radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ތަމީމުތާރަ
ނ މަލިކު ތާރަފާޑަށްޖަހާ ތާރައެއް މިއީފަސްލަވައިން ލަވަބައި އޮންނަ ތާރައެކެވެ
ތަލަކަޅުބިބީ
ނ ފަރުފަރާއި ފަޅުފަޅުގައި ގިނައިންއުޅޭމަހެއް މިއީ އެހެނިހެން ބިބީތަކަށްވުރެ ބޮޑުވާ މަހެކެވެ މިމަހުގެ އަރިމަތީގެ ކުލައަކީ ހުދުކުލައެވެ މަހުގެ ތަލައިގައި ކަޅުކުލައިގެ ލަފެއް ފާޅުކޮށް ހުންނާނެއެވެ
ތަގުޑި
ނ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުވެރިން ޖަހާބެރެއް މިއީ އެރަސްމިއްޔާތު ނިމުނީކަން އެންގުމަށް ޖަހާބެރެކެވެ
ތަސްބީހަނަމާދު
ނ ވަގުތު ކަނޑައެޅިގެންނުވާ ސުންނަތް ނަމާދެއް. މިއީ ކޮންމެ ރަކުޢަތެއްގައި ހަތްދިހަފަސްފަހަރު ބޮޑުތަސްބީޙަ ކިޔަމުން ކުރާ ހަތަރު ރަކުޢަތް ނަމާދެކެވެ
ތަޞްދީޤުކުރުން
މ (1) ތެދުކުރުން (2) ޤަބޫލުކުރުން (3) ރައްތިތުންގެ މަޖްލިހުން ފާސްކުރާ ބިލެއް ރަސްކަލަކު ނުވަތަ ރައީސަކު ޤާނޫނެއް ކަމުގައި ޤަބޫލުކުރެއްވުން
ތާން
ނ (1) ސާގާއި ގޮދަންފުށްފަދަ ތަކެތީގައި ދިޔާކޮށް ކައްކާއެއްޗެއް މިއީ ފޭރާން ހަރުކޮށް ބެހެއްޓުމަށް ޖަހާއެއްޗެކެވެ (2) އެއްކޮށް އޮންނަ ހަތަރު މުންޑު (3) އެއްކޮށް އޮންނަ ދެލިބާސް
ތާރަފިނި
ނ ތަންތާނގައިލާ ދަވާދަށް އަޅާ ވަސްގަދަ ހަލުއިތެލެއް މިއަޅަނީ ދަވާދު އަވަހަށް ހިކޭނެގޮތްހެދުމަށެވެ މިއީބޭހުގެ ގޮތުގައިވެސް ބޭނުންކުރާ އެއްޗެކެވެ
ތާރު
ނ (1) ކަޅުމުށިކުލައިގެ ނުވަތަ ކަޅުކުލައިގައިހުންނަ ބޮލާކީންޏަށްވުރެ އޮލަ އެއްޗެއް މިއީ ހޫނުވީމާ ދިޔާވާ ފިނިވީމާ ހިކޭ އެއްޗެކެވެ މީގައިގަދަ ޒަވިވަހެއްހުރެއެވެ މިތައްޔާރުކުރަނީ ބޯޓް ދެއްޔާއި އެކިކަހަލަ ލަކުޑިއަންދައި ގެންނެވެ (2) ސާފުނުކުރާ ތެލުން އެކިބާވަތުގެ ތެލަށް ބޭނުންވާ ހުރިހާ ބާވަތްތަކެއް ނެގީމާ ހުންނަބައި
ތާވަޅަ
ނ ފަޅުތެރޭގައި އުޅޭމަހެއް މިއީގާތްގަނޑަކަށް ކުދިމުށިމަސްވަރުގެ ބޮނޑިމަސްކޮށް ހުންނަމަހެކެވެ މިއީބައިބައިގަނޑަށްއުޅޭ މަހެކެވެ މިއީ އެމަކަށްވެސް ބޭނުންކުރާ އެއްޗެކެވެ
