radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ތުނބުޅި
ނ ފިރިހެނުންގެ ދަތްދޮޅިއާއި ކޮލުގެ ދެފަރާތުން ކަންހުޅީގެތިރިން ފަޅާއިސްތަށި
ތުނބުޅިމަތިމަސްރޭކާލުން
ގބ ފިރިހެނުންގެ ދަތްދޮޅިއާއި ކޮލުގެ ދެފަރާތުން ކިރިޔަކިރިޔާ އިސްތަށިފެޅުން މިއީ މީހާގެ ޅަކަން ބަޔާންކޮށް ދިނުމުގެ ގޮތުން ބޭނުންކުރާ ބަހެކެވެ
ތުނޑު
ނ (1) ތިނޯހުގެ ކުރި (2) ތުނޑުކަށީގެ ކުރި (3) މަސްބާނާބުޅިފަދަ އެއްޗެހީގެ ހިމަކޮޅު (4) ގަލަމާއި ފަންސުރުފަދަ ތަކެތީގެ ލިޔަން ޖައްސާތަން (5) ފައިދަށު ކޮޅުފިލައިގައި އަޅައިފައި ހުންނަ ތުނޑުބައިގެކޮޅު (6) އަފުނޯސް ކަށީގެ ކުރި (7) ވަޅިއާއި ފިޔޮހިފަދަ އެއްޗެހީގެ ކުރި (8) ކުރިއަށް ހިމަކޮށް ހުންނަ ކޮންމެ އެއްޗެއްގެކޮޅު
ތުނޑުމަތިހިފުން
މ އަރުމާޒުގައި ވަޑައިގަންނަވާއިރު ރަދުން އިންނަވާ އޮޑިކޮޅުގައި ކަނޑިއައްޑަނަ ހިފައިގެން ނުވަތަ ބޮންތިއާއި އައްޑަނަ ހިފައިގެން އެކަކުއެކަނި ޖަހާކުޅިއެއް
ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތުރަ
ނ ކުއްޖާ ނުވަތަ ކުއްޖާއާއެކު ވިހާމަސް މައިމީހާގެ ބަނޑުން ނުކުންނަ ނުކުތުން
ތުއި
ނ (1) ފިރިހެނުން ފެނުމުން ބައެއް އަންހެންކުދީންގެ ހަށިގަނޑަށާއި މޫނަށް ގެނެވޭ ހަރަކާތާ ބަދަލު (2) އާތް
ތުއިކަން
ނއނ އާތްކަން
ތުއިވުން
މ (1) ފިރިހެނުން ފެނުމުން އަންހެން ކުދިން ޅަވެގަނެގެން އުޅުން (2) އާތްވުން
ތުލަ
ނ (1) މޭސަރާހީގެ ހަތްވަނަ ރާހި (2) ވިރުސިކައާއި ޖެހިގެން ކުރިޔަށް އޮންނަ ރާހި (3) )ގ ( ފިއްލެޔޮ
ތޫނުފިލި
ނއ (1) ކަޅިރަވައާއި މޫނުމަތި ރީތި (2) މޫނުމަތީގައި މީހުންގެ ހިތްދަމައިގަތުމުގެ ބާރުހުރި
ތޫނުފިލިކަން
ނއނ (1) ކަޅިރަވައާއި މޫނުމަތި ރީތިކަން (2) މޫނުމަތީގައި އަނެކުންގެ ހިތްދަމައިގަތުމުގެ ބާރުހުންނަކަން
ތޫފާން
ނ (1) ތަންތަނަށް ގެއްލުންދީ ޣަރަޤު ކޮށްލާވަރަށް ރާޅުއަރާ އެރުން (2) ކޯރުކޯރާއި ކަނޑުގެ ފެންގަނޑުމައްޗަށް އުފުލި ނުރައްކާތެރި ގޮތުގައި އެއްގަމަށް ފެތުރިގެންދާދިއުން (3) ގަސްގަސް މުލުންލައި ތަންތަން ހަލާކުވާވަރަށް ޖެހޭގަދަވައި (4) އާދަޔާޚިލާފަށް ބޯކޮށް ގިނައިރުވެހޭވާރޭ (5) މަޖާޒު: ޖެހޭބޮޑެތި މުޞީބާތް
ތެޅިލާ
ނ (1) ވިރުވައި ކުލައާއެއްކޮށް ތަޅައި ފަތިކޮށްފައި ހުންނަލާ. ލިޔެލާޖަހާއިރު އެއްޗެހީގައި ލާ ޖަހަނީ މިއިންނެވެ (2) ތެޅިލުން މިބަހުގެ ވާކަމާއި އަމުރު
ތެލަނގަ
ނ އިލޮށިން ނުވަތަ އޮނުފަތިން ދުނިގަނޑު ހަދައި އޭގައި ކަރުދާސް ހިއްޕައި ނަގޫލައިގެން )މަޑިއާއިގުޑިފަދައިން( އެއްލާ އެއްޗެއް
ތެލާރު
ނ ތެލަގަހުގެ އާރު
ތެލިފޯނު
ނ ދުރުގައި ހުންނަމީހަކާ ނަރެއްގެ ޛަރިޣާއިން ވާހަކަދެއްކުމަށް ބޭނުންކުރާ އާލަތެއް
ތެޔޮ
ނ (1) ބައެއްޒާތުގެ އޮށް އޮށާއި މަސްމަހުގެ ހަމާއި ސަރުބީއާއި މޭގަނޑުންހޭނޭ ފެނަށްވުރެ އޮލަ ދިޔާއެއްޗެއް (2) ބިމުގެ ތެރެއިން ނެގޭ އޮލަ މާއްދާއެއް މިމާއްދާއިން ޑީސަލާއި ކަރާސީނާއި އެކިވައްތަރުގެ ޕެޓްރޯލް އުފައްދައެވެ
ތެޔޮނާށިކާޅުގެންދިއުން
ގބ މިސާލުބަހެއް: (1) ހިތާވެގެންއުޅޭ އަންހެންކުއްޖާ އެހެންފިރިހެނަކު އަތުލައިގަތުން (2) ރައްޓެހިވެގެން ނުވަތަ ހިތާވެގެންއުޅޭ އަންހެންކުއްޖާއާއި އެހެންމީހަކު އިނުން