radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ރިސެޕްޝަން
ނ (1) ޚިދްމަތްދޭ ތަންތާނގައި މަޢުލޫމާތު ދިނުމަށް ބެހެއްޓިފައި ހުންނަ ކައުންޓަރ (2) މުނާސަބަތު ފާހަގަ ކުރުމަށް ބާއްވާ ސައި ނުވަތަ ކެއުން
ރިޒާވު
ނ (1) މުސްތަޤްބަލްގެ ބޭނުމަށް ބަހައްޓާ ތަކެތި (2) އެކިއެކި މުބާރާތްތަކާއި ކުޅިވަރު ތަކުގައި މީހެއްގެ ބަދަލުގައި ނުކުންނަން ހުންނަ މީހާ
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރިޔަންއެޅުން
މ ރިޔަން ބޭނުންކޮށްގެން އެއްޗެއްގައި ނުވަތަ ތަނެއްގައި ހުރިމިން ބެލުން
ރިޔަލުއުޅަނދު
ނ ރިޔާނަގައިގެން ކަނޑުމަތީގައި ދުއްވާ ކޮންމެއެއްޗެއް
ރިޔަލުފޫޅުގަނޑު
ނ ރިޔަލުގައި ދަންމާނު ހަރުކުރުމަށް ހަދައިފައި ހުންނަ ބޮޅު
ރިޔަލުދޯނި
ނ ރިޔާނަގައިގެން ދުއްވާ ދޯނި
ރިޔާ
ނ (1) ފުރާދުއްވާ ތަކެތީގައި ވައިއަޅުވާން ނަގާފޮތިގަނޑު މީގެތެރޭގައި ހަތަރެސްކަން ރިޔަލާއި ކަތިރިޔާ ހުރެއެވެ (2) ފެހުރު
ރިޔާނެގުން
މ ރިޔަލުގައި ވައިއަޅާގޮތަށް ރިޔާއުފުލުން
ރިޔާބަނުން
މ (1) ފަރުމާނުގައި އަޅާފައިވާ ރިޔާ ފަރުމާނަށް ކަހާލާ ފަރުމާނާއެކު އައްސައިލުން. (2) ރިޔާ ކުޑަކުރުމަށްޓަކައި ރިޔަލުން ބައެއް ފަރުމާނާއެކު އެއްސުން
ރިޔާކެވުން
މ ރިޔާއަޅާފައިވާ ފަރުމާނުގެ މެދާހިސާބުގައި ދެހަންޖަލުގެމެ އެއްކޮޅު އަސްޖަހާ އެއްސުން
ރިޔާއެޅުން
މ ފަރުމާނުގައި ރިޔާއެއްސުން
ރިޔާސަތު ބެލެހެއްޓުން
މ ބައްދަލުވުމެއް ނުވަތަ ޖަލްސާއެއް ނުވަތަ ކޮމިޓީއެއް ހިނގަމުންދާއިރު އިސްމީހެއްގެ ގޮތުގައި އެބައްދަލުވުން ކުރިއަށް ގެންދިއުން
ރީނބުރުފިލާ
ނ ގެދައާ އެއްވައްތަރަށް ފަތްކުދިކޮށް ބިމުގައި ފެތުރި ހެދޭ ކުޑަކުޑަ ގަހެއް މިގަހުގައި ވަރަށް ރީނދޫކުލަ ގަދަ ކުޑަކުޑަ މަލެއް އަޅައެވެ މިގަހުގެ ހުރިހާ ބައެއް ހަމުގެ މަތީގެ ދިލަނެގުމުގެ ބައްޔަށް ބޭސް ހެދުމަށް ބޭނުންކުރެއެވެ މީގެ ގޮނޑި ހުންނާނީ ކުޑަވާ އިނގިލިހާ ކުޑަކޮށެވެ
ރީނދޫ
ނ (1) ފޯލިކޮށް ހުންނަ ދޮންރަތްކުލައިގެ ގޮނޑިއެއް މިއީ ހަވާދާއި ބޭހަށް ބޭނުންކުރާއެއްޗެކެވެ (2) ވިއްސާރަދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަކުލަ
ރީނދޫހުން
ނ ހުމުގެ ބާވަތެއް މިހުންޖެހުނީމާ ލޮލާ ނިޔަފަތިތަކާ ހުދުހަމާ ކުޑަކަމުދާ އެއްޗެހި ރީނދޫ ވާނެއެވެ މިއީ ނުރައްކާތެރި އަދިގައިން ގަޔަށްއަރާ ބައްޔެކެވެ ބައެއްފަހަރު މޭގަނޑާ ސިކުޑިޔަށް ގެއްލުން ލިބިދާފަދަ ބައްޔެކެވެ މިބަލިޖެހެނީ ބަލިޖައްސާފަނީގެ ސަބަބުންނެވެ
ރީނދޫބޭސް
ނ ބޭހުގެ ބާވެތެއް މިބޭސް ހުންނާނީ ރީނދޫ ކުލައިގައެވެ މިބޭސް ބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭ ތަންތާނގައާއި މެށޭތަންތާގައި ފާރުހިއްކުމަށްޓަކައި އުނގުޅައެވެ
ރީނދޫކުލަ
ނ (1) ރީނދުލުގައި ހުންނަކުލަ (2) ވިއްސާރަ ދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަ ކުލަ
ރީނދޫވެން
ނ ވެނުގެބާވަތެއް މިއީ ދެފަރާތު އަރިމަތީގައި ރީނދޫކުލަޔާއި ނޫކުލައިގެ ތިކިތަކެއް ހުންނަ ވެނެކެވެ މިވެން ގިނައިން އުޅެނީ ހުއިވިނަ ހެދިފައި ހުންނަ ފަޅުފަޅުގައެވެ
ރީމު
ނ ކަރުދާހުގެ ބަންޑެލި މީގައި ކުރިން ހުންނަނީ 084 ގަނޑެވެ މިހާރު ހުންނަނީ 005 ގަނޑެވެ