radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
މުދިވައްޓާ
ނ )ގ ( އަނގޮޓިފަދަ ތަކެތި ވަށް ކުރާން އަރުވާއެތި
މުދިމު
ނ (1) މިސްކިތް ބެލެހެއްޓުމާއި ފަސްވަގުތު ބަންގި ގޮވައި އިސްވެ ނަމާދުކޮށް އުޅުމަށް ދައުލަތުން ވަޒީފާ ދެއްވާފައިވާ މީހާ (2) އިހުގައި ބޭރު ދަތުރުކުރާ ސަރުކާރުގެ އުޅަނދުތަކުގައި ބަންގިގޮވައި އިސްވެ ނަމާދުކޮށް އަދި ކަށުކަމާކެމީގެ ކަންތައް ކުރުމަށް ދައުލަތުން ވަޒީފާ ދެއްވާފައިވާ މީހާ (3) އިހުގައި އަވަށް އަވަށުގެ ސަރުދާރުންގެ ދަށުން ކަންތައްތައް ކުރުވަން ސަރުކާރުން ލައްވައިފައިވާ މީހާ
މުތައްބަޚުރޮށި
ނ ދަމައިފައި އޮންނަ ފުށްގަނޑެއްގެ މައްޗަށް ކުކުޅުބިސް ނުވަތަ ތަރުކާރީ ނުވަތަ މަސްއަޅައި ފަތް ޖަހައިލުމަށް ފަހު ރަތްތޮށި ވަންދެން ފިހެ ތައްޔާރުކުރާ ކާއެއްޗެއް
މުލަވެދި
ނ )ސ.( މިޔަރު ބާނަންގޮސް ވަތަށް ދޫކުރާގާ ނުވަތަ އަކިރި ގޯނި
މުލާ
ނ އިހުގައި ބައެއް އަންހެނުން ބޭރަށްދާއިރު ބޮޑު ބުރުގާހެން ބޭނުންކުރާ ފޮތިގަނޑެއް
މުގުރާން
ނ މަސްވެރި ކަމުގައި އެންމެ ގިނައިން ބޭނުންކުރާ އެމުގެ ބާވަތެއް )މިއީ ބައިބައި ގަނޑަށް އުޅޭއެއްޗެކެވެ ބުރަކަށި މަތީގައި ހުންނާނީ ނޫކުލައެވެ
މުގުދަރު
ނ ލަކުޑިން މުށްވަޅު ލައިފައި ލިއެފައި އޮންނަ އެއްޗެއް. )މިއީ ކަސްރަތު ކުރުމަށްޓަކައި ބޭނުންކުރާ އާލާތެކެވެ
މުގޫ
ނ (1) ނަގިއްޔާއި ފަނާފަދަ ތަކެތީގައި އައްސައިފައި އޮންނަވަލުގެ އޮޑީގައި އޮންނަކޮޅު (2) ތަނެއްގައި ނުވަތަ އެއްޗެއްގައިވާ އައްސައިގެން ދަމާއިރު އެދަމާކޮޅު (3) ވާދަޔަށް ވާދަމާއިރު ބޭނުންކުރާ ވަލުގެ ދެކޮޅު (4) ދެމިވާންވާ ވަލެއް ނުވަތަ ނަނެއްފަދަ އެއްޗެއްގެ ހިފެހެއްޓިފައި އޮންނަކޮޅު (5) ތެޔޮޅުވާކުދިންގެ ވެރިޔަކަށް ހުންނަކުއްޖާ (6) މަޖާޒު: ކަންކަން ހިންގުމުގެ އިސްމީހާ
މުސައްލަ
ނ ނަމާދުކުރާ ތަނުގައި އެޅުމަށް ފޮތިން ހަދައިފައި ހުންނަ އެއްޗެއް
މުސާރަ
ނ އަދާކުރާ ވަޒީފާއެއްގެ ނުވަތަ ކޮށްދޭ މަސައްކަތެއްގެ އުޖޫރަ
މުސްތަޢުމަރުން
ނ ޤައުމުތައްހިފައި އަޅުވެތިކުރާމީހުން
މުޑަން
ނ (1) މަސްދޯނި ފަހަރުގައި މަސްބާނަން ގެންގުޅޭ އެންމެ ކުރުދޮށި (2) ތަނުގައި ހިނގާ ހުރިހާ ދެރަކަމެއް މަތިކުރާ މީހާއަށް ނިސްބަތްކޮށް ބުނެއުޅޭ ބަހެއް މިސާލު: މަތިވާނީމުޑަނާއެވެ (3) ގޭގެ ވެރިޔަކަށް އިންނަ އަންހެންމީހާ
މުޑުދާސް
ނ ބޭހަށް ބޭނުންކުރާ މަޢުދަނީ އެއްޗެއް މީގެ ތަފާތު ވައްތަރުތައް ހުރެއެވެ
މުޒާހަރާކުރުން
މ ކަމަކާމެދު ބަޔަކުމީހުން ތިބިގޮތް ފާޅުކުރުމުގެ ގޮތުން އެއްވެގެންކުރާ ޙަރަކާތާއި އުޅޭ އުޅުން
މުޓިޔާމާރު
ނޯކަރެއްގެ ގޮތުގައި ބުރަ މަސައްކަތް ކުރާމީހާ
މުޖާހިދުން
ނ ޖިހާދުކުރާމީހުން
މުޙައްރިރު
ނ (1) ނޫސް މަޖައްލާފަދަ ތަކެތީގައި ޝާއިޢުކުރާ އެއްޗެހި ކަނޑައަޅައި އެއެއްޗެހި ޗެކްކޮށް ބަލަހައްޓާ އެންމެ އިސްވެރިޔާ (2) އެޑިޓަރ
މުޚްލިޞް
ނއ (1) އިޚްލާޞްތެރި (2) ތެދުވެރިކަމާއެކު ކަންކުރާ
މުޢާމަލާތު
ނ (1) ދުނިޔަވީ ކަންތައްތަކުގައި ދެފަރާތެއްގެ ދެމެދުގައި ހިންގާ ގުޅުން މިސާލު: ގަނެވިއްކުން (2) އެކަކު އަނެކަކަށް ކަންތައް ކުރާގޮތް
މުޝްރިކުން
ނ (1) މާތްﷲ ގެ ރަސްކަންފުޅާ އެހެން ފަރާތަކާ ބައިވެރިކުރާ މީހުން (2) މާތްﷲ ފިޔަވާ އެހެން ފަރާތަކަށް އަޅުކަންކުރާ މީހުން