radheef.info
ރަދީފު


ފަދަ
އ (1) ކަހަލަ (2) ގޮތް
ތަޅުލުން
މ (1) ތަޅުދަނޑިއަކުން ނުވަތަ އެފަދަ އެއްޗަކުން މެނުވީ ނުހުޅުވޭގޮތަށް ތަޅެއް ބަންދުކުރުން (2) ނަންބަރުތަޅުހުންނަ ފޮށިފޮށީގައި ނަންބަރުދިމާ ކުރުމުން މެނުވީތަޅު ނުހުޅުވޭގޮތް ހެދުން
ތައުބާ
ނ (1) ކުރެވިފައިވާ ކުށްފާފަ އިޙްސާސްކޮށް ކުރާ ހިތާމަ (2) އެފަދަކަމެއް ނުކުރުމަށް ކުރާޤަޞްދާއި ކަނޑައަޅާޢަޒުމް
ތައުބާވުން
މ (1) ކުރެވިފައިވާ ކުށްފާފަ ހަނދާންކޮށް ހިތާމަކުރުން (2) އެފަދަކަމެއް ނުކުރުމަށް ގަސްތުކޮށް ޢަޒުމު ކަނޑައެޅުން
ތައުބާލައިދިނުން
މ ތައުބާގެ އިބާރާތް އަޑުދަށުން ކިއުމަށްޓަކައި ކިޔައިދިނުން. މިކަންކުރަނީ މުރުތައްދުވުންފަދަ ބޮޑުފާފައެއްކުރުމުން ޝަރީޢަތުގެ ފަރާތުން އެކަމަށް ނަސޭހަތްތެރިވާ ހިނދުގައެވެ
ތައްގަނޑަށްޖެހުން
މ އުޅާބައިގެ ފިތްތައް ފަދަ އެއްޗެހި ފުއްވުމަށް ތައްޔާރުކޮށްފައި އޮންނަ ތައްގަނޑަށް ރަންރިހިފަދަތަކެތި ތަޅައި ތުނިކޮށްފައި ޖެހުން
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތަވީދު
ނ (1) އެކިއެކި ބޭނުންތައް ފުދުން އެދި ފަންޑިތަހެދުމުގެ ގޮތުން ކަރުދާހާއި ފޮއްޗާއި ހަމާއި ތިމަރަފަތް ފަދަ ތަކެތީގައި އަޒީމަތަކެއް ނުވަތަ ގުރުއާނުގެ އާޔަތްތަކެއް ލިޔެގެން ބޭނުންކުރާ އެއްޗެއް (2) އިލެކްޓްރޯނިކް އެއްޗެހީގެ އެތެރޭގައި ހުންނަ އެއްޗެއް މިވައްތަރުވާނީ އަސްޖަހައިފައި އޮންނަ ތަވީދަކާއެވެ
ތަތުން
ނ (1) ރޯނާއި ނަނުފަދަ އެއްޗެހީގެ މެދުތެރޭގައި ބައްދާމަޅިއެއް (2) ކުނަލާއި ފޭލިފަދަ ތަކެތި ވިޔާއިރު ވިޔެވެމުންދާބައި އޮޅަން ލަކުޑިން ހަދައިފައި އޮންނައެއްޗެއް
ތަތުންބެއްދުން
މ ރޯނާއި ނަނުފަދަ އެއްޗެހީގެ މެދުތެރެއިން އެއްޗެހީގައި ބައްދާމަޅިއެއް ބެއްދުން
ތަޚުޞީސްކުރުން
މ (1) ޚާއްޞަކުރުން (2) ލިޔުމެއްފަދަ އެއްޗެއް ވަކިފަރާތަކަށް ޚާއްޞަކުރުން
ތަޣައްޔަރުކުރުން
މ (1) ފެންފަދަ އެއްޗެއް އެހެން އެއްޗަކާ އެއްކުރުން (2) އަސްލުގޮތް ކަނޑުވައިލުން (3) އެއްޗިހިތަކެއް އެއްކޮށްގަޑުބަޑު ކުރުން
