radheef.info
ރަދީފު


ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
އަންގާ
ނ (1) ބާވަތެއްގެ މަހެއް (2) އެތިކޮޅެއް (3) އެންގުމުގެ އަމުރު
އަންގާ ނަކަތްތެރިކަން
ނ ނަކަތްތެރިކަމުގެ ބާވަތެއް. މިއީ ދުވަސް ހަތްބައަކަށް ބަހައިގެން ބަލާ ނަކަތްތެރިކަމެކެވެ. އެހަތްބަޔަކީ ބަވަ އުފަދާނަ ތިރުނަ ވެދާނެ ވިންނާނަ އަވިންނާނަ ހަންގިސްކާރަ މިއެވެ
އަރަބިހެދުން
ނ ދިގުލިބާހާއި ދިގުހަރުވާޅާއި ޖުއްބާއާއިއެކު ޢިޤާލު ނުވަތަ ފަގުޑި ބޭނުންކުރާ ހެދުން ޢިޤާލަކީ ބަދަވީން ބޮލުގައި އަޅާ ރުމާލާއި އޭގެ މަތީން އޮޅައިފައިން އޮންނަ އެއްޗެކެވެ
އަރަބިލަވަ
ނ (1) ބެރުޖަހައިފައި ކިޔާން ބާޒާރީ ޢަރަބިބަހުން ހަދައިފައި ހުރި ލަވައެއް (2) މިލަވަޔަށް ހަމަކޮށް ޖަހާބެރު
އަރަފާތު
ނ މައްކާއިން ބާރަ މޭލު ދުރުގައިވާ މުޤައްދަސް މައިދާނެއް މިއީ ތިރި ފަރުބަދައެކެވެ މިތާނގައި އިރުކޮޅަކު ތިބުމީ ޙައްޖުގެ ރުކުނެކެވެ
އަރަތް
ނ މީހުންގެ ވިސްނުންހުރި ވަރެއް ބެލުމަށް ކޮށް އުޅޭ ސުވާލުގެ ބާވަތެއް މިސާލު: " ކޮއްކޮއެއް ދައްތައެއް ބޭބެއެއް ނެތެވެ އެކަމަކު މިހިރަކުއްޖާގެ ބައްޕައަކީ އަހަރެންގެ ބައްޕަގެ ދަރިއެކެވެ
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިކަރު
ނ މޭގެ ވާތްފަޅީން ގޮށް އަޅާން ހުންނަ ލިބާހުގެ ކަރު މިއީ ފިރިހެނުން ލާ ލިބާހެކެވެ
އަރިކަރުލިބާސް
ނ މޭގެ ވާތްފަޅީން ގޮށްއަޅާން ހުންނަ ގައްބާ އެޅި ލިބާސް މިއީ އިހުގައި ފިރިހެނުންލައި އުޅުނު ލިބާހެކެވެ
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުވާހިފުން
މ (1) ހިފުމުގައި ބައްދާފައި ހުރިތަނުން ކުރިޔަށްގެންގޮސް ހިފުން (2) ތިމާގެ ބާރުގަދަ ކުރަމުން ކުރިއަރުވަމުން ގެންދިއުން (3) ބައްޔެއް ފަދަ ކަމެއް ފެތުރެމުން ދިއުން
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އަރޮޅި
ނ އޮށް ބޭހުގެ ބާވަތެއް. މިއީ އެތެރޭގައި ހަރު އޮށެއް އޮވެފައި އޭގެ އެތެރޭގައި ކަނަމަދެއް ކަހަލަ މަދެއް އޮންނަ ބޭރުގައި ބޯތޮއްޓެއްވާ އެއްޗެކެވެ މީގެ ދެތިން ބާވަތެއް ހުރެއެވެ
އަބަށްހިފުން
މ އަބުޖަހައިގެން ބާރުކުރުން
އަބާ
ނ އަރަބި ހެދުމުގައި ކަމަރު ބަންނަ ލިބާހުގެ މަތީންލާ ބޮޑު ލިބާސް މިއީ ވަރަށް ފުޅައުކޮށް އޮންނަ ބަނޑުފެޅި ލިބާހެކެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާރަނަމަތީބޮޑުލަވަ
ނ "އަބާރަނަ" ޖަހާފައި އޭގެ ލަވަމައްޗަށް ޖަހާލަވައެއް ކުޅިހުއްޓާރެއަށް މިލަވަޖަހާ އުޅުނީ އައްޑޫކޮށިން ތިންދަނޑިއާ އެއްލާންނުކުތީމައެވެ
އަބާއްޖަ
ނ (1) "ބާއްޖަ" ގެ އިދިކޮޅު (2) ބަދުނަސީބު
އަބު
ނ (1) ލަކުޑީން ނުވަތަ މަޢުދަނުން އެއްކޮޅު ފަތިކޮށް ހަދައިފައި އޮންނަ އެއްޗެއް މިޖަހައި އުޅެނީ ކިހާއެއްޗެތި ނުވަތަ ފަޅާލަކުޑި ގަނޑެއް ދުރުކުރުމަށެވެ (2) ބައެއް ބައެއްތަކެތި ފޭކުރާން ނުވަތަ ބާރުކުރާން ޖަހާއެތި ކޮޅު މިސާލު: އިލީގެ ކޮޅަށްޖަހާއަބު