެވެ
އަލި
ނ (1) އަނދިރީގެ އިދިކޮޅު (2) ސާފު (3) ހަވާސާ (4) ލޮލޮގެ ކޮޔަށް އޭގެ އަސަރުކޮށްގެން ތަކެތި ފެންނަބާރު (5) ތަކެތިދަސްކުރާން ހިތަށްލިބޭ ބާރު
އަލިހަނޑޫބަނޑަށްދިނުން
މަޖާޒު: ތަކެތި ހުސްވެގެންގޮސް ބޭނުންނުކޮށް ރައްކައުކޮށްފައި ހުންނަ އެއްޗެހި ނަގައި ގެންގުޅޭންޖެހުން
އަލިހޮޅި
ނ ބަޑިބޭހުން ހަދާ ކުޅިވަރުގެ އެއްޗެއް މިއީކަރުދާހުން ހޮޅިއެއްހަދައި އެތެރެއަށް ބަޑިބޭސް އަޅައިގެން އަތުން ހިފަހައްޓައިގެން ރޯކުރާވަރަށް އަލިގަދަ އެއްޗެކެވެ
އަލިނަރު
ނ ބަޑިބޭހު ކުޅިވަރުތެރޭގައި ގެންގުޅޭ ރޯކުރީމާ ރީތިހުދު އައްޔެއްވާ ހިމަނަރެއް މީގެ ދެބާވަތެއް ހުރެއެވެ އެއީ މާޖަހާނަރާއި މާނުޖަހާނަރެވެ މާޖަހާނަރު ހުންނާނީ ނަރުފަށެއްގެ އެއްބުރީގައި ބަޑިބޭސް ލާފައެވެ މާނުޖަހާ ނަރުހުންނާނީ ބާދަލާފަށެއް ހެންނެވެ
އަލިވިލުން
މ (1) ފަތިސްވެ އަލިވިލުން މަޖާޒު: (2) ގަނޑުވަރުތެރޭ ބޭފުޅުން އަވަހާރަ ލައްޕަވާފައި ތެދުވެވަޑައިގަތުން (3) ނުފިލައިގެން އުޅޭކަމެއް އޮޅުންފިލުން
އަލިފާނާކުޅުން
މ ބޭނުމެއްނެތި އަލިފާން ގެންގުޅެ އެއްޗެތީގައި ރޯކޮށްހެދުން
އަލިފާނުކުޅިވަރު
ނ (1) ބަޑިކުޅި ހަވާ އަލިދަނޑި މިބާވަތުގެ ކުޅިވަރު (2) ބަޑިބޭހުން ހަދައިގެން ރޯކުރާން ގެންގުޅޭ ކުޅިވަރުގެ ތަކެތި
އަލިފާނުކުޅިވަރު
ނ ބަޑިބޭހު ކުޅިވަރު
އަލިދަނޑި
ނ އަލިފާން ދަނޑިފަދައިން ދަނޑީގެ ކޮޅުގައި ބޭސްލައިފައި ހުންނަ ރޯކުރީމާ ސާފުތާހިރު އަލިވާދަނޑި މީގެކިތަންމެ ކުލައެއް ހުރެއެވެ
އަލްޕަކާ
ނ ކަޅު މޮޅު ފޮއްޗެއް. އިހުގައި މިފޮތި ޚާއްޞަވެފައިވަނީ ގަނޑުވަރުތެރޭގެ މަތީ ދަރަޖައިގެ ފިރިހެން ބޭފުޅުންގެ ލިބާސްކޮޅު ކެނޑުމަށެވެ މިހާރު މިގިނައިން ގެންގުޅެނީ އަންހެނުން އުނުއަނުމަށެވެ
އަގުހުރުން
މ (1) އަގުބޮޑުވުން (2) ދަރަޖަމަތިވެރިވުން (3) އެއްޗެއްގެ ބޭނުން ބޮޑުވުން
އަސަޅިޔާ
ނ މިނާބޭހުގެ ބާވަތެއް މިއީރަތްކުލައެއްގައި ހުންނަ ކުދިއޮށެކެވެ ފެނަށް އެޅީމާ ކުޑަކޮށް މަސްލާގޮތް ހުންނާނެއެވެ
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
އަސާހަނޑޫ
ނ ފުރަމާލޭގެ ދެޚަތީބުންނާއި މީރުބަޙުރާއި ރަނަހަމާންތި ބޭކަލަކާއި މިނޫން ދެންތިއްބެވި އަސާދެއްވާ ބޭބޭކަލުންެކުރެ ކޮންމެ ބޭކަލަކަށް ވީއްލަވައިފައިތިބޭ ހަނގުބޭކަލުންގެ ދެމީހުންނަށް އޮންނަހަނޑޫ މިއީ އެބޭކަލުން އަންގަވާ ކަމެއްކުރާން ތިބޭ ދެމީހުނެވެ މި މީހުނަށް ހަނގުކަމުގެ ތަކެތި އޮވެފައި ވަރުތެރޭގެ މަސައްކަތެއް ނޯންނާނެއެވެ