radheef.info
ރަދީފު


ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ފުޅާފިލުން
މ އެއްޗެއްގައި ހުރި އޮރި ފިލުން
ފުޅިއްސާލުން
މ (1) މަހާލުން (2) ކެއުމާމެދު ދަށް ބަހުރުވައިން ބުނާ ގޮތެއް (3) )ބދ ( ބޭނުންކޮށްލުން
ފުކިއެޑުން
މ )ސ ( ވޮށަށް ފުއްލުން
ފުއްދައިލުން
މ (1) ލިބުނު އެއްޗަކުން ހަމަޖައްސައިލުން (2) ދެކޮޅު ޖައްސައިލުން
ފުއްލުން
ނ (1) މޮޑެފައި ހުންނަ ފުށް ވިދުނާއްޓަށް އަޅައިގެން ފުއްފުކަށް ހުންނާނެ ގޮތަށް އަތުން ތިރިޔަށް ބޭލުން (2) އުފުލިލުން (3) ވޮށް ދިއްލުމަށް ކަފަކޮޅެއް ފަދަ އެއްޗެއް އޭގެ ޖާގައިގައި ބޭއްވުން (4) )ހ ( އަތްބައްތިއާއި ފުޅިބައްތި ފަދަ އެއްޗިއްސަށް ފީތާ ލެއްވުން
ފުއްޕުން
މ (1) ބޯޅައާއި ހަންފަދަ އެއްޗިއްސަށް ވައި ވެއްދުން (2) އެތެރެއަށް ވައިވަދެގެން އުފުލުން (3) ހަކުރު މަޅުކުރުން (4) ބަތަށް ހަކުރުލައި މަޅުކުރުން (5) ހަމަ އެއްޗެއްވަކި ބައްޓަމަކަށް އުފުލުން (6) ބައެއް ދިރޭ އެއްޗެހި ރުޅިއައިސްގެން ހަށިގަނޑު ބޮޑުކޮށްލުން މިސާލު: ކޮލިފުއްޕުން (7) މަޖާޒު: ވަރުގެ ކޮޅަށް ނަލަހެދި ފަރިވުން
ފުފިއެގެއްލުން
މ )ސ ( (1) ހަތާގެއްލުން (2) މަޖާޒު: އަނބިމީހާ ނުވަތަ ފިރިމީހާ ގެއްލުން
ފުފުން
މ (1) އެއްޗަކަށް ވައިޖެހުމުގެ ސަބަބުން އެ އެއްޗެއް ބޮޑުވުން. (2) ކާއެއްޗެހި ފިހުމަށް ފުށްގަނޑު މޮޑޭއިރު އަޅާ އެއްޗެއްގެ ސަބަބުން އެ އެއްޗެއް ފިހެވެމުން ދާއިރު އުފުލުން. (3) ދިރޭ އެއްޗެއް މަރުވެގެން ގިނައިރުވުމުން ފިލުނދުވެގެން ބޮޑުވުން. (4) ހައްޔަރުގައި އިނުމުގެ ސަބަބުން ނުވަތަ ގިނައިން ކެއުމުގެ ސަބަބުން ބަނޑު ބޮޑުވުން (5) މަޖާޒު: ރުޅި ގަދަވެގެންގޮސް ރުޅީގެ އަސަރު މޫނުމަތިން ފާޅުވުން
ފުލުންދިއުން
މ (1) ފުލުގޮށް މޮހުން (2) ފުލުން ފޭބުން (3) މަޖާޒު: ކަމެއް ބޮއްސުންލުން
ފުލުގޮށްމޮހޮން
މ (1) އެއްޗެހި ތަކެއް އަމުނައިފައިހުރި ފައްޗެއްގެ ފުލުގައި ޖަހައިފައި ހުރި ގޮށް މޮހުން (2) މަޖާޒު: ކަމެއް ބޮއްސުންލުން
ފުސްނެގުން
މ ފުސްހެލުން
ފުސްކަރުބެއްދުން
މ ކިހިލިފަތްދޮށުން އަތްގެންގޮސް ކަރަށް އަތްމަހާލުން
ފޫހަރުކުރުން
މ (1) ކޮޅަށްޖަހާ އެއްޗެހީގައި ފޫ ނުގުޑާގޮތަށް ގަދަކުރުން (2) މަޖާޒު: ތަނަކަށް ގަދަކޮށްލުން
ފޫޅުކެނޑުން
މ (1) ކުއްޖަކު ދުނިޔެއަށް އުފަންވާއިރު އެކުއްޖާއާއި ގުޅިފައި އޮންނަ ފޫޅު ދަނޑި ވަކި ހިސާބަކުން ބުރިކޮށްލުން (2) މަޖާޒު : ނުދަނެހުރި މީހަކާ ކަމެއް މަތިކުރުން
ފޫޅުމާފޮށި
ނ ރާއްޖޭގައި ޑަކްޓަރީ އުޞޫލުން ފޫޅުމައިކަން ކިޔަވައިދެއްވުމަށްފަހު ފާސްވުމުން އެކަމުގެ ސަނަދާއެކު ދެއްވާ ކަމާބެހޭ ސާމާނު އަޅައިފައި ހުންނަ ފޮށި
ފޫޅުދަނޑިވައި
ނ ޅަފަތުގެ ކުދިންގެ ފޫޅަށް ގެއްލުން ލިބިގެންވާ ކަމެއް މިބަލީގެ ސަބަބުން ވާގޮތަކީ ބަނޑުގައި ރިއްސުމާއި ބައެއް ފަހަރު ފޫޅު ފުއްޕުމެވެ
ފޫވައްޓައިލުން
މ (1) ފޫހުރި އެއްޗެއްގެ ފޫތޮރުފައިލުން (2) ފޫހަލާކު ކޮށްލުން (3) ތަނަކުން ބާގަނޑެއް ހަދައިލުން
ފޫދުއްވާލުން
މ (1) އެއްޗެއްގައި ނުވަތަ ތަނެއްގައި ލޯވަޅެއް އަޅައިލުން ނުވަތަ ބާގަނޑެއް ހަދައިލުން (2) އެއްފަރާތުން އަނެއްފަރާތް ފެންނަ ގޮތަށް ތޮރުފައިލުން
ފޫގެޅުން
މ (1) އަނދެފައިވާ މުންޑު ނުވަތަ ފޮށާ ފަދަ އެއްޗެހީގެ ތިރީކޮޅު އެއްފަށަށް ވާގޮތަށް ކުރިމައްޗަށް ބޮޑިކޮށްލައި އެބައި ދެފައި ދެގޯޅިން ފަހަތަށް ގެންގޮސް ފުރަގަހުން އުނަގަނޑުގެ ރޮދިގަނޑު ދަށަށް ޖެހުން (2) މަޖާޒު: ޢަޒުމާއެކު ކަމަކާ ކުރިމަތިލުން
ފެހިއެންދުން
މ އޮޑިދޯނިފަހަރުގެ ފެހިކެހުމުގެ ކުރިން ފެހިތައް ބަލިކޮށްލުމަށް ފަން ހިނގުލެއް ފަދަ އެއްޗަކުން ފެހިތަކުގެ މަތި އަންދާލުން