radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
މަޅިގަނޑު
ނ (1) އެއްޗެހި އެލުވައިފައި ބެހެއްޓުމަށްޓަކައި ނުވަތަ ތަންޑުގަނޑު ފަދަ އެއްޗެހި ލެއްވުމަށްޓަކައި އެއްވަރެއްގައި ގިނަދުވަހު ހުންނާނޭހެން ހަރުކުރާ ނުވަތަ އެކުލަވާމަޅި. (2) އަމިއްލައަށް ފުޅަލި ހުޅުވިގެން ދިޔަނުދިނުމަށްޓަކައި އަޅުވަން ހުންނަ މަޅި. މިމަޅި ފިލާ ދަގަނޑު ރޯނު އަދި މިނޫންވެސް އެއްޗެހިން ހަދައިފައި ހުރެއެވެ
މަޅިޖެހުން
މ (1) ކުކުޅު ނުވަތަ ދޫނިފަދަ އެއްޗެއް ހިފުމަށްޓަކައި މެދުގައި ހުސްބުރެއް އޮންނާނޭހެން ދޫގޮށެއްޖެހުން )މިގޮށްޖަހައިފައި ހުންނާނީ ދަމާލީމާ ބާރުވާގޮތަށެވެ ( (2) މަޅި ހެދުން
މަކުޑި
ނ (1) އެއްޗެއް ހިފެހެއްޓުމަށްޓަކައި ނުވަތަ ހުޅުވުނަ ނުދިނުމަށްޓަކައި ލަކުޑިން ހަދައި ހަރުކޮށްފައި ހުންނަ އެއްޗެއް. މިސާލު: ދޮރުފަތްލައްޕާފައި އަޅުވާ ލަކުޑި ދޮރު ހިފެހެއްޓުމަށް ދޮރުކަނީގައި ޖަހާފައި ހުންނަ މަކުޑި. (2) އެއްޗެހި ހިފެހެއްޓުމަށާއި ހަރު ކުރުމަށްޓަކައި ފާރަށް ލައްވައިފައި ހުންނަ ލަކުޑި (3) ތަނބުގެ މައްޗަށާއި ފުލަށް ލައްވާ ލަކުޑި (4) ޓިނުޖަހާއިރު ފަތިގަނޑާއި ޓިނުގަނޑާ ދޭތެރެއަށް ލައްވާ ލަކުޑިކޮޅު
މައިން
ނ (1) "މައި" މިބަހުގެ ގިނަގޮތް (2) މަޢުދަން ނެގުމަށްޓަކައި ބިމުއަޑީގައި ކޮނެފައި ހުންނަ ވަޅުވަޅުގަނޑު ނުވަތަ ބިންގަރާސް (3) ތަންތަން ނުވަތަ އެއްޗެހި ގޮއްވާލުމަށްޓަކައި ބޭނުންކުރާ ބޮމެއް
މައިބަފާގޮވުން
މ އަމަޔާއި ނުވަތަ ބަފަޔާއި ނުވަތަ އެދެމީހުންނާ ގުޅޭގޮތުން ހުތުރު އެއްޗެހިކިއުން
މައިކްރޯމީޓަރު
ނ (1) މީޓަރެއްގެ އެއްމިލިއަން ބައިކުޅަ އެއްބައި (2) މިނެއްޓެއްގެތެރޭގައި އެއްޗެއް ދަތުރު ކުރާވަރެއް ބެލުމަށް ދުރުމީއެއް ނުވަތަ މައިކްރޮސްކޯޕެއް ހަރުކޮށްގެން ހަދާފައިވާ އާލަތެއް
މައިމުޅަވުން
މ އަންހެން ދަރީގެ ދަރީންނަށް ކާފަ ނުވަތަ މާފައާއި މާމަގެ މުދާ ނުލިބޭގޮތްވުން )މިގޮތްދިމާވާނީ ބައްޕަ ނުވަތަ މަންމަ ދުނިޔޭގައި ހުއްޓައި އަންހެން ދަރިފުޅު މަރުވާއިރު އޭނާގެ ދަރިން ތިބުމުންނެވެ މައިމުޅަވުމޭ ކިޔަނީ މިގޮތް ދިމާވުމުން އަންހެން ދަރީގެ ދަރީން ކާފަ ނުވަތަ މާފަ ނުވަތަ މާމަގެ މުދަލުން މަޙުރޫމްވާތީއެވެ
މައިމޫ
ނ (1) ބައެއް ގަސްގަހުގެ މައިގަސް ގަނޑާ އެއްސީދަލަށް އަޑިއަށް ހުންނަ މޫ (2) ބައެއް ވައްތަރުގެ ގަސް ހިފެހެއްޓި ހުރުމުގެ ބާރު ލިއްބައިދޭމޫ (3) މަޖާޒު: ކަމެއްގައި ނުވަތަ ތަނެއްގައި ވެރިއެއްގެ ގޮތުން އެންމެ އިސްވެހުރިމީހާ