ތަޣައްޔަރުވުން
މ (1) ފެންފަދަ އެއްޗެއް އެހެން އެއްޗަކާ އެކުވުން (2) އަސްލުގޮތް ކެނޑުން (3) އެއްޗިހިތަކެއް އެކުވެގެން ގަޑުބަޑުވުން (4) ނުބައިވުން
ތާނގީ
ނ (1) ފެން ނުވަތަ ތެޔޮރައްކާކުރުމަށް ދަގަނޑުފިލައިން ހަދައިފައިވާއެތި (2) ދިޔާއެއްޗެހި އެއްތަނުން އަނެއްތަނަށް ގެންދިއުމަށް ޓަކައި އެއެއްޗެހި އަޅަން ހަދައިފައިހުންނައެތި މިމަޢުދަނުންނާއި ފައިބަރުފަދަ ތަކެތިންވެސް ހަދައިފައިހުރެއެވެ (3) ފެންރައްކާކޮށްފައި ބެހެއްޓުމަށްޓަކައި ރާނައިގެން ނުވަތަ ކޮންކްރީޓްކޮށްގެން ހަދައިފައިވާއެއްޗެއް
ތާން
ނ (1) ސާގާއި ގޮދަންފުށްފަދަ ތަކެތީގައި ދިޔާކޮށް ކައްކާއެއްޗެއް މިއީ ފޭރާން ހަރުކޮށް ބެހެއްޓުމަށް ޖަހާއެއްޗެކެވެ (2) އެއްކޮށް އޮންނަ ހަތަރު މުންޑު (3) އެއްކޮށް އޮންނަ ދެލިބާސް
ތާރުއެޅުން
މ (1) މަގުމަގާއި ވައިގެބަނދަރުފަދަ ތަންތަން ހެދުމުގައި ބިންގަނޑު ތަޅައި ހަރުކުރުމަށްފަހު ތާރުގެ ތަޅުމެއް ދުއްވުން (2) ތާރުގެފަށަލައެއް ދުއްވުން
ތާކިހާ
ނ ބޯނިވާކުރުމަށް ބޮލަށް ފައްތާ ގޮތަށް ނިތްގަނޑެއް ނެތިހުންނައެއްޗެއް. މި ފޮއްޗާއި ކެހެރިއާއި ރޮދިފަދަ ތަކެތިން ތަފާތު ސިފަސިފައަށް ހަދައިފައި ހުރެއެވެ
ތާވަލު
ނ (1) މަތިންދާބޯޓުފަދަ އުޅަނދުފަހަރު ފުރާގަޑިއާއި އަންނަގަޑި އެނގޭގޮތަށް ތައްޔާރުކޮށްފައިވާ އެއްޗެއް (2) ކިޔަވާ ކުދިން ހަފުތާގެ ތެރޭގައި ކިޔަވަންޖެހޭ ގަޑިތަކާއި އެގަޑިތަކުގައި ކިޔަވަންޖެހޭ މާއްދާތައް އެނގޭގޮތަށް ތައްޔާރުކޮށްފައިވާ އެއްޗެއް (3) ކަމެއް ކުރުމަށް ދުވަސްތަކުގެ މައްޗަށް ބަހާލައި އެދުވަސް ދުވަހު ކުރާނެ ކަންތައްތައް ކަނޑައަޅައި އެނގޭ ގޮތަށް ތައްޔާރުކޮށްފައިވާ އެއްޗެއް (4) ހޫލަ
ތާސީރު
ނ އެއްޗެއްގައި ހުންނަގޮތް އާއްމުކޮށް މިބަސް ބޭނުންކުރަނީ ކާބޯތަކެއްޗާއި ބޭސްބޭހާއި ފަތްޕިލާވެލިފަދަ ތަކެއްޗާ ބެހޭގޮތުންނެވެ
ތިނަރު
ނ ފާލީހާއި ދަވާދު ފަދަތަކެތި ދިޔާކުރަން އަޅާ ދިޔާއެއްޗެއް
ތިނޯހުމަސައްކަތް
މ ތިނޯހުންކުރާ މާޖެހުންފަދަ މަސައްކަތް