radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނާބަންނަހުއި
ނ އޮނުހުއި ވައްތަރަށް ހެދޭހުޔެއް މީގެ މާގަނޑުގެ ބައްޓަން ކުދިބަތުގެ ކުރަޔާ ވައްތަރުވާނެއެވެ
ނާބަންނަކަށިގަނޑު
ނ ކުކުޅުހާލާއި ބައެއްދޫނީގެ މޭކަށިގަނޑު
ނާބަބަޑި
ނ (1) ރަމަޟާންމަހު އިރުއޮއްސިއްޖެކަން އެންގުމަށް ޖަހައި އުޅުނު ބަޑި ހަރޯދައިގެ ދުވަސްތަކުގައިވެސް މިބަޑި ޖަހައި އުޅުނެވެ (2) ބޮޑުދެހިތީގައި ނާބަ ފަށަންވީމާ ޖަހައި އުޅުނު ތިންބަޑި
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ނާޅި
ނ (1) ގޮވާމުގެ ބާވަތްތައް މިނާން ގެންގުޅޭ ހަތަރު ލާހީގެ މިންވަރު ހުންނަ އެއްޗެއް (2) ހަތަރުލާހީގެ މިންވަރު އެއީ ގާތްގަޑަކަށް ދެރާތަލެވެ
ނާޅު
ނ (1) ކުރު ފަލަ އަނގަބޮޑު ބަޑިއެއް (2) )ބދ ( ދޯޅު
ނިކަބިލިއްސަގަސް
ނ ބޮޑެތި ބިޔަ ނިކަގަސް
ނިކަކޯޅި
ނ ހަނޑުލުފުށުން ހަދާ ތެލުލައި ހަކުރުލައިފައި ހުންނަ ހެދިކާއެއް
ނިކައަޅޯ
ނ ނިކަގަހުގެ އޮފިތަކުން ފައިބާމޫ މިމުލުގެ ޚާއްސަ ބޭނުމަކީ އޮޑިދޯނި ފަހަރުގެ ފަރުމާނު ހެދުމެވެ
ނިކަމެތި
ނއ (1) ހާލުދަތި (2) ހަށިގަނޑުގެ ޟަޢީފު (3) ބަލިކަށި (4) ފަޤީރު
ނިކަމެތިކަން
ނއނ (1) ހާލުދަތިކަން (2) ހަށިގަނޑު ޟަޢީފުކަން (3) ބަލިކަށިކަން (4) ފަޤީރުކަން
ނިކަމެތިވުން
މ (1) ހާލުދަތިވުން (2) ހަށިގަނޑު ޟަޢީފުވުން (3) ބަލިކަށިވުން (4) ފަޤީރުވުން
ނިއަނެތި
ނއ (1) މަޑުމައިތިރި (2) އަބުރުވެރި
ނިއަނެތިކަން
ނއނ (1) މަޑުމައިތިރިކަން (2) އަބުރުވެރިކަން
ނިއަނެތިވުން
މ (1) މަޑުމައިތިރިވުން (2) އަބުރުވެރިވުން
ނިއަރޮދި
ނ ނިޔަފަތިގަނޑާއި ހަމާގުޅޭ ތަނުން ހަމުގެ ކައިރިފަށް
ނިއަވާބޮނޑި
ނ )ސ ( ނިވާބޮނޑި
ނިއަމިފަތިގަނޑު
ނ (1) ކަށިތިޔާރުކުރާ ފަތިގަނޑު (2) ޗާޓުރޯލު
ނިއަފަތި
ނ އިނގިލިތަކުގެ ކަޅުހަންނިމޭތާ ކުރީގައި ހުންނަ ހަރު ތޮށިގަނޑު