މައިފަތް
ނ (1) އިހުގައި ރަށްރަށުގެ ވަރުވާ ނަގަން ވީގޮތް ލިޔެވިފައި އޮންނަފޮތް (2) ދަތުރުކުރާ އުޅަނދު ފަހަރަށް އަރުވާ ތަކެތީގެ ހިސާބު ލިޔެފައި ހުންނަ ފޮތް ނުވަތަ ކަރުދާސް
މައިފޮތް
ނ (1) ފައިސާގެ ފޮތް )ފައިސާއާބެހޭ މުޢާމަލާތުތައް ރެކޯޑް ކުރާފޮތް( (2) ކަމެއްގެ އަޞްލުތައް ނުވަތަ ކަމަކާބެހޭ ފުރިހަމަ މަޢުލޫމާތު ލިޔެފައިވާ ފޮތް
މައިތިރި
ނއ (1) ހަރުކަށި ނުވަތަ ގަދަފަދަކަމުގެ އިދިކޮޅު (2) ނ ހަދާފަންޑިތައަކުން ނުރައްކަލެއް ވެދާނެތީ އޭގެ ދިފާޢުގައި ހަދާފަންޑިތަ
މައިތިރިކަން
ނއނ (1) ހަމަހިމޭންކަން (2) ހަރުކަށި ނުވަތަ ގަދަފަދަ ކަމުގެ އިދިކޮޅު
މައިތިރިކުރުން
މ (1) ހަމައިން ނައްޓާލައިގެން އުޅޭ ކަމެއް ނުވަތަ ބައެއް ހަމައަކަށް އެޅުވުން (2) ހަމަހިމޭންކުރުން
މައިތޮށި
ނ (1) ރަށެއް ނުވަތަ ފަޅެއް ފަދަ ތަނެއްގައި ޤުދްރަތީ ގޮތުން އުފެދިފައިވާ ތޮށި (2) ރަށެއް ފަޅެއް ފަދަ ތަނެއްގައި ޤުދްރަތީގޮތުން އުފެދިފައިވާ ތޮށިމަތީގައި ނުވަތަ ބައެއްގައި ގަލުންލާތޮށި ނުވަތަ ފާރު
މައިސޯބު
ނ (1) ގަޑީގެ ކަށި އަނބުރައިދޭ ސޯބު (2) މަޖާޒު: ތަނެއްގެ އެންމެ ބޮޑު މީހާ (3) ޗާބީދޭ އެއްޗެއްގެ ކެނބު ގުޅިފައިވާ ފުއްކެނޑިބުރު ނުވަތަ ނާރެސް މިބުރު ނުވަތަ ނާރެސް އެނބުރުމުގެ ސަބަބުން އެ އެއްޗެއް ހިންގައިދެއެވެ
މައުލޫދު
ނ ކީރިތި ރަސޫލާއަށް ނިސްބަތްކޮށް ޅެމުން ނުވަތަ ވަކި ޚާއްޞަ ޢިބާރާތްތަކަކުން އެކުލަވާލާފައިވާ ސިޔަރަތު
މައްސަލަ
ނ (1) ޙައްލުކުރަން ނުވަތަ ނިންމުމެއް ނިންމަންޖެހޭ ކަމެއް (2) ނުރަނގަޅުކަމެއް (3) އުނދަގުލެއް (4) ހަމަނުޖެހުމެއް
މައްސަލަޖެހުން
މ (1) ހައްލުކުރަން ނުވަތަ ނިންމުމެއް ނިންމަންޖެހޭކަމެއް ކުރިމަތިވުން (2) ދީނީ ނުވަތަ ޤާނޫނީ ގޮތުން ޙުކުމެއް ކަނޑައެޅޭ ފަދަ ކަމެއް ކުރިމަތިވުން (3) ހަމަނުޖެހުން އުފެއްދުން (4) ކުށެއްޖެހުން
މައްސަލަޖެއްސުން
މ (1) ޙައްލުކުރަން ނުވަތަ ނިންމުމެއް ނިންމަން ޖެހޭ ކަމެއް ކުރިމަތި ކުރުން (2) ދީނީ ނުވަތަ ޤާނޫނީ ޙުކުމެއް ކަނޑައަޅަންޖެހޭ ފަދަކަމެއް ކުރިމަތި ކުރުން (3) ހަމަނުޖެހުން އުފެއްދުން (4) އުނދަގުލެއް ކުރިމަތި ކުރުން
މަދަން
ފުނަ ނުވަތަ ކަނދުއޮށް މަދު ދަވައިގެން ފުނޑައިގެން އޮޑިދޯނި ފަހަރުގެ ހިންމި ބެލުމަށް ހަދާފުޓުންޏެއް