ތާވައްކާށި
ނ ތާރުކުގެ ކާށި މިއީވިހައިގެ ބޭހަށް ބޭނުންކުރާ އެއްޗެކެވެ
ތާފަތް
ނ (1) މަސްމަހާމެހީގެ ބޮލުގެ ދެފަރާތުގައި ހުންނަފަތްގަނޑު މިއީފެނުގެތެރެއިން ބޭނުންވާ އޮކްސިޖަން ލިބިގަތުމަށް ޙަރަކާތްކުރާއެއްޗެވެ (2) ރުއްރުކުގައި ގަންނައެއްޗެހީގެ ތަނޑު އެއެއްޗަކާގުޅިފައިވާބައި
ތާސްދަގަނޑު
ނ މުރަނަކޮށް ހުންނަ ދަގަނޑު މިއީ ޖެހޭގޮތަކުން ބިންދައިގެންދާގޮތްހުންނަ ހަރު ދަގަނޑެކެވެ
ތާޑު
ނ ހަނޑޫ މާޖައްސައި މުގުރައިފައި ހަކުރުލައިގެން ހަދާއެއްޗެއް މިއީ ފަނިޔާރަމަށް އަޅާއެއްޗެކެވެ
ތިނެސްކަން
ނ (1) ތިންއަރިއަށް ހުންނައެތި (2) ތިންކަން (3) ސާޅީސްފަސް ދަރަޖަ ނުވަތަ ތިރީސް ދަރަޖައާއި 06 ދަރަޖައަށްވާގޮތަށް ހަދައިފައިވާ ފަތިގަނޑު މިއީހިސާބުގެ ކަންކަމުގައި ގެންގުޅޭ އެއްޗެކެވެ
ތިނެސްކަންބިބީ
ނ ފަރުފަރާއި ފަޅުފަޅުގައި އުޅޭ ބިބީ ޢާއިލާގެ މަހެއް މިމަހުގެ ކުލައަކީ މަޑުމުށިކުލައެވެ މުޅިމަހުގައި ގަދަމުށި ކުލައިގެ ކުރެހުމެއް ހުރެއެވެ ގިނަ ބިބީއާ ޚިލާފަށް ކޮތަރިބައި ރަނގަޅަށް ހުޅުވައިލައިގެން އުޅޭއިރު ތިނެސްކަންގޮތަށް ހުންނަމަހެކެވެ މިއީ ދިވެހިން ކައިއުޅޭ މަހެއްނޫނެވެ
ތިންހަމަ
ނ ކުޅޭ ކުޅިވަރެއް. ތިންހަމައިގެ ހުންނަނީ ދެވައްތަރެކެވެ. އެއް ވައްތަރަށް ކިޔަނީ ބަބުރު ތިންހަމައެވެ. އެއީ އާދައިގެ ތިންހަމައެވެ. އަނެއް ވައްތަރަކަށް ކިޔަނީ ވަގު ތިންހަމައެވެ. މިތިންހަމައަށް ފުއްކާ ތިންހަމައޭވެސް ކިޔައެވެ
ތިންބަލު
ނ އަތުން ފަހާއިރު އިނގިލީގެ ކޮޅަށް ލައްވާދޯރި މިއީ ތިނޯސްކޮއްޕަން ފަސޭހަ ކުރުމަށް ލައްވާ އެއްޗެކެވެ
ތިންއަރިއަށްބޯބޭލުން
ގބ ބޮލުން ބައެއް ނުބާލައި ބޮލުގެ ތިންފަރާތުން ބޯބޭލުން މިއީ އިހުގައި އަދަބެއްގެ ގޮތުން ކޮށްއުޅުނު ކަމެކެވެ
ތިރިމަގެލެ
ނ )ގ ( ލޮނުމަގޫ މިއީރާޅުއަރާ ހިސާބު ގައި ހުންނަ މަގުލެވެ ބޭހަށް ބޭނުންކުރާ އެއްޗެކެވެ
ތިއްތި
ނއ (1) ނަލަ (2) ރީތި (3) ބަސްއަހާ (4) ރަނގަޅު މިއީ ކުޑަކުދީންގެ ބަހުރުވައިގައި ބޭނުންކުރާ ބަހެކެވެ