radheef.info
ރަދީފު


މައިންނަށްފެންނުދޭސޫފި
ނ ބިންކޮނެގެން އުޅޭ ސޫތްޕެއް މިއީ މަޑު މުށިކުލައެއް ހުންނަ ދެއިންޗިއެއްވަރު އެއްޗެކެވެ
މައިބަފާގޮވުން
މ އަމަޔާއި ނުވަތަ ބަފަޔާއި ނުވަތަ އެދެމީހުންނާ ގުޅޭގޮތުން ހުތުރު އެއްޗެހިކިއުން
މައިކަނބަލުން
ނ މަންމައަށް މާތްކޮށް ބުނެއުޅޭ ގޮތެއް
މައިމަސް
ނ ބައެއް މަސްއައިނާ އެކުގައި އުޅޭ ބޮޑުމަސް
މައިދަނޑި
ނ ލެއްކުޅޭއިރު އަޅާ ރޮނގުތަކުގެ ތެރެއިން ދިގަށް އޮންނަ ރޮނގު
މައިދުނި
ނ (1) އެއްލަން ގެންގުޅޭ ގުޑީގެ ބާވަތްތަކުގެ މެދުގައި ދިގަށްއަޅާ ދުނި (2) އަތޮޅުގެ ބޭރުފަރު
މައިތިރިކުރުން
މ (1) ހަމައިން ނައްޓާލައިގެން އުޅޭ ކަމެއް ނުވަތަ ބައެއް ހަމައަކަށް އެޅުވުން (2) ހަމަހިމޭންކުރުން
މައިތިރިވުން
މ (1) ހަމައިން ނެއްޓިގެން އުޅޭ ބަޔަކު ހަމަޔަކަށް އެޅުން (2) ހަރުކަށިކަން ކުޑަވުން (3) ބައްޔެއް އެހުރި ދަރަޖައަށްވުރެ ލުއިވުން (4) ކުރާގަދަ ވިއްސާރައެއް މަޑުވާގޮތްވުން (5) ރޯގާއެއްގެ ބާރުކެނޑުން
މައިސޯބު އެނބުރޭގޮތަށޭ ކުދިސޯބު އެނބުރޭނީ
މަޖާޒު: (1) ބޮޑެތި މީހުން އުޅޭ ގޮތަށޭ ކުޑަކުދިން އުޅޭނީ (2) ވެރިން އުޅޭ ގޮތަކަށޭ ދަށުގައި ތިބޭ މީހުން އުޅޭނީ
މައުނާ
ނ )ޏ ސ ( އޮޅު އަލައިގެ ބާވަތެއް މިއީ ޢާއްމުކޮށް ކައި އުޅޭ އެއްޗެއްނޫނެވެ
މައުރަޒު
ނ (1) ފަންނީގޮތުން ކުރެވޭ މަސައްކަތްތަކުގެ ނަމޫނާތައް ހުށަހެޅޭތަން (2) ދައްކަން ބޭނުންވާތަކެތި ދެއްކުމަށް ބަހައްޓާފައި ހުންނަތަން
މައުޒަން
ނ (1) އިސްކުރުމުގެ ވަށައިގެން އެނބުރެމުންދާ ގޮތަށް ކަނޑާ ކެނޑުން (2) ކަސްރަތުކޮށް އުޅޭ މީހުންގެ ހަށިގަނޑުގައި މަސްގަނޑު ހަރުވެ އެނބުރިފައި ހުންނަގޮތް
މައްރަތްދަނޑި
ނ ކޮށީމީހުންގެ ތެރެއިން އާދައިގެ މީހުން ކުޅި ޖަހަން ގެންގުޅޭ ދަނޑި
މައްސަލަޖެހުން
މ (1) ހައްލުކުރަން ނުވަތަ ނިންމުމެއް ނިންމަންޖެހޭކަމެއް ކުރިމަތިވުން (2) ދީނީ ނުވަތަ ޤާނޫނީ ގޮތުން ޙުކުމެއް ކަނޑައެޅޭ ފަދަ ކަމެއް ކުރިމަތިވުން (3) ހަމަނުޖެހުން އުފެއްދުން (4) ކުށެއްޖެހުން
މަދަރުސާބަށި
ނ ޓެނިސް ބޯޅައަކާއި ޓެނިސް ފިލާގަނޑަކުން އަންހެނުން ކުޅޭ ކުޅިވަރެއް މިކުޅޭނީ އެކަމަށް އޮންނަ ޚާއްޞަ ކޯޓެއްގައެވެ
މަތަ
ނ )ޏ ސ ( (1) މަތާ (2) އައިސް އައިސްހުރި އެއްޗެއް ހުއްޓުވައިލާ ހުއްޓުވައިލުން (3) ހަމައިން ނެއްޓިގެން އުޅޭ ބައެއް ނުވަތަ ކަމެއް ބާރުގެ ދަށަށް ގެންނަ ގެނައުން
މަތަކު
ނ ފަސްގަނޑު ޖަހަން ގެންގުޅޭ އޮޑަލުގެ ސިފައިގައި އޮންނަ އެއްޗެއް
މަތަކުރުން
މ (1) އައިސް އައިސް ހުރި އެއްޗެއް ހުއްޓުވައިލުން (2) ހަމައިން ނެއްޓިގެން އުޅޭ ބައެއް ނުވަތަ ކަމެއް ބާރުގެ ދަށަށް ގެނައުން
މަތަވުން
މ (1) އައިސް އައިސް ހުރި އެއްޗެއް ހުއްޓުވާލެވުން (2) ހަމައިން ނެއްޓިގެން އުޅޭ ބައެއް ނުވަތަ ކަމެއް ހަމަޔަކަށް އަޅުވާ ލެވުން
މަތިފަޑިމައްޗަށްއެރުން
މ (1) އޮޑިދޯނިފަހަރުގެ މަތިކިބައިގެ ފަޑި ނުވަތަ މަތިކަން މައްޗަށް އެރުން (2) މަޖާޒު: ކަމެއް ހިނގަމުންދާއިރު އެކަމުގައި ބައިވެރިވާންޖެހޭ މީހަކު ކުޅިބަލާ މީހެއްގެ ގޮތުގައި ކަމުގައި ބައިވެރިނުވެ ހުރުން (3) ކަމެއްގައި ބައިވެރިވެ އުޅެފައި އެކަމެއް ގޯސްވާގޮތްވުމުން އެކަމުގާ ނޫޅޭ މީހަކަށް ހެދިގެން ދުރުގައި ހުރުން